( انطح الصياح بصياح تنجى )

السلام عليكم ورحمة الله وبركاته ::


صباح الخير يا بنات.....يله إلي عليها الدور تمسح السبورة وتكتب التاريخ والموضوع والهدف


الديني إلي اختارته لدرس اليوم والباقين افتحوا الكتب على الواجب......وإختصارا للوقت والجهد



إلي ماحلت تاقف قبل ياصله الدور



راس......راسين.....ثلاث......



(( أمجاد ليش ماحليتي ؟؟؟)



أستاذة نسيت



وأنتي جواهر ليش ماحليتي؟؟



أستاذة كنت تعبانة وما قدرت أحل




طيب وأنتي يا العنود ليش ماحليتي.......( أستاذة ما فهمت الدرس وما عرفت أحل )



طيب اليوم سمااااااااح مو عشان خواطركم بس مالي خلق أضرب أو أهاوش الدرس



طويل ومابي أضيع الوقت بالهواش الوعد يوم السبت إن الله أعطاني وأعطاكم عمر


طيب والباقين حالين.........




( إإإإإإإإإإإإإإإإإإإإإإيه )


يله بأشوف كل وحدة تفتح كتابه بأمر عليكم بالسريع



أحسنتي.....


وفقك الله......


ممتازة.....



لا تأكدي من حلك......



وضحي خطك واهتمي بنظافة الكتاب لا تكثرين مسح



سارة....!!!!! وين الحل؟؟



أستاذة ماحليته بالكتاب على بالي بالدفتر بس



طيب افتحي على درس أمس بدفتر الحصة وإقري وش أنتي كاتبة الواجب؟



فتحت الدفتر وقرت .......الواجب رقم 3 صفحة 59 بالكتاب فقط



يعني كاتبة بالكتاب وتدرين إني أبيه بالكتاب ليش ماحليتي؟



أستاذة ماإنتبهت وحليته بالدفتر



طيب ياسوير مومهم أهم شي إنك فكرتي وحليتي عطيني الدفتر أشوف




(( مدت الدفتر بكل ثقة وكبرياء )


وين الواجب يا سارة....؟



سارة......



سوير؟



سارة الفقر.....


سارة العمى.......وين الواجب



وسارة لا حياة لمن تنادي........



وين الواجب يا سارة؟



ومازالت سارة تنظر لي بكل شموووخ وكبرياء .......أستاذة ما حليته


أها يعني ( شين وقوي عين ) تقصيروإهمال وكذب بعد؟


قبل شوي تقولين ما حليت بالكتاب بس بالدفتر ومدري ايش



لا ما قلت كذا


شلون شلون شلون؟ ما قلتي؟ ليش ماأ سمع أنا أو ما أفهم؟



لا ماقصدي بس أنا ما قلت كذا بعدين أستاذة كان علينا امتحان وما حليت



أي امتحان وأي خرابيط مابديتوا امتحانات إلى الآن




لا أستاذة مراجعة......( البنات بصوت واحد ) .....أستاذة تكذب ما علينا شي



أستاذة البنات ما يحبوني ......



أقول حبك ماحبك بلا خرابيط روحي يا خلود هاتي العصامن الإدارة


وبدت الدموووووووووووع........أستاذة لا بدون ضرب بس وقفيني



بعد تتشرطين وتحددين نوع العقوبة؟


لا أستاذة بس لا تضربين


طيب ليش تكذبين؟ ليش ما قلتي ما حليت واعترفتي بالصحيح وأسامحك مثل زميلاتك؟




أستاذة بس أنا ماني مثلهم أنا كل يوم أحل بس هم بليدات مايحلون أبد


لا يا المتميزة ما أنتي مثلهم ؟ إلا أنتي أردى منهن أقله هن ماهن كذابات ؟؟؟


بس أنا ماني كذابة؟


وإلي سويتيه وشو؟



عشان ما تضربيني قلت كذا؟



يعني خوذوهم بالصوت لا يغلبوكم؟



شلون أستاذة؟



لون مالون الحين العقوبة صارت دبل وحدة للكذب ووحدة للإهمال



لا أستاذة إذا عاقبتين عاقبي البنات الباقيات معي حتى هن ما حلن ليش تفرقين بيننا؟



أقول عن طول اللسان أنا بأعاقبك عشان الكذب



يعني أستاذة بس عقاب واحد إذا بتعاقبين عشان ما حليت عاقبي الباقين معي



لا وش رايك تجين مكاني ياسوير وبعد تكملين شرح الدرس؟


لا أستاذة بس حتى هم ما حلوا....



وكذا أنقذت سارة نفسه من إحدى العقوبتين ....... وعطتن فكرة جديدة



(( إنطح الصياح بصياااااااااااااح ))



لو سارة ما تكلمت وأخذتن ( بشراع ومجداف ) كان مضروبة وملعون أبو خيرها



ومع إنها غلطانة بس قدرت تخلص نفسه من الورطة بالصوت العالي والجدال والنقاش


مع إنه على غلط.......



