سجن الرموش المريفات

سجن الرموش المريفات

الله من زين عيونه شحيحات=شحت بنظرتها وهي ما تقوله
بين الأراضي شفتها والسموات=في موقع كل سكت من ذهوله
ومن شوفها ما عاد شفت المضيفات=وشلون أشوف وزينهـا حكم دوله
أدخلني بسجن الرمــــوش المريفات=وأعلن فؤادي فرحتــــــــــه من حلوله
وعيوني تغطـــــــرف سبايا أسيرات=وعافت مواطنهـــــــــــا تراث وحموله
يا آية غطت علــــــــــــــى كل الآيات=ولوحة بيكاســـــــــو مع براءة طفوله
وقصيدة الشاعـــــر وجزلات الأبيات=والوزن لا قالـــــــــــوا بقصره وطوله
وشلون اعبر عــــــن ملاك الأميرات=والشعر لا شاف الاميــــــــــــره بكوله
كنه يتيم وما بقـــــــــــــي له وصيات=وزوجـــــــــــــة أبو بالخيزرانه تموله
يا بنت ابعرضلك عروض ونيـــــــات=الحب عنــــــــــــــدي نابت من أصوله
وسقايتــــــــــــــه بيدك سلام ورايات=والرايه البيضـــــــــــاء علت كل جوله
وان قلت لك تاريخنــــــــا والبطولات=حنا بدو ونفوز فـــــــــــــــي كل صوله
وحنا دروع النصر سهـــــم الشكالات=وحنا علامـــــــــــات الوفاء والرجوله
وحنا هـــــــــل العادات باب الحكايات=وحنا هل الهامات رمـــــــــــز البطوله
يا بنت أنا وشلــــــون يا كيف هيهات=املك فؤادك بالهـــــــــــــــوا أو أطوله
فتنتي القلب المشقـــــــــــــى بالاهات=والهم ذاقه000000 والذلول معقوله
شافت حياهـــــــــــا منتثر بالمطارات=ولا تقدر تطــــــــــــــوله بثقل الحموله
زينك نخى شعـري عقـــــارب وحيات=وشعري حكــــــى يازين ما بي عموله
لبيه يا زين حكـــــــــــــــوا فيه ميات=وصرت الشجيع اللي حكى في سهوله
يا بنت ذا شعـــــــري وهذي شعارات=ومعادله صعبه ولا هـــــــــــي محلوله

شاعر مغمور

		المشاركة الأصلية بواسطة : اقتباس
	يا بنت ذا شعـري وهذي شعارات=ومعادله صعبه ولا هي محلوله

ونعم يالشاعر المغمور....صح لسانك...وشعرك معادلة صعبة ومتميزة!

صح لسانكـ أخوي شــاعــر مغمور

ولآ هنت يالنشمي على القـصـيـدهـ

زينك نخى شعـري عقـــــارب وحيات=وشعري حكــــــى يازين ما بي عموله

صح لسانك يالشاعر المغمور صراحه قصيده راقيه جدا ولو

معنى البيت السابق فقط لم يرق لي كثيرا

تحياتي والله يحييك

وش تفسيرك يا بو راكان للبيت ما دامك ناقد كبير


اتمنى ردك وبعدين اقولك معناي من ذا البيت

واعلم دائما بان المعنى حق للشاعر دون سواه واحيانا جدا لا يعرفه شعراء اخرون انتظر ردك

شاعر مغمور

يا هلا والله بأخونا الشاعر المغمور

جيت وحليت وكتبت وأبدعت ونظمت وأجزلت

ننتظر قادمك الجديد فأهلاً بك

ما عليك زود يا بو عبدالعزيز وشكرا لقراءة القصيده

والشكر موصول لسيف الشدادين

شاعر مغمور

اولا ياذيبان من قال لك اني ناقد كبير

ثانيا من طلب منك ان تفصح عن معناه وان كان معناه واضح

ثالثا الشعر نقش في حجر وقطف من ثمر وغرف من بحر

والجديده الرابعه مادامك سألت تزحف مع الارض عقارب وحيات وكلها اشارات على الاذيه .

فجعل من شعرك غيث لمستمعيه ومتذوقيه .

والواضح انك متمكن .

وبعدين هدي اعصابك

وعيوني تغطـرف سبايـا أسيـرات=وعافت مواطنهـا تـراث وحمولـه
يا آيـة غطـت علـى كـل الآيـات=ولوحة بيكاسو مـع بـراءة طفولـه
وقصيدة الشاعر وجـزلات الأبيـات=والوزن لا قالـوا بقصـره وطولـه

صح لسانك ولاهنت

قصيده ولا اروع

وحنا هل العـادات بـاب الحكايـات=وحنا هل الهامـات رمـز البطولـه
يا بنت أنا وشلون يا كيف هيهـات=املـك فـؤادك بالهـوا أو أطولـه
فتنتـي القلـب المشقـى بالاهـات=والهم ذاقه000000 والذلول معقوله

لن يشفع تاريخ وبطولات في الم الحب صح لسانك وسجل اعجابي بشعرك المميز ..