ماغير انا واللـيل والثالث ابليس (البحر الميت)

السلام عليكم ورحمه الله وبركاته

هذه القصيده للشاعر عبدالله بن باتل الرشيدي الملقب بالبحر الميت سمعتها قبل خمس سنين وكنت

حافظ منها بيتين بس جا محرك البحث قوقل انا اشهد انه وليده :icon_mrgr وسويت بحث عنها

ولقيتها وجبتها لكم و اتمنى ان تحوز على اعجابكم

البارحه ليلي همـــــوم وكـــــوابيس=وابعد من الجـــوزاء علي الوناســه
ماغير أنا والليـــــل والثالث ابلــيس=كلـن على الثـــاني يبيله رياســـــه
مدري ظروف أو حب وألا هــواجيس=وألا الثـــلاثه كلـهن فوق راســــــه
أوأن عقلـــــي صــايرٍٍ فيه تنكيس=وللعقل في بعض الأمور انتكاســـه
يالايمي لاتلومنــي قبل مــا تقيس =واللوم للمييس يزود بياسه
والشمت طبـع للرجـــــال الهــلابيس =اهل الهـــدف والنمنمه والبلاســـه
وأنامعي عقل ومشاعــر وأحاسيس=وعيون وأخلاق وقلب وشراســـه
لكن حصلـي في زمانـي عـــواكيس=وعجزت هذا الوقت لعرف لناســـه
هــــــذا يمـوهـــــا بــهرجه تمــاليس=وهذا تجاهـــلها عـناد وخساســه
وهذا يغــرك مظهــــره بالمــــلابيس= وهذاك يلبس لبس ماهو لباسه
وهذا تذعذع لـه هبــوب النســــانيس=وهــذاك تكل مغمضٍ له بطاســه
وليا حصلك من زمــانك كعــامـــيس=اصبروللصبر الجميـــل انعكاســه
تدرســـك دنياك من دون تدريـــــــس=ماهو لزوم انك تــــدرس دراســــه
وللنـــاس بالدنيا خصوص وقواميـــس=اللي غرف بدرام واللي بكاســــه
وناس تهجس في غثى الوقت تهجيس=وناس تسايسها وتاتي سياســـه
وناس تبي عرش مثل عـــرش بلقيـــس=وناس تبي لو يوم فرقى التعاسه
وترى الردي لوفيك ســـوى نواميس=ينقد على نفسه ويرجع لساســه
والتيس مثل العنز كان انخصى التيـس=والتيس ماهو تيس لولا التياسه
قنعت واقنعني كتاب الوساويس=لكن عقب ماصرف شيك الفلاسه

[TABLE="width:60%;background-color:black;border:6px ridge silver;"]

خـيو نوافــ صح لسانك ولسان الـشاعـر ..


قصيدهـ بـ اكملها روعهـ .. أحسنت الإختــيار ..


دمت بصحهـ وعافيــهـ ..!

هلا بك اسيل هذا من ذوقك وشكرا على مرورك

هلالالالالالالالالا سيف صح بدنك وهذا من ذوقك اخوي وشكرا على مرورك

اخوي نواف سلمت يديك وصح السان قايلها
اختياراكثر من رائع وتقبل تحياتي

الله يخليك اخوي على الروعه وصح لسان قليلها

تحيتي لك

اختيار جميل اخوي

شكرا لك

صح لسان الشاعر احسنت الاختيار

اخي نواف اشكرك على نقل تلك الرااائعه

دمت بود

الله يسلمك اخوي ابو اثير وشكرا على مرورك