|
|||||||||||||||||
قصيده ورد
ايها الاخوه والاخوات رواد واعضاء المنتدى السلام عليكم ورحمة الله وبركاته وبعد يطيب لي بل يشرفني التواجد معكم في هذا المنتدى المميز وانا اعلم انني اقصر في تأخري عن التواجد ولكن لظروف خاصة حالة بيني وبين التبكير في المشاركه ومثل ماقال المثل (من جاء ما ابطى) وهذهي المشاركه الاولى وهي رد بيني وبين خالي الشاعر الكبير /بسيس بن حديد رحمه الله حينما اراد الزواج فوجه لي هذهي القصيده يالله يارب القوي والضعوفي= طالبك يالمعبود صادق ومن جد تفرج لقلب لافه الهم لوفي=وابغى انشراحت خاطري ويتعقد بلاي يوم ابطو علي الضيوفي =هذي سنه والضيف ما قلت له عد قالو بلاك محنيات الكفوفي =جاك المرض من عقبهم قلت لابد قالو بليت بحب زين الوصوفي=راعي جديلٍ فوق الأمتان ينكد قلت إمرضي من عقب ذيك العيوفي=عايف وهي منحالةٍ للتقعد قالو كبير وجبت عميا الصنوفي =وديانتك يابسيس ما هيب من جد قلت اصبروا عني بفكّر واشوفي=وعندي من الدكتور وصفه إبمشهد قالو تغني قلت ماهوب حوفي= احسب لياليه ولا اعرف لها عد قالو قصيدك ترسله بالظروفي = على الاذاعه قلت شي موكد بعض العرب يصدق إليا اوعد ويوفي=وبعض العرب مجنون ما يحفظ السد ونويت اطب البيت واسعى واطوفي= وابات في روس الجبال اتعبد وانا على مافات ما اكثر إحسوفي=مير الليال اللي مضت كيف تنرد وفي تاسع الحجه يصير الوقوفي=والصوم والفديه على قاطع الحد وقصايدي وجهتها لبو نوفي=من شان احب إكتابته واطلب الرد وابغاه يشري لي إعلاج الحفوفي=عند الطبيب الصيدلي عنه ينشد وانا بلاي الحره ام الشعوفي = عهدي بها في الصيف مع قطنة العد وإسلم سلمت من المرض والصروفي=والشعر إبه حكمه والأفعال تنعد ويابو سفر لو ساعدتني ظروفي = كان التزم بالصبر والصبر له حد وهذا الرد اقول فيه
أمس الضحى عديت رجم ينوفي = سارت له اقدامي على غير مقصد
بديت في راسه ومديت شوفي = وليا الديار سنين والوقت ممتد وساعة بديت الرجم زادة حسوفي = وتسابقن ادموع عيني على الخد ذكرت تاريخ بفكري يطوفي = وابني بيوت من التفاكير واهد تاريخ ربعي من قديم امعروفي = كلن على فعل الشدادين يشهد اهل الشهامه مكرمين الضيوفي = ذباحة الحايل وحماية الحد يوم الطرد ومصافح بالسيوفي = حريبهم من فعلهم يشكي الضد اليا انتخو من فوق قب الردوفي= طالاتهم وسط المجالس تردد عاشو عزاز ولو لحقهم صدوفي = قاسو من الايام والجوع والكد كانت منازلهم على الماء صفوفي = ماتسمع الا ضجة الطرش والورد اخذتهم الدنيا بسيف الحتوفي = واليوم في حزم منيف عن العد يالله ترحمهم وفينا تروفي = مكتوب والمكتوب ماعاد ينرد ومادام حنا تحت حكم الظروفي = الحزن اله وقته ولا للسعد حد لو ذقت من مر الليالي صنوفي= لابد ماتشرب حلاها وتسعد وانت يابو فواز بالشعر توفي = شعر على معنى ولايلحقه نقد وانته كريم وللمراجل تحوفي= وانته صليب الراي ومعرب الجد جاني جوابٍ من حسين القطوفي=وألذ من در المصاغير وأبرد ابدعت في المعنى وصنت الحروفي = وانا اتشرف يوم تطلبني الرد تقول قلبك عاشق له هنوفي = واقول انا ياخال ماعذرب الود البيض مايرخص لهن امخلوفي = هن زهرة الدنيا والاموال تنفد واذا عشقت اعشق جميل الوصوفي = بنت طويلة جيد مبرومة القد والعين نجلا ماغطتها الكفوفي = منطوقها حالي ووردية الخد بنت صغيرة سن كب النصوفي = مغير راس الحول وانت متنكد احلى المهار اللي ماهوب معسوفي =إمذيره وانت تعسفها على اليد لو مهرها ياصل ميات الالوفي = انا معك ياخال واوفي لك المد ماهمك اللي في المجالس ثروفي = يضحك معك ومن الردى قلبه اسود ولايغير فيك راي الضعوفي = لارايهم ينفع ولا عندهم سد إليا تطوع قالو افلان صوفي = واذا تغزل قيل كافر وملحد وصلاة ربي عد برق رفوفي = على النبي خير البريه محمد
التعديل الأخير تم بواسطة بدوي فاهم ; 29 Jun 2007 الساعة 06:39 AM
|
26 Jul 2006, 01:25 AM | [ 2 ] | ||||||||
عضو متميز
|
