نعم اخوي امير الحمادين

حاتم مبدع بكل ماتحمله هذه الكلمه من معنى

اعتقد ان مافيه وقت محدد لكتابه القصيده

فالقصيده هي التي تكتب الشاعر


مريت بمواقف كثيره ولكن ساذكر لك اخرها

كان فيه واحد من جماعتي وتربطني فيه اخوة وصداقه قويه جداً

وكان ياخذ قصايدي وينشرها ويحط عليها شيلات وصور

وكان معجب جداً بقصايدي بعدين جوه ناس وقعدوا يخاصمونه ويقلون له وش تبي فيه

يوم تشيل قصايده وتسمعها وتنشرها بعد

قال معجب واتمنى اني اوصل ربع مستواه المهم تشاد معهم فالكلام وهم طبعاً ماخلوا عني شي

يقلون هذا مو شاعر ولا يدري الشعر وينه فيه

يوم جاء عرس اخوهم وهم يجوني فالبيت قالوا نبيك تقيم امسيه الليله في حفلتنا

قلت لهم انا ماني شاعر الشعر في وادي وانا في وادي وش تبون فيه طيب

المهم رفضت اقيم امسيه عندهم وسويت هالابيات

القصيده ماني ذاكر مبداها بذكر لكم من الابيات اللي فيها

انا ترا راعي عدلات وانصاف=ولاعمري الحقت المولي حسوفه
لي مع الطالات قاله وميقاف=وشخصيتي بين الرجال معروفه
اكتب قصيدٍ جزل واصخر القاف=واصبر على هم الزمان وظروفه

شعراء كثيرين افضلهم في الساحه

ولكن الشاعر الوحيد الذي يزيد اعجابي به يوماً تلو الاخر

هو الشاعر الكبير حامد زيد بلا منافس

وانت بخير يالغالي

ولاهنت على مرورك وحضورك