آخر 10 مشاركات |
مختارات | خاتم الزواج : هو أغلى خواتم العالم لأنه يكلف صاحبه أقساطاً شهرية طوال حياته |
|
||||||||||||||||||
رحيق المداما .. يا هاجوس
خصني الشاعر المعروف (هاجوس) بقصيدة على هذا الرابط .. http://www.shdadeen.com/vbq/showthread.php?t=25256 ورديت .. عداد مانبت النفل والخزاما=وعداد ماهبت على العارض النود يامرحبا بك يا حفيد الكراما=ياللي رقيت بشعرك الراقي سنود من سال عنك ،وقال: كيف وعلاما=أعطيه علمٍ ثابت بختم وشهود هذا حسام الشعر يا أهل الحساما=سيفٍ نفاخر به .. مجرد ومغمود هاجوس .. وإن جا للقصيد أحتداما= حبلٍ على مزرقّة الجم ممدود يرد ويصدر والضوامي حياما= يرهجله عدودٍ ويشربله عدود لو أمدحه واقول ياما وياما=ما زدت في قدره ولاهوب مجحود لكن صبوا لي رحيق المداما=راسي من الخرمه على القاف مصمود كاسه من الفكر المعتق اليا ما=صبيتها ف اطرف شرايين .. تجود- - قريحتي .. بعد عزوف وصياما=وتلقح وتنجب من بني شعر نمرود قافٍ رضع مخ ونبت له عظاما=يلين من فصاحته كل جلمود إنقاد لي من دون قيد وخطاما=أبني به حيودٍ وادمر به حيود واقود به جيش الشعر بأنتظاما=حتى يصير لدولتي شعب وحدود واليا استتب الامر لي وأستقاما=ودانت لي القيفان ضباط وجنود طلبت من حاجب بلاطي لزاما=يطلق على راس آفة الشعر عبرود تعزير والا حد والا أنتقاما=أهم شئ يسيّد الجزل ويسود ويطرد فلول مروجين الخماما=بربر/ و ابو كحله/ و /ناعم/ و هدهود عسى يديهم للشل والجذاما=وجعل السنتهم زاد للنمل والدود في عهدهم صاب القصيد أنفصاما=شخصيته مابين ضايع / وموجود حتى حصل فالذوق شبه أنقساما=ضاع الطعم مابين ناقد ومنقود وأنا مضيع حاجتي فالزحاما=مرات أقود الركب ومرار مقيود عندي من الصنفين ربع ونُداما=واللي يقول ابدعت أقول أنت كالطود تطبيل والتطبيل مثل الغماما=واللي يصدقني من الناس مقرود ولو شفتني عن الهزيل أتعاما =ماني وكيل آدم ولا عم مسعود يعني مجامل؟ .. أي نعم بالتماما=ودولة قصيدك وين يا سيد سعود؟ وحكمك وتعزير الرخم والنعاما؟=وكركر/ وابو علكه/ وعادم/ وعنقود؟ خيال شاعر .. والقصايد "كلاما"=لكن فيها عمق الاشعاع مقصود تحت البنسج / فوق الاحمر/ وغاما=تطعن شغاف قلوب وتفتت كبود والأن عودي ياهجوس .. الهماما=واستلهمي زند وقديحه وبارود لتفسير حلم أهل الرؤى والحلاما=اللي على رجوى ولا حصلوا فود الحج مايقبل بليا أحراما=لكن عيد الحج والعود محمود وأرفع كفوفك لا وصلت المقاما="وأقر تبارك وأختم بيوسف هود" وأن كان تبغى من عروستك لاما=أنحر لها من نقوة الحشو مفرود أبن سليمان
|
23 Jan 2008, 09:20 PM | [ 2 ] | ||||||||
|
صح إلسانك يا أيو عبدالعزيز .. |
||||||||
|
|||||||||
23 Jan 2008, 09:21 PM | [ 3 ] | ||||||
|
صح لسان اخوي سعود رد جميل فاق الوصف على كلام بليغ فبارك الله فيك وسلمت للقالة |
||||||
|
|||||||
23 Jan 2008, 11:21 PM | [ 4 ] | ||||||
|
صح إلسانك ياسعود |
||||||
|
|||||||
24 Jan 2008, 03:15 AM | [ 5 ] | ||||||||
شاعر
|
أخوي سعود بن سليمان صدى فاق على الصوت لاهنت يا بو عبدالعزيز وبيض الله وجهك وانا مسميك وكيل الجزل في منتدى الشدادين العامر بوجودك ووجود شعراء المنتدى المتئلقين والجزلين والمبدعين سوف يتئلق الشعر ويسمو الابداع من شعرائنا وتبث فيهم روح المنافسه على ما هو جميل |
||||||||
|
|||||||||
24 Jan 2008, 11:26 AM | [ 6 ] | |||||||
نائب المشرف العام
|
صح لسانك اخوي سعود على هالقصيدة الجزله والرد الرااائع لاهنت |
|||||||
|
||||||||
24 Jan 2008, 11:38 AM | [ 7 ] | |||||||
جود القلم
|
ياسلام قمة في تصوير الوضع الحالي
بيض الله وجهك على القصيد الرائع |
|||||||
|
||||||||
24 Jan 2008, 02:15 PM | [ 8 ] | |||||||
شاعر
|
صح لسانك مليون ياسعود جزل بكل حالاتك الله لا يهينك على هالرد القمة فلك كل الاحترام |
|||||||
|
||||||||
24 Jan 2008, 02:42 PM | [ 9 ] | ||||||||
شاعر
|
الحـج مايقبـل بلـيـا أحـرامـا لكن عيـد الحـج والعـود محمـود صح لسانك ياسعود ولاهنت يابعد راسي |
||||||||
|
|||||||||
24 Jan 2008, 02:58 PM | [ 10 ] | |||||||
شاعر
|
الله أكبر يا أبو طارق |
|||||||
|
||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
لكم فقط ..من رحيق فؤادي!! | عاشقة القمر | الترحيب والتهاني | 8 | 10 Sep 2010 05:23 PM |
مل قلباً فيه هاجوس يلفه؟ | خيال الشدادين | قصائد مختارة | 4 | 06 Feb 2009 03:18 PM |
توجد هاجوس | هاجوس | بحور القوافي | 7 | 20 Apr 2008 05:05 PM |
من هاجوس لسعود سليمان | هاجوس | بحور القوافي | 12 | 19 Feb 2007 11:50 AM |
ردي على (جزاء) وردي على (هاجوس) | سعود سليمان الحارثي | بحور القوافي | 44 | 09 Sep 2006 02:06 PM |
|