أول لقـاء مــع زعيـم الحــب

يقال ان الشاعر اشبه به بالبحر في سكونه

وهدوء أمواجه

حال سكون الاجواء

فيكون الماء راكداً فإذا هبت أنسام الرياح تحركت


الامواج مندفعة نحو الشواطي

وكلما زادت سرعة ونشاط الرياح يأخذ الموج فالاضطراب

مما يزيد من جمال الشاطئ وإمتاع مرتاديه

وهنا نرى وجه الشبه مابينه


وبين الزعيم

آمل أتنال إعجابكم

من شاف وضع القصيد وشاف ميلاتـه=مـابــيــن شـحــادهــا والا مـهـايـطـهـا
يعـاف نضـم الشعـور وسـبـك جـزلاتـه=مــادام كـلـن يبـحـلـق فـــي سقايـطـهـا
ياساحـة الشعـر صـوتـي جــر ويـلاتـه=وانا ابخص ابحورها واعرف محايطها
واكتـب عسيـر الشـعـر كـنـه سهـالاتـه=وامدح هل الفعل واسفه قـول شايطهـا
لـنـي وريــث الـشـيـوخ وقـــد قـالاتــه=وان جــت لتاريخـنـا عـيـدو شرايطـهـا
سيـفـي عبـيـدة نـهــارٍ جـــات خـلاتــه=وحلـفـي حــوارث جـزيـلاتٍ بسايطـهـا
هــذا كــلام الصحـيـح وخـــل حـيـلاتـه=وارجـع واعلـق شهـادة فـوق حايطهـا
للشـاعـر الـلـي جـذبـنـي ريـــح فُـلاتــه=الشـعـر ورثـــن لـنــا عـلــم جلايـطـهـا
و ابـا اعتـذر عـن مجاراتـه و شيـلاتـه=خــل الـروابـض تمـتـع فــي خرايطـهـا

زعيم الحب

نفل بن عايض الشدادي

فكانت له مجاراتي بما يلي

يامرحبا يازعيـم الحـب وابياتـه=قافك له أجزل قواف الشعر أقلطهـا
ياكوكب ٍ في سماء الشعر ومجراته=يجحد بنوره نجومـه لا توسطهـا
ياشاعر ٍطـول الغيبـات بسكاتـه=لاغبت جزل القوافي من ينشطهـا
يبقى لك الشعر شاهـدة ٍ سجلاتـه=تشهد علـى العنكبوتيـه روابطهـا
مادام جاء يشتكي لي من معاناتـه=وفي ساحة الشعر علقها بحايطهـا
بعد طلب رأي لزمتنـي مجاراتـه=وبماءالذهب في سجل الشعر أخيطها
أعشق جزيل الشعرواطرب لنزواته=وأغوص غبة محيطاتـه وأبلطهـا
آمر تدلل وما يطربـك قـل هاتـه=لرضاك مـارد شياطينـه نربطهـا
ياشاعر ٍ فوق هام المجـد راياتـه=قوافي الشعر من غيمـك تساقطهـا
وأطوع الشعـر وأطـور مهاراتـه=وهجمة ردي النصيب بقافه أحبطها
وأعلمه كيف يمشي فـي مساراتـه=ومن شب نار الردى عليه أسلطهـا

تركي الشدادي

تركي الشدادي
صح لسانك انت وزعيم الشعر
قصايد رائعة وابداع متميز

صحت ألسنتكم جميع
وبيض الله وجيهكم

وللشعر أهله

تقبلوا تحيتي

تركي الشدادي
زعيم الحب
صحت السنتكم معانٍ رآآآئعة
وأسلوب راقي جميل
دمتما بخير ,,,

الشاعر القدير تركي انا ما كنت اعرف وش موضوع القصيدة
بس اخذت العلم من الزعيم وعرفت وش هو موضوعها
والزعيم شاعر كبير وصاحب اخلاق عالية
وشوفوا معي بعض الروابط تدل على كلامي

في ديوان العرب
http://www.7eda.com/vb/showthread.php?t=54097

وفي ميدان الشعر
http://www.mydanalshar.com/showthread.php?t=12975
هذا نموذج لقصيدة واحدة من قصائدة الاخيرة ما جبت باقي القصائد القديمة