فهل فعلا ( إنطح الصياح بصياح تنجى )



هل ممكن الصوت العالي والمواجهة تخلص الإنسان من بعض المواقف؟




هل قواة العين مطلوبة؟

أول شي صبحك الله بالخير

ثانياً من الواضح انك مدرسة عصبية الله يكفينا الشر

ثالثاً الضرب ممنوع

رابعاً أدخل في صلب الموضوع
وأقول ردا على سؤالك الموقر:
حسب الشخص الذي أمامك فهناك من الأشخاص
من ينفع معه الأسلوب الهادي والإقناع والحجة
والأدب أيضا مع الإعتذار
لان مثل هؤلاء الأشخاص ماينفع معاهم الصوت العالي فقد ينقلب لعناد
وبعضهم ينفع معاه هذا الأسلوب الذي أشرتي له مشكورة
ولو أعتذرتي أو خاطبتيه بأدب فسوف يعتبره ضعف ويتمادى في إيذاءه

خامسا مشكورة على موضوعك الجميل

		المشاركة الأصلية بواسطة : كديميس اقتباس
	أول شي صبحك الله بالخير ثانياً من الواضح انك مدرسة عصبية الله يكفينا الشر ثالثاً الضرب ممنوع رابعاً أدخل في صلب الموضوع وأقول ردا على سؤالك الموقر: حسب الشخص الذي أمامك فهناك من الأشخاص من ينفع معه الأسلوب الهادي والإقناع والحجة والأدب أيضا مع الإعتذار لان مثل هؤلاء الأشخاص ماينفع معاهم الصوت العالي فقد ينقلب لعناد وبعضهم ينفع معاه هذا الأسلوب الذي أشرتي له مشكورة ولو أعتذرتي أو خاطبتيه بأدب فسوف يعتبره ضعف ويتمادى في إيذاءه خامسا مشكورة على موضوعك الجميل

هههههههههههههههه كديميس حياك الله وصبحك الله بالنور والسرور


توي متخرجه هالترم عقبال ماصير مدرسة <<<<<ترى مانيب عجلة عالتدريس



بعد التطبيق عرفت أني very kind teacher ماحولي أكون عصبية


القصة هاذي مجرد مثال عشان تصل الفكرة


شكراعلى الأضافة

اقول وش المدرسه هذي

أعوذ بالله منها وربي ما في قلبها رحمه

وبعدين الضرب ممنوع والكل عارف هالشي

ارحموا من في الارض يرحمكم من في السماء

عنودهـ طرح جميل قلم رآئع


تحيتي لكـِ

نظرية واقيعية اختي عنود الصيد
يعطيك العافية اختي

صباحك غير ياعنود

ساره شخصيه ماهي غريبه ياعنود متواجده في كل فصل

واظنها قريبه مني حيل


اما بنسبه السؤالك

		المشاركة الأصلية بواسطة : اقتباس
	هل ممكن الصوت العالي والمواجهة تخلص الإنسان من بعض المواقف؟

انا واحده مستخدمه ها الاسلوب في كثير من امور حياتي خاصة بالجامعه والحمدلله انجحت .........بس مو كل مره تسلم الجره

طرح جميل .

يعطيك العافيه .

إنطح الصياح بصياح تنجى

مو في كل الاوقات

تحيات لك

نعم بكل تأكيد وهذا المثل ناجح ومجرب

لكن ربما يسجل حاله او حالتين فشل

مشكوره اختي على الموضوع الجميل

		المشاركة الأصلية بواسطة : سيف الشدادين اقتباس
	اقول وش المدرسه هذي أعوذ بالله منها وربي ما في قلبها رحمه وبعدين الضرب ممنوع والكل عارف هالشي ارحموا من في الارض يرحمكم من في السماء عنودهـ طرح جميل قلم رآئع تحيتي لكـِ

هلا والله بسيف حياك الله


صحيح المدرسة قاسية وقد يكون طبعها..

لكن البنت أدهى من المدرسة وقدرت تتغلب على قسوة مدرستها..

في حياتي ماأمشي على هالأسلوب.....

(إنطح الصياح بصياح تنجى)ولكن الحمد لله أعتمد فيها على ذكائي اللي أخرجني من كثيير من المشاكل اللي أوقعت نفسي فيها...لأني لو أصيح بوجه اللي قدامي جايز يكون صياحة أعلى من صياحي...

وقتها (ماراح تنفعني مقولة أنطح الصياح.....)

حنان حياك الله أختي والله يعافيك ويبقيك


رنة الخلخال أدري أنها تشبهلك بس أنتبهي زي ماقلتي مو كل مرة تسلم الجرة

نوماس 2 لاهنت ياغالي يعطيك ألفعافيه وحياك الله


عبدالله الشدادي الله يشكر فضلك حياك الله