والله وسبعه انعام فيك يالغالي صح لسانك ولسان خالك مشكور على القصيدهـ الرآئعه سلمت ولا هنت يالنشمي |
||||||||
|
|||||||||
26 Jul 2006, 02:25 AM | [ 3 ] | ||||||||
عضو متميز
|
أرحب يا جزاء وحياك الله وصح لسااااااااااااااااااانك هيل بلا كيل بيض الله وجهك ياأستاذ الروائع الله يطول عمرك ويرحم شاعر الشدادين ابوفواز سعيدين بتواجدك معنا والدار دارك ونتمنى ان نقرأ لك دائما فلا تحرمنا من ابداعك . ابودهيس دائما نسأل عن جديدك وللمعلوميه هذه اول قصيده قرأتها لك منذ زمن و ارجوا ان تورد لنا قصيدة ابوفواز كامله لأني اعتقد انها كانت اطول من كذا ولكن لا تسعفني الذاكره لان اذكر الابيات الناقصه بالتحديد ولكن اذكر ان ابيات ابوفواز كان عددها 19 بيت وابيات ردك 29 بيت . وايضا قصيدتك انا احفظها كامله وانت انقصت منها البيت الذي يقول :
جاني جوابٍ من حسين القطوفي=والذ من در المصاغير وابرد
كتبت لك ما قرأت لكي اقول لك ان هناك من يتابع إبداعك فأنا سعيد بتواجدك معنا في هذا المنتدى الشامخ والذي سيوفر علينا عناء البحث عن جديدك فلا تحرمنا فأنت تعطي ونحن نستاهل . ننتظر ابداعك وحياك الله . |
||||||||
|
|||||||||
26 Jul 2006, 07:21 AM | [ 4 ] | |||||||||||||||||||||||||||
|
وش اقتبس وش أخلي.....بدع ورد حلى في حلى....صح لسان بسيس حي وميت...وصح لسانك يابن دهيس!!!
هذا القصيد اللي يجبرك على القراءه!! تحياتي |
|||||||||||||||||||||||||||
|
||||||||||||||||||||||||||||
26 Jul 2006, 02:58 PM | [ 5 ] | ||||||||
مؤسس شبكة الشدادين
|
يا هلا ويا مرحبا بأخوي جزا نورت منتداك ومنتدى ربعك الشدادين قد لا يعلم الكثيرين أن جزا هو من أوائل الناس الذين علموا بأن هذا المنتدى سيتأسس وذلك قبله بحوالي عشرون يوماً إن لم تخني ذاكرتي حينها طلبت من جزا أن يستعد للمشاركة وطلب مني عمل موقع إلكتروني خاص بقصائده ... اتفقنا ولكن كل ذهب إلى حال سبيله وأصبحت أسأل عنه من بعيد ولكن تأخر علينا كثيراً .... نعده مكسباً كبيراً للمنتدى .... وأغلبنا يعرف من هو جزا الشاعر شكراً لحضورك ولو أنك تأخرت كثيراً ... ولكن لكل من تأخر عذره تقبل فائق شكري وتقديري ونأمل تواصلك معنا ونرحب بك وياهلا بك. |
||||||||
|
|||||||||
26 Jul 2006, 06:18 PM | [ 6 ] | |||||||
عضوة متميزة
|
صح لسانك على الرد .. وروعته .. صح لسانك وسلم بنانك
|
|||||||
|
||||||||
26 Jul 2006, 07:11 PM | [ 7 ] | ||||||||
عضو متميز
|
سيف الشدادين حياك اخوي انت ومرورك العذب واتمنى ان اكون في مستوى هذا المنتدى الشامخ |
||||||||
|
|||||||||
26 Jul 2006, 07:14 PM | [ 8 ] | ||||||||
عضو متميز
|
بدوي فاهم اخوي المعذره حيث انني كتبت القصيده والرد من ذاكرتي وان حصل قصوور فالمعذره شاكر لك متابعتك اللتي تخجلني واعتبرها وسام على صدري |
||||||||
26 Jul 2006, 07:16 PM | [ 9 ] | ||||||||
عضو متميز
|
سعود سليمان ان الاروع من مشاركتي هو ردك اللذي اثلج صدري حياك اخوي انت ومرورك المميز |
||||||||
26 Jul 2006, 07:21 PM | [ 10 ] | ||||||||
عضو متميز
|
السلطان اعلم انني مقصر جدا وانت كذلك تعلم الظروف العمليه اللتي طرأت وانت خير من يقدر وعذري انني ساجد مساحه من التسامح لدى هذا المنتدى بكافة اعضاءه ومرتاديه وانا اعتز كثيرا بالحفاوه اللتي قوبلت بها واتمنى ان اقدم مايليق شاكرا مرورك الكريم |
||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
قصيده وردها | عويض علي الشدادي | بحور القوافي | 10 | 23 May 2009 12:14 PM |
قصيده أبو نجر | عبدالله الشدادي | بحور القوافي | 22 | 07 Sep 2006 11:56 PM |
قصيده ورد( 2 ) | جزاء دهيس | بحور القوافي | 16 | 02 Aug 2006 04:13 AM |
طلب قصيده | الكونت | بحور القوافي | 6 | 07 May 2006 09:14 PM |
قصيده .............؟؟؟ | المحترف | المواهب والمحاولات الشعرية | 11 | 21 Aug 2005 02:13 PM |
أدوات الموضوع | |
|