وشهادات من شعراء كبار بشاعرية زعيمنا والكثير من القصائد التي تناقلت في عالم النت
وغيره من الخواطر والكتابات في منتدى الجسد وتعلمون من يرتاد هذا المنتدى من كبار الكتاب
وغيرها من كبار المنتديات الادبية

وما اقول الا بيض الله وجهك يا تركي انت وزعيمنا كلكم شعراء كبار بمعنى الكلمة

ولا يصح الا الصحيح

		المشاركة الأصلية بواسطة : فاقدة أبوها اقتباس
	تركي الشدادي صح لسانك انت وزعيم الشعر قصايد رائعة وابداع متميز

صح بدنك اختي الغاليه

ويعطيك الف عافيه وياهلا وغلا

		المشاركة الأصلية بواسطة : حاتم الشدادي اقتباس
	صحت ألسنتكم جميع وبيض الله وجيهكم وللشعر أهله تقبلوا تحيتي

صح بدنك أخوي حاتم ويعطيك الف عافيه

		المشاركة الأصلية بواسطة : واعي اقتباس
	تركي الشدادي زعيم الحب صحت السنتكم معانٍ رآآآئعة وأسلوب راقي جميل دمتما بخير ,,,

ياهلا وغلا أخوي واعي

شرفي مرورك وصح بدنك

الله لايهينك

		المشاركة الأصلية بواسطة : قرنــــــاس اقتباس
	الشاعر القدير تركي انا ما كنت اعرف وش موضوع القصيدة بس اخذت العلم من الزعيم وعرفت وش هو موضوعها والزعيم شاعر كبير وصاحب اخلاق عالية وشوفوا معي بعض الروابط تدل على كلامي في ديوان العرب http://www.7eda.com/vb/showthread.php?t=54097 وفي ميدان الشعر http://www.mydanalshar.com/showthread.php?t=12975 هذا نموذج لقصيدة واحدة من قصائدة الاخيرة ما جبت باقي القصائد القديمة وشهادات من شعراء كبار بشاعرية زعيمنا والكثير من القصائد التي تناقلت في عالم النت وغيره من الخواطر والكتابات في منتدى الجسد وتعلمون من يرتاد هذا المنتدى من كبار الكتاب وغيرها من كبار المنتديات الادبية وما اقول الا بيض الله وجهك يا تركي انت وزعيمنا كلكم شعراء كبار بمعنى الكلمة ولا يصح الا الصحيح

هلا حياك أخوي قرناس

وبيض الله وجهك

القصيده قديمه

بيني وبين الزعيم

وموضوعها يعرفه معظم

أعضاء منتدانا الغالي

وهي فالحقيقه أول مجاراه بيني وبين

هذا الشاعر المحيط

وأنت الله يعطيك العافيه ماقصرت

نكدت على الزعيم وقومته من النوم واخذت العلم

من راسه

والعنكبوتبه خير من يشهد بشاعرية وأخلاق

زعيمنا وزعيم حبنا

الله يحفظك ويعطيك الف عافيه

		المشاركة الأصلية بواسطة : تركي الشدادي اقتباس
	هلا حياك أخوي قرناس وبيض الله وجهك القصيده قديمه بيني وبين الزعيم وموضوعها يعرفه معظم أعضاء منتدانا الغالي وهي فالحقيقه أول مجاراه بيني وبين هذا الشاعر المحيط وأنت الله يعطيك العافيه ماقصرت نكدت على الزعيم وقومته من النوم واخذت العلم من راسه والعنكبوتبه خير من يشهد بشاعرية وأخلاق زعيمنا وزعيم حبنا الله يحفظك ويعطيك الف عافيه

ايوالله يا تركي اني صحيته من النوم ونكدت عليه

لاني ما ادري وش موضوع القصيدة واحسبها جديدة واثرها من القصايد القديمة

انا من اول امر على القصايد اللي يكتبها الزعيم تحت معرفه لكن هذي غابت عني

ولا فيكم حيله يا شعارنا بعد ما عرفت موضوعها ههههه

وصحت السنتكم للمرة الثانية والالف