ان كان قلبي الآدمي هو دليله

الشعر اسرع حل وافضل وسيله =يوصل بها الشاعر لغاية امانيه
لاصار قلبك ناوي بالجميله =ولك خاطر في احروف شعر ومعانيه
بسمعك كل البيوت الجزيله =من خاطر مكسور وانتي جبرتيه
مابيك من باب الشفاعه تشيله =ابيك من باب المبادل تراعيه
انتي السحاب اللي تزايد مخيله =وانتي مسيرة شاعرك في قوافيه
انكان قلب الادمي هو دليله =ماهوب مجنبني عن اللي نبض فيه
بكره حكايتنا تجي بالف ليله =وتطلع نتايج كامله عن تماديه
اما يحقق حاجة مستحيله =ولا يموت وحسرته في محانيه
بكره نشوف القلب يعلن رحيله =ولا نشوفه والشرف في معاليه
بكره نشوف القلب يتبع خليله =ولا يقفي عنه مايلتفت فيه

صح لسانك
ولا هنت أخوي
كل الشكر والتقدير

الشاعر ابن نايش الله الله ع قصيدتك جدا روعه اعجبتني بالحيل تسلم ع كل حرف ررسمته وكل بين بيت نظمته شكرا وﻻتكفى
تقييمي وتقديري دائما اﻻبداع والجمال نجده بين احرفك

صحة ابدانكم وشكرا لكم ولمروركم الجميل والكريم

كفو والله يا شاعرنا
أبو نايش
والله يبيض وجهك ويعلي قدرك
ولا هنت على هذا الحضور وهذا التميز

صحة ابدانكم جميع وشكرا لكم ولمروركم

صح السانك
ورفع الله قدرك
قلم يستحق المتابعه
كتبت فآبدعت
عساك على القوه