مع السلامه // قررت الرحيل

## قد لايعنيكم موضوع القصيدة ،، ولكن ..
قد يجد فيها البعض شئ من الشعر ##

مع السلامه // ياقصيمي نت قررت الرحيل=ودعتك اللي مايضيع يالعزيز وداعته
مع السلامه // والدموع تهل وفوادي عليل=تكالبت عليه لوعات الزمان ولاعته
مع السلامه // والنهيق أغتال فرحات الصهيل=والشعر من فيروس "عدوانه" فقد مناعته
مع السلامه // والتميز نور والتهريج ليل=يخفي تحت جنحه بليد وتتضح لكاعته
مع السلامه // تاجر التقليد في سوق الاصيل=يلقى من السذج زباين يشترون بضاعته
مع السلامه // والقصائد مزن والابداع سيل=والصايغ الفاشل يعاتب عدته وصناعته
مع السلامه // مابقي في خيمتك غير الهزيل=الله يقلع من يجاملهم ويقلع ساعته
مع السلامه // يطعن الأبداع في كف الدخيل=ويلي على قلب الشجاع اللي فقد شجاعته!!
مع السلامه // تنكشف ساقين وخدود وجديل= وين المطوع ما يمارس مقتضى طواعته؟؟
مع السلامه // تذبل الاغصان وتموت النخيل=لكن رب البيت يأهل البيت وش قناعته؟
مع السلامه // (يابدر) .. فارقتكم والله وكيل=أني أحبك حب شيخ القوم من جماعته
مع السلامه // يالغلا (كاتم) عسى عمرك طويل=ياخيّرٍ يصبر على الظالم رغم شناعته
مع السلامه // يا (وله) ياربة الخُلق الجميل=من يزرع الحسنى ترى الحسنى نتاج زراعته
مع السلامه // بعد (ناصر) ما بقي فارس وخيل=الله على رصانته // والله على براعته
مع السلامه // يا (شبيب) الشعر حول من طويل=فقد مقاييس الجمال وبينت بشاعته
مع السلامه // بلغ (المينيح) مابقي خليل=وضع الشعر يا مسندي في منتهى وضاعته
مع السلامه // جيل مبدع يرتحل ويظل جيل=الخبث لبسه يا قصيدي والفشل شماعته
مع السلامه // بلغوها الصاحب الذرب الجليل=اللي ملكني حيل من زهده ومن وراعته

صح لسانك سعود

ابيات رائعه

صح لسانك اخي الكريم على القصيدة

الراااائعه في انتظارك جديدك

وياهلا وغلا فيك

تحياتي

صح لسانك ياسعود وبيض الله وجهك

على القصيدة الجزله ياشاعر الجزل

لاهنت وفالك التوفيق

صح لسانك ياسعود وبيض الله وجهك يالغالي

على هالقصيده الجزله والرائعه

الله لايحرمنا تواجدك يابو طارق

والله يعطيك العافيه

تقبل مروري وتحياتي الغربي

		المشاركة الأصلية بواسطة : آخر أنفاس الغروب اقتباس
	صح لسانك سعود ابيات رائعه

آخر أنفاس الغروب

صحت ابدانك

ابو طارق صح لسانك ولا هنت على القصيدهـ يعطيك العافيـه .!

الله الله يا أبو عبدالعزيز

أخيراً قررت ترك قصيمي نت بعد هذا المشوار الطويل ....!!

أكيد فيه أسباب أو النفس مثل ما يقولون طابت ،،،

لكن عسى ما تطيب إن شاء الله من منتدانا

بيض الله وجهك ولا هنت يا شاعرنا الكبير

صح لسانك ياشاعرنا

الله يخليك.. ويسعدك

قصيدة اروع من الروعه

دمت بكل خير

دائماً تعجبني قصائدك يا ابو عبدالعزيز

صح لسانكــ ملايين ولك كل الشكر ويعافيك ربي

رائع دوماً وابداً

ودي ووردي