هيهات يدّله خاطري منك هيهات !

مسائكم .. حب وخير و رضا

شعور لا يحتمل التأجيل !!

[rams]http://www.alhgr.com/vb/upload/Kemat-Bdoo-Bin-F6es.mp3[/rams]

ليه المسا عوق الشقاوي وطبّه ؟=وليه الهبوب تصحي القلب لا بات ؟
وليه القمر يدعي جريح المحبّه ؟=ويقول له : يا هيه .. ما فات .. ما مات !!
جرحك ظهر لو قلت للوجه خبّه=وللحزن في ضحكك رسوم وعلامات
وليه المطر بالذات ريحه .. وصبّه ؟=كنّه رسول بين الاحباب بالذات !!
اشتاق فيه لشوفتك واتنبّه=للي نسيته من مواقف ونظرات
لا استانس الخافق ذكر من يحبّه !!=ورجع يراجع فالوناسات ما فات
يا مرتع القلب الحزين ومربّه=يزين بك مثل الذهب صدر الأبيات
هيهات ينسى القلب شخص ٍ لعبّه !!=وهيهات يدّله خاطري منك هيهات ..
نبع الغلا عندك وعندي مصبّه=ومن الولا .. في خافقي لك .. ولايات
وطيفك حطب عيني .. وعيني مشبّه=والشوق برد ٍ ما انقطع لو لحظات
ومكانك الصدر ولك القلب شبّه=بين الظلوع اللي فردها التنهات
ولك بيرق ٍ فالقلب حبك يهبّه=شامخ ولا هزه من العذل غارات
محبتك فالوقت ذا ؟ ما تشبّه=الا بخيمة بدو .. بين العمارات
ان شفتني ضايق واهوجس واسبّه ؟=اخاف غدر الوقت .. والوقت دورات
لا تحسب ان دمعي نزل دون سبّه=ابكي من الفرقا وهي مابعد جات !!
اليوم كل أمورنا .. مستتبّه=وبكره ماندري وش معه من مسرّات
اربّ قلبك مثل قلبي اربّه=ما يخلفه كثر العذل والمسافات

للشاعر / محمد بن فطيس المري

شوفوا لنا حل مع التنسيق :d

البيت الاخير

اربّ قلبك مثل قلبي اربّه=ما يخلفه كثر العذل والمسافات

أخي تركي

أختيار موفق تشكر عليه الله يحفظك

ينقل الموضوع لمكانه المناسب بعد التنسيق

شكـــرآ لك الله يعطيك العافيه

الله الله يا أبو عبيد
اختيار جميل جداً وأكثر من رائع
ولا هنت يا الذيب على تواصلكم معنا
ومرحباً بك

		المشاركة الأصلية بواسطة : خيال الشدادين اقتباس
	أخي تركي أختيار موفق تشكر عليه الله يحفظك

هلا وغلا فيك يا ابو مشعل

تسلم يابعدهم وهذا كله من ذوقك

اسعدني تواجدك بمتصفحي

تحياتي لك

		المشاركة الأصلية بواسطة : رعد الجبوب اقتباس
	ينقل الموضوع لمكانه المناسب بعد التنسيق شكـــرآ لك الله يعطيك العافيه

تسلم آخوي رعد الجبوب
عوافي يا مشرفنا ، منور متصفحي بتواجدك ..
تحياتي لك

		المشاركة الأصلية بواسطة : السلطان اقتباس
	الله الله يا أبو عبيد اختيار جميل جداً وأكثر من رائع ولا هنت يا الذيب على تواصلكم معنا ومرحباً بك

ياهلا بك يا أبو عبدالله

الله يسلمك ويعافيك وهذا كله من ذوقك

اسعدني تواجدك بمتصفحي

تحياتي لك

ياه هالقصيدة أبيها من فتره ولقيتها صدفه هنا يعطيك

ألف ألف عافية ياخوي على النقل إبداااااع شعري وصوتي

وإحساس رائع بقراءتها أو باستماعها لاهان من قالها ..

أعجبني كثيير الإلقاء

قصيده رائعه وإختيار موفّق

يعطيك العافيه أخوي تركي