شاعرنا / عطنا رأيك وانقد أبياتنا

		المشاركة الأصلية بواسطة : محمد المريري اقتباس
	السلام عليكم ورحمة الله وبركاته اول شي اشكر الأخت عسولة على هالموضوع الاكثر من رائع ثانيآ اعتذر عن تأخري للحضور للمنتدى و لهذا الموضوع بالذات كوني كنت خارج المملكة لضرف طارئ وهذي مشاركتي واتمنى المجاراة إذا خويي دقني بالسواليف=ويجيبها مزحة وفيها نذاله فيا حيف من خوة ضعيفين يا حيف=والله لأكبه ثم ادور بداله

ياهلا والله يامحمد ويسعدني ان اجاريك
لو الابيات مهيب قد المأمول
اقول

اذا خويي هرجته هرجة ضعيف=مدري مزح ولا يحب الخباله
عزالله ان قربه يجيب التحاسيف=عـفته بدور طيبـين السلاله

بعدين احس ان حرف الفاء بدايه الشطر الاول من البيت الثاني كسر البيت
دقق فيه اعتقد والله اعلم
لو ينشال يضبط ميه ميه




وسلامتك ياذيبان

يعطيك الف عافية
فكرة حلوة
......................

ويعافيك شكراً لمرورك شهوده............

		المشاركة الأصلية بواسطة : فايز بن مشحن اقتباس
	حلو المجاراه بين الشعراء وعندي ابيات خفيفه ابيكم تجارونها طـالبـك يالله يالـحي الـعـزيـز= دلني درب التقا والاعتزاز اهـدني والصدر لا جاله وزيز= جنبه درب الخطا والاهتزاز كل وجه(ن)فاني(ن) غيرالعزيز= وكل ارض ماتطمن بالعزاز فايز بن مشحن

مجاراه على عجله والمعذره على القصور يا أبن مشحن

يا إلآه الكون ياخالق عزيز=من تراب وطين ماهو من قزاز
بين كاف ونون في وقت(ن)وجيز=تفرج الضيقة ومن يرجيك فاز
ما أتبعنا من يحرم أو يجيز=في كتابك كل ماحرم وجاز

مع تحيات الرحال

		المشاركة الأصلية بواسطة : فايز بن مشحن اقتباس
	يابنـت عينـي لهـا ليليـن سهـرانـه والشوق مسهـر نواظرهـا ومشقيهـا ذي حالة اللي جفاه أعز خلانـه ماله جدى والمنام العين جافيها ذي ابيات اخوي الرحال الله يعطيه العافيه ونا اقول هذه الابيات على عجاله يابنت ليه الجفا مفتوح بيبانه والبعد خطر(ن)على العينين يعميها عزاه يامن فقد قلبه وسكانه يقضي سنين العمر يبكي وينعيها اوآه ليل السهر والدمع قيفانه على دروب الوصل والوقت حاديها عزالله ان الغلا كله على شانه اطوي المسافات والاقدام محفيها فايز بن مشحن

أخوي فايز صح الله لسانك ملايين على هذه المجاراه الرائعة
والله لايهينك وتقبل تحياتي الرحال

يا حيا الله أستاذي الرحال أسعدني جداً مرورك على هذا الموضوع وأسعدني أكثر عودتك للمنتدى بعد طول غياب أشكرك من أعماق قلبي

		المشاركة الأصلية بواسطة : عســــــــــولة اقتباس
	يا حيا الله أستاذي الرحال أسعدني جداً مرورك على هذا الموضوع وأسعدني أكثر عودتك للمنتدى بعد طول غياب أشكرك من أعماق قلبي

الله يبقيك ياطالبتي الفاضله عسوله والمعذره عن الغياب لضروف عملي
وهذا الموضوع تشكرين عليه لأنه يفيد الجميع ولكن وين الواجبات
ماحليتيها شدي حيلك وأنا إن شاء الله موجود وإذا
ماسمحتلي الضروف الأخوه فيهم الكفايه
ولاهم مقصرين والله يوفق الجميع

		المشاركة الأصلية بواسطة : الرحال اقتباس
	مجاراه على عجله والمعذره على القصور يا أبن مشحن يا إلآه الكون ياخالق عزيز=من تراب وطين ماهو من قزاز بين كاف ونون في وقت(ن)وجيز=تفرج الضيقة ومن يرجيك فاز ما أتبعنا من يحرم أو يجيز=في كتابك كل ماحرم وجاز مع تحيات الرحال

الرحال
صح لسانك
عزالله كفيت ووفيت
وابدعت بعد
تشكر على المجاراه ياذيبان
والله لايهينك

		المشاركة الأصلية بواسطة : أماني الجدعاني اقتباس
	مبدعين والله يالله عاد جاء دوري وهاذي ابيات كتبتها في صديقتي( اميره) وعطوني رايكم بصراحه وبدون مجامله يمرني طيفك كل يوم ولا اقدرانســـــــــــــــاك وشلون انساك يازين الحلى والحلى من وصوفك ياطيبة قلبك ويابخت من سماك اميره بدلالك وبأخلاقك اميره سحرتيني بطيبك وحبك وكثرة غلاك وانا اشهد فالبشر مافي مثيلك

احـم احـم

حيّاك الله ياأماني وتجربة لابأس بها

لكن عندك الأبيات فيها كسر حاولي تلحّنين الأبيات على لحن معين عشان ماينكسر البيت

وإذا مشت الأبيات على اللحن أعرفي أنها تمام التمام مافيها كسور وأصابات

وثانياً عندك الوزن والقافية مو مضبوطة

مثلاً عندك الشطر الأول ينتهي بكلمة أنساك

خلّي الشطر الأول من الأبيات الباقية ينتهي بألف وكاف

مثل أهواك / أدواك /غلاك وهكذا ..

والشطر الثاني وصوفك /حروفك/ ظروفك وهكذا ..

أولأ لاشكر على واجب يا أبن مشحن وصح الله بدنك
ثانيأ ممتاز ياشوق شداد هذا اللي نبغاه التفاعل من الجميع وتوضيحك 100%
وصح لسانك يا أماني الجدعاني وإن شاء الله تعدلين الأبيات وتستفيدين من الأخطاء
ثالثأ هذه أبيات وأرجو مجاراتها من الجميع وخاصة الذين يريدون يستفيدون

وين أنت ياسيد الغنادير وين أنت=من غيبتك غاب الفرح من حياتي
أنا المحب اللي على حبك أدمنت=أدخل على الله لا تسبب وفاتي
تعال وأكمل مابديناه أنا وأنت=وأخذي عهد حبي ليوم المماتي