بروج العاصمة - حفل بني الحارث للخريجين

أقام مشايخ وأعيان قبيلة بني الحارث مساء الخميس الماضي الموافق 13/6/1431هـ حفلاً بمناسبة تكريم خريجي الكليات العسكرية بقاعة اليخت بالعاصمة الرياض وقد حضر الحفل صاحب السمو الأمير متعب بن سعود آل سعود والشيخ بندر بن فهد الثنيان وعدد كبير من مشايخ واعيان قبيلة بني الحارث وتشرفت بإلقاء قصيدة ترحيبية بإسم قبائل بني الحارث بهذه المناسبة وقد حضر هذا الحفل عدد كبير من أعيان قبيلة الشدادين وإليكم يا بني عمي قصيدتي التي ألقيتها في هذا الإحتفال

لا إله إلا الله المعبود علام الخفايا = نبتدي بإسم الإله ونرتجيه ونلتجي له
يالله ارحمنا وثبتنا ليا جينا عرايا = في مواقيف الحساب إليا لقى كل ٍ حصيله
لا أقترب ميزان عدلك وأرجفت كل البرايا = مالنا غيرك ملاذ ولا لنا دونك وسيله
في نهار ٍ تشخص الأبصار وتشيب الصبايا = والخليل اللي منول صافي ٍ ينسى خليله
والحظيظ اللي بغفرانك تعدته البلايا = وأنجته رحمتك وأمسى وسط جنات ٍ ظليله
يا جليل الملك مالي دون تدبيرك حجايا = في رجاك وفي ذراك ومالي بقدرتك حيله
ومن بعدها يا هجوسي هجرسي وأبني بنايا = هجرسي وأبني بنايا وأعتلي راس الطويله
هاتي القاف السمين وجنبي عني الهرايا = عادتي من راس جدي ما نجيب ألا الجزيله
وإن دعى داعي بن الحارث تعلينا المطايا = بالشداد وبالعتاد وبالزناد وبالفتيله
ما تغيب عن عزاتي يوم نادوا بالحمايا = ولو وعدهم راسمينه من ورى بغداد أجيله
دون ربعي ما تعذرني المعاذير الملايا = حاضر ٍ في صف ربعي في الخفيفه والثقيله
وجعل راس ٍ ما يشوش وينتهض يوم المعايا =يعجل الله دفتنه حدر النصايب والنثيله
يا هبوب النود هبي من ورى عوج الحنايا = وأشعلي هاجوس بالي بالطواريق الجليله
مرحبا في حفلة ابن الحارث القوم الدهايا = الرياجيل الدهاه اللي يفيدون الجميله
مرحبا بأسماء بن الحارث مقابيس المنايا = درع جنبي لبس راسي مرويت حد الصقيله
الولد منا سوات الصقر في روس العلايا = حافظ ٍ سلم الجدود وضاري بكسب النفيله
وللضيوف إليا لفونا طيب وإكرام وتحايا = والشحم والكيف الأشقر مختلط بنه وهيله
وللخصيم أليا تحدانا وكثر في الخطايا = حد سيف ٍ ينزع الأكباد والعايل يزيله
يا وجودي يوم افكر في القدايم والروايا = يشهد التاريخ بالأفعال من جيل ٍ لجيله
كم سهجنا من مراح وكم وردنا من ركايا = وكم شعينا من قطيع وكم حربنا من قبيله
ربع ابن مهرس عقيد القوم زيزوم السرايا = مرهب الأعداء طويل الباع حماي الدبيله
وبن حريش اللي يعشي الطير والسحم الضرايا=وابن عاتق راعي الأمجاد تاريخه كفيله
وابن عايش مزبن المضيوم حلال اللوايا = وبن مريسي وبن هريس اللي فعايلهم جليله
وأبو علّيه وابن ختام أهل طيب وهقايا =وإن تعزوى بن غزال يضيّع الحجة قبيله
وآل خالد والخشارم ربعنا بعاد النهايا = يشهد بتاريخهم ترج وهضابه والمسيله
عزوتي نو ٍ تحدر من ثقيلات الرفايا = عزتي للي قعد في دقل سيله عزتيله
كم عقيد ٍ حولوبه يوم عجات السبايا = يوم دقلات الجموع أمست تناعيه الحليله
ودون سرفات البكار إلنا مفاعيل وهوايا = نردع الطامع ويرجع مغتشي وجهه فشيله
وإن لمع برق الحياء سقناله الوضح الخلايا = يرتع بهيباتنا ذود ٍ تواصيفه جميله
وفي جنبها خيل ورجال ٍ مداغيش ٍ فدايا = والرصاص اللي عظام الروس يودعها هليله
ولا نهضم حقوق خلق الله من كل النحايا = القبائل ما يهضم حقوقها كود الهضيله
كلبونا شعب واحد من بدو وألا قرايا = في ذرا الله ثم ذرا آل السعود أهل الفضيله
يا بروج العاصمة أرسي ولو هبت هبايا = أثبتي بالله وهيبات الملوك المستحيله
عاش أبو متعب صليب الراس حلال القضايا =المليك العادل المقدام حراب الرذيله
وأبو خالد مشبع الجيّاع رواي الظمايا = عضد أخوه ودرع جنبه في الملمات الجليله
يا عيال اللي خذا حكمه بسلات الصلايا = لأعتزى بنورة يروع قلوب فرسان الكحيله
الإمام مجري الهيّاب ممدوح السجايا = كبد داواها وكبد ٍ فوقها شب المليله
لين حتى تحت حكمه طاعت الروس الطغايا = يا عسى الفردوس منزاله ويشرب سلسبيله
والمراجل ما تهيا بالتمني والحكايا = كود من جرب وذاق الحالية والحنظليله
والسلام ختام وأصلي على سيد البرايا = عد ما هل الهلال ودن رعاد المخيله

