|
||||||||||||||||||
الأصيل ريمان مرسول إلى تركي بن عبدالله
بسم الله الرحمن الرحيم السلام عليكم ورحمة الله وبركاته.. بعد الفترة التي مر بها المنتدى الشعبي والتي اُرسلت خلالها قنابل وأعاصير وطائرات أطل عليكم اليوم بهذه القصيدة المتواضعة والتي فضلت أن أرسلها بطريقة سلمية وبدائية ومرسلولي على ريمان وهو من سلائل الهجن الأصائل التي كان يمتلكها الشيخ/ شرار بن مهرس رحمه الله ( جدي) وإن شاء تنال إعجابكم وإستحسانكم..
يا راكب ٍ من عندنا فوق ريمان = حر ٍ يدنّا للديار الخليه
يشدي فريد ٍ ذيّره شوف زيلان = أليا جفل وأقفى سريع الهويه فج العضود وكن الأعيان نيران = واذنه سوات الحربه العولقيه وعليه من زين الكلايف والافنان = عسى الولي يحماه من كل سيه وركّابه اللي في المهمات ما لان = غمر ٍ على الشدة عزومه قويه ضرّب عليه ونصّه القرم لاهان = ولا يبرك ألا عند زبن الونيه ملفاك تركي طيب الذكر والشان = عساه يبطي ما تجيه المنيه سلم على شيّال الأثقال زومان= لعل تفداه الوجيه الرديه تلقاه بقدوم المسايير فرحان = ينطحك بالترحيب والشاذليه وعلى صحونه قلط الحيل والضان = حي السلوم الوافيه والنقيه ورث سلوم طيب من ورث جدّان= والطيب له شارات ما هي خفيه نسل الرجال امطوّعة كل فسقان = لا ثار عج الخيل في المهميه مركاضهم يشبع به الذيب سرحان = ويروون حد السيف في كل هيه وكسّابة للنعم في كل الأوطان = في ديرة الأجناب والحارثيه ويا زين قول ٍ له شواهد وبرهان = تاريخهم يشهد من الجاهليه وتركي كما ضلع ٍ طويل ومزبان = لا جارت الدنيا حصونه ذريه الشاعر اللي يحتمي كل ميدان = الشعر ياقف له ويضرب تحيه وأشهد شهادة حق مانيب غلطان = إنه عسف كل الحروف العصيه يا تركي وين اتروح والجد دابان = في الشعر وألا فوق بنت العبيه جدك خذا الطالات بلسان وإسنان = عساه في وسط الجنان العذيه ويشوقني شعرك ليا قلت الألحان = أطرب لها ويشوش راسي حميه ولانيب مفلول ٍ يخوّع ليا بان = آخذ سمين القاف والنار حيه وأبيع وأشري مع هل السوق بأثمان = غالي بغالي والمعاني طريه وأعرف حقوق ربوعنا سر واعلان = ومدحت بن الحارث لزوم ٍ عليه ربعي حمول الخيل ذربين الايمان = ياما شكى من فعلهم من سريه وكل القبايل في السعودية أخوان = على كتاب الله وسنة نبيه هذا كلامي وأخر القاف ختمان = صلوا على المختار سيد البريه
التعديل الأخير تم بواسطة فيصل بن مهرس ; 07 Jan 2009 الساعة 05:03 AM
|
07 Jan 2009, 09:01 AM | [ 2 ] | ||||||||
شاعر
|
ياسلام عليك يابوزايد
قصيدة جزله من شاعر جزل بيض الله وجهك وصح اللسانك ملايين لاهنت ومهما كتبت ماراح اوفي القصيدة حقها وفي انتظار ابوعبدالله ... ولاتطول الغيبه علينا بالقصيد الجزل يابوزايد |
||||||||
|
|||||||||
07 Jan 2009, 12:52 PM | [ 3 ] | |||||||
شاعر
|
