بسيس قبل اجيه اسمع بطاريه=وبالصدفه الزينه لقيته وجاني
مذكور بالاحسان طالت مهاليه=وافي الخصايل في جميع المعاني
طيب ومتواضع وربي محليه=مشهود له بالطيب سر وعلاني
بيته مشيد والمناعير تلفيه=عز الرفيق وعز من جاه عاني
ابا امدح الطيب لزوم اناديه=عند القريب وعند قاصي وداني
من كان مثلك يابو فواز نغليه=ربي لعلك ماتشوف الهواني
الله يطول في حياته ويبقيه=والله يجيره من صدوف الزماني
الاش لو هو من خواني مدانيه=والطيبين الهم بقلبي مكاني
لو كل طيب ينشري كان بشريه=وابني لهم بيت رفيع المباني
بيت لعكفان الشوارب تجي فيه=واحلف يمين مايجيه الهدامي
ابيات من رد الشاعر بسيس
يامرحبا بالضيف والله يحييه=ترحيبة الصفطان والعمر فاني
عداد ماهل المطر من مناشيه=وماكان في قلبي يجيبه لساني
ضيف عزيز واجبه مانخليه=لو المواشي عشر والا ثماني
نويت اسلم رد مقبل بياديه=والا اتصل بالرقم فربع ثواني
نشري طلي التاجر اللي يربيه=ولانذبح المعزا طوال الاذاني
من شان ابو مطلق ومن حبنا فيه=ماكنه الا واحد من خواني
جاني على ذكري وانا جاهل فيه=وانا من اول معرفه لين جاني
يامرحبا بالجمس الاحمر وراعيه=والطيب ريح العود والزعفراني
انا احسبه طلاب عازه ونعطيه=لا كن طلع لي شاعر محيلاني