محبكم / فيصل بن زايد بن نايف بن شرار بن مهرس

صح لسانك عدد ما هلّ المطر من سحابةٍ وسميه .. تستحق الإشاده لهذه الجزاله


و نعم و الله يأبو زايد



جزاله غير مستغربه من شاعرٍ مثلك و الحقيقه أعجبتني أكثر عند إلقائك لها و البشت لايق عليك شيخٍ ولد شيخ




حضرت الحفل كان مشرفاً و يرفع الرآس و الأجمل كانوا على قلب واحد و رأي واحد ..,




بس أنا أفدآك يا أبن العم ليس هنالك داعي أن تخص أحداً دون الآخر




أبيض و أسود

ونعم والله بالشدادين عامة
وما قصرت يا ابن زايد
صح لسانك

ونعم والله يافيصل بقائل ذا القصيدة وان اشهد لو ماقيل في الحفل الا هي لوفـــت
وكان لها وقع خاص في الحفل
وبيض الله وجيه عيال عمنا وربعنا الشدادين خااااااصة
اخوكم
صـور بلحارث تـــرج
المريري الحارثي

صح لسانك يالبناخي كفيت ووفيت

والله لنا الشرف حنا ياخوالك

تقبل تحياتي

ما قصرت يا ابو زايد صح لسانك وبيض الله وجهك ياذيبان , قصيدة جزلة من شاعر جزل وافي الخصايل .

قصيدة جزلة ما قصرت والله يا ابو زايد صح لسانك وبيّض الله وجهك
فكلنا فخر أننا ننتمي لأمة محمد عليه صلوات الله وسلامه
وفي غير ذلك فكلنا لآدم وآدم من تراب .

أخوي أبيض واسود الله يجزاك خير ياحبذا لو تغير الصورة الرمزية لأنه لا يجوز نشر مثل هذه الصور لا في التواقيع ولا في الصور الرمزية .
ومَن نشرها فعليه الإثم مرتين : إثم نشرها ، وإثم النظر إليها .
فما أجمل أن يكون التوقيع فيه ذكر الله أو آية أو حديث بارك الله فيك .

صح لسانك مليووون يا أبن مهرس ... وجزالة غير مستغربة منك طال عمرك

بيض الله وجهك ... على ميقافك الرائع مع أبناء بني الحارث

سمو سيدي ابن مهرس
بيض الله وجهك قصيده تعلو بمستوى شامخات الجبال قصيده تليق بمستوى الجميع قصيده
كفيت وفيت فيها وبارك الله فيك ياحزامي وفيت وكفيت ولك مني ومن الجميع التقدير الجزيل

صح منطوقك ياابوزايد

وانشهد انك كفيت ووفيت وبيض الله وجهك ولاهنت يابعدي