|
||||||||||||||||||
قصيدة رثاء في فهّاد بن قاعد
هذه قصيدة في رثاء فهّاد بن قاعد الشدادي عندما توفي عام 1415هـ رحمه الله رحمةً واسعة وأسكنه فسيح جناته وهو من الرجال المعروفين في القبيلة بطيبه وكرمه وأخلاقه ومواقفه مع القريب والبعيد وكلٍ يذكره بالخير ومن عرفه ماينساه 00
يالله ياربّي عليك الشكيّة=ياواحدٍ كل المخاليق ترجيه
البارحة نومي تكدّر عليه=عيني تهل الدمع والحال تشقيه عيونّا تبكي صباح وعشيه=تبكي شجاعٍ راح في حكم واليه بكوا عتبيه مع هل الحارثية=وبكى بعد من سمع ذكر وطاريه وأهل تربه يبكون والحايرية=وهذيل والسميان وسبيع تبكيه ويبكيه من رنيه إلى الغامديه=وسموا وبني مالك وزهران تبكيه وبكوا هل الطائف مع أهل الحوية=وأهل الرياض ونجد تبكي وترثيه ياجارنا راعي العلوم الطرية=ياموت ياليتك طلبت البدل فيه وأعطيك عشرة من فحول الصبيّة=وعشرة من اللي مايقابل عوانيه وعشرة من اللي يحفظون الرعية=وعشرة من اللي يحسب المال يغنيه الموت أخذ له قرم ماأخذ المعية=الله يعل الموت ماينقدر فيه يامكرم الضيفان في المعسرية=ضيف العشا وإن جاء ماهو متعديه وافي ومتواضع ونفسه رضيه=وأبو حمد معروف ماأحدٍ بغاويه ماحط بين الربع حرب وقضيّه=ومن خلقته مافيه واحد معاديه من أول إليا ضاق بالي شويه=سيّرت يمه والمسايير تلفيه واليوم أشوف الدار عقبه خليّه=ما كن به غيره صديقٍ وأناديه يالله يارب النفوس البرية=عساه في الجنات يومي بأياديه عساه في وسط الجنون الروية=آمين أقوله والمخاليق توحيه وبجاه من صلى ويذكر نبيه=ياربنا من لاهب النّار تحميه كلاً يجي له من بعيد النحيه=واللي يجي له في لزومٍ يلبيه إذا ركبنا فوق ظهر المطيه=كلاً يعرف الصاحب اللي يخاويه وهو خويٍ مايبور بخويه=ياحيسفي ياليت الأنذال تفديه يفديه خبلاً قاعدٍ في الحجية=مع حرمته وابليس دايم يلاويه وأقول قول الصدق من طيب نيّه=واللي بوسط الكبد قلبي يبديه وأوصي بني قاعد منّي وصيه=اللي يجي له ورع باسمه يسميه حتى ليا نادوه نذكر سميّه=وكلاً يقول الله من النّار ينجيه ماهو بمتكبر ولاهو بعيه=واللي عرف فهّاد ماهو بناسيه ماينسى مادامت الروح حيّه=بيته على درب المصلين بانيه يقدم الترحيب والشاذلية=ويذبح طلي التاجر اللي يربيه تمّ الكلام ولا علينا زريّه=ماأحدٍ يلوم اللي بكى عند غالية
|
01 Feb 2007, 03:35 PM | [ 2 ] | ||||||||
مؤسس شبكة الشدادين
|
يالله يـارب النـفـوس البـريـة=عساه في الجنات يومـي بأياديـه عساه في وسط الجنـون الرويـة=آمين أقولـه والمخاليـق توحيـه وبجاه مـن صلـى ويذكـر نبيـه=ياربنا مـن لاهـب النّـار تحميـه رحمة الله عليك يا أبا حمد وغفرانه وجزيل عفوه وإحسانه فقد كان من الرجال القلائل الذين يذكرون في مشارق الأرض ومغاربها رحل عن هذه الدنيا وأدمع الكثير من الأعين وآلم بريحيله قلوبنا ... صح لسانك يا أبو عيد ولا هنت ويستاهل أبو حمد الله يرحمه أن يرثى وتكتب فيه قصائد الفقد والفراق. |
||||||||
|
|||||||||
01 Feb 2007, 04:01 PM | [ 3 ] | |||||||
