مابي مهر منك ولا شبكة ولا فستان

تمنيتك علي تقبل .. أشوفك مبتسم فرحان=
وأشوف اهلك يغنوا لك ولدروبي يزفونك
وتزيد بقلبي نبضاته ويحمر وجهي الخجلان=
ويرعش جسمي بقدومك وأقول امشي على هونك
واملاك السما تحفك بنور الرازق المنان=

عليك اسم الله يـ الغالي.. وعمت عين لــ يحسدونك=
تسابق لجلي خطواتك تجيني محترق لهفان
وأحط يدي على قلبي واقولّه جاك مفتونك=
وتفتح طرحتي بيدّك وأتوه بسحرك الفتان
ياعمري والله خجلانة وميته بنظرة عيونك=
يريحني كلامك لي يمحلا ليلة العرسان
وتعاهدني بتوفي لي وأعاهدك أني ما أخونك=
مضى عمري وأنا احلم واظم طيوفه بالأحضان
واسأل ليلى يا ليلى شسويتي بمجنونك =
تحقق نصف حلمي بك وشفتك مقبل وفرحان
وشفت اهلك يغنوا لك.....وللحلوة يزفونك=
خنقت بنفسي عبراتي وخنقني قلبي الغيران
وحبست دموعي في عيني وقلت امشي على هونك=
فضحني صوت شهقاتي ورجيت الواحد الديان
يخليها ويقدرني أضمّد جرحي من دونك=
أشوف شلون تضحك لك وقلبي يشتعل نيرآآآآن
دعيت الله يهنيها معاك وتجلي شجونك=
وأنا منهو يهنيني ويداوي قلبي الوجعان
أنا ونيت يوم أني سمعت إخواني يطرونك=
غديت بغبنتي وحنّيت وصفت إحساسي للجدران
رحلت وربي ما ضنيت مصيري غيري تصونك=
وناديتك ولا لبيت وتخالط شوقي بالهجران
بتنهيدة أنا ترجيت لي ربعي يجيبونك=
يقولون ادفني ذكره يقولون انسي اللي خان
قسم بالله ما بنساك ولو هالكون ينسونك=
تروف بحالتي سارة وتحلف والله هو خسران
يواسوني رفيقاتي يقولن كلنا عونك=
كبيرة .. بعين كل ربعي أموت وعزي ماينهان
كذا تخليني أصغرهم مع " فلانة " يلقونك ؟؟ =
.. أنا مابي مهر منك ولا شبكة ولا فستان ..
طموحي احتضن حزنك وازين بالهنا كونك=
أبيك تكون لي وحدي بديره مابها سكان
تنومني بوسط عينك وتلحف جسمي بجفونك=
غناتي ليه تاخذها وتشمّت فيني العدوان ؟
وش اللي ساومك فيها وصغر شخصي بعيونك=
وش اللي مو حلو فيني كسرت بخاطري يفلان
خبر عرسك قضى فيني هلكت قليبي بطعونك ..=
( مزن )ضميتها وبليت شعرها بمدمعي الهتان
يعمري خلو الخالة وعساهم ما يخلونك=
يهون عليك ترخص بي وتجازي طيبتي بنكران ؟؟
عشقت اهلك على شانك ولمت اللي يلومونك !=
[ .. أسف والله أسف مكتوب أهيم بسكة الأحزان
ومكتوب ألقى بنت الناس بدالي تعيش في كونك ..]=
يشين اللحظة هذي والله تمنيت البس الأكفان
وأشوف الظلمة في قبري ولا بغيري يهنونك=
يبين ارجوووك خذ روحي ونادو يا هلي الدفّان
ابيك تحس بجروحي.. وبتابوتي يمرونك=
أبيك تشيل تابوتي على كتفك يغصن الـ بان
وتعرف قدري بموتي وتدمع لجلي عيونك=
بذاك الوقت أبي امسح دموع الغالي بأكفاني
دموعك أغلى ما عندي يامالك كل وجداني=
فراق أهلي وزواجك موت ، ودمعك موتي الثاني
خلاص ارحمني لاتبكي دخيل الله على شاني=
زماني مارحم ضعفي هزم حسي وتحداني
(((عهد))) في قبري ما بنساك تعال وزورني عاني=
بحس إنك علي ولهان ، وبفرح وســــــــــــــــــــــــــــط تربـاني

الله يعطيك العافية ياشمعة الدنيا
اختيار موفق
تقبلي مروري

		المشاركة الأصلية بواسطة : ياسر الشدادي اقتباس
	الله يعطيك العافية ياشمعة الدنيا اختيار موفق تقبلي مروري

الله يعــافيك أخوي
شـــاكــره مروركــــ

شمعه مضيئه

أختارت كل معنى وجزل وننتظر الباقي من سعادتك

ولك أرق وأعذب التحايا

		المشاركة الأصلية بواسطة : خيال الشدادين اقتباس
	شمعه مضيئه أختارت كل معنى وجزل وننتظر الباقي من سعادتك ولك أرق وأعذب التحايا

هلا خيو
شــاكــره مرورك
دمت بود

الله ينتقم منه ياشيخة
اختيار ولا أروع
سلم فكرك وذوقك
الرآآآآآآآآآئعين

حلم كل فتاة

حب وأستقرار

قصيدة صح ألسان شاعرتها

وسلم لنا ذوقك يا شمعة الدنيا ,,

		المشاركة الأصلية بواسطة : واعي اقتباس
	الله ينتقم منه ياشيخة اختيار ولا أروع سلم فكرك وذوقك الرآآآآآآآآآئعين

الأروع هو مرورك أخوي
مشكور على المرور

		المشاركة الأصلية بواسطة : بندر النايف اقتباس
	حلم كل فتاة حب وأستقرار قصيدة صح ألسان شاعرتها وسلم لنا ذوقك يا شمعة الدنيا ,,

الله يسلم غاليك ومغليك
شاكره مرورك اخ بندر

صح لسان الشاعر

وسلمت يمينك ياشمعة

الله يعطيك العافية

دمتي