يا تركي وين اتروح والجد دابـان=في الشعر وألا فوق بنـت العبيـه جدك خذا الطالات بلسان وإسنـان=عساه في وسـط الجنـان العذيـه ويشوقني شعرك ليا قلت الألحـان=أطرب لها ويشوش راسي حميـه بيض الله وجهك يابو زايد وصح السااانك مليار من اجمل قصائدك شاعر أصيل وجزل وتركي يستاهل وفي إنتظار الشاعر الكبير تركي بن عبدالله على القوه يابو زايد والله يكثر من أمثالك |
|||||||
|
||||||||
08 Jan 2009, 12:41 AM | [ 4 ] | ||||||
|
كفو يالامير وعنزتها على كفو بيض الله وجهك والجزل دايم مداته جزله وأنت جزل ياأبوزايد قصيده من عيون الشعر وأنت راعيها جعل عمرك طويل ننتظر رد أبو غايب عسى أيامه طوال مودتي |
||||||
|
|||||||
08 Jan 2009, 12:55 AM | [ 5 ] | |||||||||||||||||||||||||||
شاعر
|
حياك الله يابو زايد وأبشر بما يفرح صدرك يالاميييييييييييييييييير أنت الليله بااتصالك( وخبر وصول ريمان) أجبرتني على دخول المنتدى وانا يشهد الله ماغبت هالايام عنه كرهاً فيه أو فيما يدور خلاله ولكن لظروووووووف خاصه وابن جدلان يقول خلوني آسج عن موضوعه أحسن لي=ولاالغلا والله إن يبطي وهو غالي
والرد الليله ماخلصت منه ولكن عند إكتماله سوف ترااااااااااه على صفحات منتدانا المشرقه بك وبأمثالك من أبناء العمومه الغاليييييييييييين ومن معهم من النشاما أمثال الرهاوي وغيره ممن يشرفنا الالتقاء بهم عبر الشبكه العنكبوتيه ولكم خالص التحايا :bye::bye::bye: |
|||||||||||||||||||||||||||
التعديل الأخير تم بواسطة تركي الشدادي ; 08 Jan 2009 الساعة 12:58 AM
|
||||||||||||||||||||||||||||
08 Jan 2009, 02:02 PM | [ 6 ] | |||||||
|
فيصل أبن زايد شاعر وأمير ... يكفي أنك حفيد أبن مهرس أحترامي لشخصك وشعرك ... وصح لسانك ... |
|||||||
|
||||||||
08 Jan 2009, 07:08 PM | [ 7 ] | |||||||
شاعر
|
عناد القاف وجهك الأبيض وصح الله بدنك يابن العم ويشرفني حضورك ومرورك على الموضوع لاهنت |
|||||||
08 Jan 2009, 10:36 PM | [ 8 ] | |||||||
شاعر
|
الرهاوي يشرفني حضور مثلك وشرواك وصح الله بدنك ولاهنت يالذيب |
|||||||
09 Jan 2009, 06:56 PM | [ 9 ] | |||||||
شاعر
|
أبو راكان ما عليك زود يالذيب وحياك الله وزدت القصيدة جمالاً بمرورك |
|||||||
09 Jan 2009, 09:06 PM | [ 10 ] | ||||||||
مؤسس شبكة الشدادين
|
الله الله يا أبو زايد بحر من الدرر وعذب المعاني وما هي غريبة عليك يا ابن مهرس كفيت ووفيت وقدمت رسالة للسلام ووجهت لشاعرنا الكبير أبو عبدالله وهيضته وهو بإذن الله بيجي بالرد وبأقرب وقت عز الله إنك أثلجت صدري بهذي القصيدة لا عدمتك |
||||||||
|
|||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
قصيدة موجهه للشاعر تركي بن عبدالله الشدادي | عبيد بن سلطان | بحور القوافي | 10 | 05 Feb 2009 04:02 AM |
الرد على تركي بن عبدالله الشدادي | فيصل بن مهرس | بحور القوافي | 26 | 31 Dec 2008 05:08 PM |
رجلان كويتيان يتزوجان بعضهم البعض! | الأمــــــــير | القسم العام | 25 | 15 Jul 2007 01:00 PM |
|