شاعر
|
بكوا عتبيـه مـع هـل الحارثيـة=وبكى بعد من سمع ذكر وطاريـه وأهـل تربـه يبكـون والحايريـة=وهذيل والسميـان وسبيـع تبكيـه ويبكيه من رنيـه إلـى الغامديـه=وسموا وبني مالك وزهران تبكيـه وبكوا هل الطائف مع أهل الحوية=وأهل الرياض ونجد تبكي وترثيـه الله يرحمه ويدخله الجنه صح السااانك يابو عيد وترى افتقدناااااك وفي انتظااار تواصلك اخوووك الرهاااوي |
|||||||
|
||||||||
01 Feb 2007, 04:54 PM | [ 4 ] | |||||||
نائب المشرف العام
|
صح لسانك اخوي ابو عيد والله يرحم فهاد بن قاعد ويسكنه فسيح جناته لاهنت ياشاعرناااااا |
|||||||
|
||||||||
02 Feb 2007, 02:56 AM | [ 5 ] | |||||||||||||||||||||||||||
|
صح لسانك مليار شاعر جزل وقصائدك مؤثره أطرب كل ماشفت قصيدة جديدة لك لأنها تعني لي اصالة الشعر بدون تكلف والتعبير عن المشاعر بصدق.... بيض الله وجهك ورحم الله فهاد أبن قاعد رحمة واسعة وتقبل تحياتي |
|||||||||||||||||||||||||||
|
||||||||||||||||||||||||||||
02 Feb 2007, 09:43 PM | [ 6 ] | |||||||
باحث ومؤرخ
|
والله ..ثم والله ماكذبت .. يابوعيد في ابوحمد رحمه الله .. نعم الجار .. ونعم الرفيق .. ونعم الخوي ابو عيد شاعر جزل وقصيدة جزله .. كيف وهي في فهاد بن قاعد .. ...لقد أجدت يابوعيد في كل بيت من ابيات القصيده .. عن هذا الرجل العلم .. الكريم .. طيب المعدن .. الشهم .. وكيف ننساه وهو صاحب هذه العباره اللتي يرددها الكبير والصغير (( قدم وانا ابوحمد )) رحمك الله يابوحمد رحمة واسعه وبيض الله وجهك وصح لسانك يابو عيد |
|||||||
|
||||||||
03 Feb 2007, 03:14 AM | [ 7 ] | ||||||||
عضو متميز
|
ابوعيد من شعرائنا اللذين نفتخر بهم ولهم مواقف مشرفه ... الله يطول عمرك ويرحم فهاد بن قاعد رحمة واسعة ابيض وجه يا بوعيد وصح لسانك |
||||||||
|
|||||||||
05 Feb 2007, 03:42 PM | [ 8 ] | ||||||
|
ابو عيد صح لسانك والله يرحم موتى المسلمين اجمعين وفهاد بن زياد الله يرحمه فقيده علينا كلنا |
||||||
|
|||||||
05 Feb 2007, 04:08 PM | [ 9 ] | ||||||
|
صح لسانك اخوي الله يرحمه ويسكنه الجنه وامواتنا واموات المسلمين جميعا |
||||||
15 Feb 2007, 04:56 PM | [ 10 ] | ||||||||
شاعر
|
صح لسانك يابوعيد وبيض الله وجهك |
||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
قصيدة رثاء لهزعا بنت مبارك | السلطان | أعلام النساء | 18 | 11 May 2012 03:23 PM |
قصيدة رثاء للشهيد البطل صدام حسين | سلطان الشدّادي | الشيلات والقصائد الصوتية والمرئية | 15 | 21 Nov 2010 11:52 PM |
قصيدة رثاء في الفارس عسيود بن مبارك الشدادي | ابن مهرس | فرسان الشدادين وأبطالهم | 11 | 02 Oct 2007 06:01 AM |
قصيدة رثاء في الشيخ سعد بن عياد | بدوي فاهم | قصائد وأقوال وشيلات في الشدادين | 20 | 05 Oct 2006 07:33 AM |
قصيدة رثاء في الشيخ جازي | ابن جربان | بحور القوافي | 17 | 30 Apr 2006 01:28 AM |
أدوات الموضوع | |
|