من روائع خالد الفيصل

فدوة عيونك
فدوة عيونك لو غدت روح مغليك
وش عاد لو راحت لعينك عشاير
ابيع ما يغلى على الكون و اشريك
و اسوق لَى جتني علومك بشاير
و ازعّل جميع الناس بالحيل و ارضيك
و اصبر ولو دارت علَيّ الدّواير
و آخذ من ايّامي لك ايام واعطيك
وان راح عمري لك فلا هو خساير
احب انا شوفك و صوتك و طاريك
دايم وفكري فيك هايم وحاير
بالصمت اهوجس بك و بالصوت اناديك
و الله عليم البيّنه و السّراير
انا و قلبي و الهوى بين اياديك
عندك مفاتيح الهنا للضماير
من روحي احبك ومن روحي افديك
يامن غرامه و الحسن فيه ثاير

البراقع
ما هقيت أن البراقع يفتنني
لين شفت ظبا النفود مبرقعاتِ
الله أكبر يا عيون ناظرني
فاتناتٍ ناعساتٍ ساحراتِ
في هواهنْ يا سعد كيف طرحني
راح عمري في مودتهن فوات
كان مما صابني ما عالجني
الوكاد اني خطير بالممات
يا سعد خبر ظريف الطول عني
كان وده لي بعمر في الحياة
من نظرني بس اهوجس به واون
ما تركني هاجسي لو في مباتي

جرح العيون
الله اكبر كيف يجرحـن العيـون
كيف ما يبرى صويب العين ابـد
أحسب أن الرمش لى سَلهم حنون
أثر رمش العين ما ياوي لأحـد
يوم روّح لي نظر عينـه بهـون
فزّ له قلبـي وصفّـق وارتعـد
لفّني مثل السحايـب والمـزون
في عيوني برق وبقلبـي رعـد
نقّض جروحي وجدّد بي طعـون
قلت يكفي قالـت عيونـه بعـد
وانعطف هاك الشعر فوق المتون
وانثنـى عـوده وقفّـى وابتعـد
أشغلتني نظـرة العيـن الفتـون
حيّرتنـي بالتـوعّـد والـوعـد
هي تمون العيـن والا ماتمـون
لى خذت قلبـي وقفّـت ياسعـد

قصائد رائعه بالفعل
بارك الله فيك أخوي ع ايرادها

الله الله على شاعرنا خالد الفيصل صح لسانه

ونعم الاختيار أخي صقار
أبدعت في الطرح فشكرا من الاعماق


تحياااااتي

العفو ياطويلات الاعمار
والقادم افضل باذن الله

صقار عتيبه .. مبدع .. لله درك

صح الله لسانك ولاهنت ..

لا هنت يا صقار عتيبة
ولا هان غاليك
والله يسلمك ويعافيك على طيب الحضور
والتواصل بكل جميل

الله الله على هـ الانتقاء
سلمت اناملك ولاحرمنا جديدك

طرح رائع يا أخوي ..
ألف شكر لك
وماتقصر والله ..

,’

أشكر الجميع على المرور
وتقبلوا تحياتي

اختيارات مميزة ياصقار



ربي يعافيك