03 May 2009, 08:18 PM
|
|
سلطان سلطان السعد يالفهيمين
هذه قصيدة قلتها في الشدادين ورجالهم ومنتداهم
وهم يستحقون كل خير ويستاهلون الشكر والتقدير
وما قام به السلطان في هذا المجال من جهد واضح وعمل
جبار يستحق من الشكر أجزله ومن الكلام أبلغه
آمل أن تنال إعجابكم وتحوز على رضاكم ,,,
[rams]http://dc130.4shared.com/download/103126142/ed21bfc8/Sound_clip_37.wav?tsid=20090503-125459-4244e5b2[/rams]
من هنا تحميل القصيدة
سلام يأهل الطيب سمو الشدادين = نطاحة البارود يوم النكادة
اليا اختلط عج الرمك بالدخاخين =تاطا على الكايد بليا هوادة
أهل الرباع مزبنين المخيفين=يوم البرا مردود وقت الطراده
اكفوفهم تندا ولو وقتهم شين =مثل الجبال الشم عزم وجلاده
.اموثقٍ تاريخهم بالبراهين=مادوروا عند القبايل شهاده
واليوم في حكم الملوك السلاطين=نعيش في رغد الحياه بسعاده
وصار التنافس في جميع الميادين =ولا فاد راس وآللف له وسادة
تسلم يمين اللي على العسر واللين =قرم العيال ويستحق الإشادة
عزم ولزم قال مافيه بعدين =ولا طاوع الجهال وأهل الحسادة
سلطان سلطان السعد يالفهيمين =لأجل القبيلة ساق كل اجتهادة
أسس لنا موقع على الطيب والزين =شيد بناه ولا تزعزع فؤاده
فيه العلوم اللي على منهج الدين =وأقسامه اللي تستحق الريادة
وفيه المعارف والحكم والدواوين =وفيه التواصل بيننا صار عادة
وثق تواريخ الشيوخ المسمين =ونور بصاير جيلنا والحفادة
ومعه الرجال اللي على المجد حرصين =إمراقبين ومشرفين وقيادة
اسم القبيلة شاع ماهي تخامين =وسائل الاعلام تنشر حصاده
من بعدها وصل العدد فوق عشرين=من فئية الألاف جود عداده
مبروك من ورث الرجال الوفيين=من صادق الرفقة وطيب وجيادة
طبعي وأنا سلطان عز القريبين =والا العدو نصلاه نار ورمادة
وصلاة ربي عد نبت البساتين =على الذي للناس سن العبادة
توقيع : واعي | |
التعديل الأخير تم بواسطة واعي ; 03 May 2009 الساعة 09:47 PM
|