بنات المنتدى شكرا

بنات المنتدى شكرا عدد ما بالشعر من شيب=عدد مالفت الاكفان من هو بالثرى مدفون
عفا الله والجروح اللي تخيلت انها بتطيب=نقضها من نقضها واحتواها سري المكنون
اخوكم والمشاعر مثل عود تحرقه ويطيب=اروح ان رحت كني ماخلقت ومن بقو يبقون
سحابة صيف عدت وان سقت ولا تلاها صيب=ولا بالخير غير الخير وانتم كلكم تدرون
عسى الله مايخيبنا ولو بعض الضروف تخيب=ولابد الحدث يشهد وش الفكره وش المضمون
ومن لا يعرف الصقر اشتواه وقلبه تقليب=على جمر الغضى ياكثر من يشوي ومايشوون
تعرفون الاصول ونعرف الشيمه ولابه عيب=وهذي حالة الدنيا قضى طير ويجي مليون

اشرقها واغربها عسى الراي السديد يصيب=فقط عابر سبيل وقال هونها كذا وتهون

صح لسانك اخوي سفير وشاعر وعلا شانك
على القصيده الجزله
وكل اعضاء المنتدى يستاهلون كل خير
وانت اولهم
والله لايهينك

صح لسانك شاعرنا
على القصيدة الجزلة
وبيض الله وجهك
كل الشكر والتقدير

الاخت الفاضله
شيهانة المرقاب
اعضاء المنتدى مميزون
وانت ايضا متميزه

شاكر مرورك الاخوي
وشعورك الطيب
لاهنتي
تحياتي

الاخت الفاضله
بنت النشامى
بارك الله فيك
ولك بمثل مقالك الطيب
لاهنتي
تحياتي

لا هنت يا أبو فهد ولا هان غاليك
يستاهلن والله بنات منتدانا كل خير
وأنت ما قصرت الله يبيض وجهك
وصح لسانك

اهلا وسهلا ومرحبا
بالسلطان العزيز
تتدفق المشاعر
خصوصا عند الشاعر
تحياتي لك
ولجميع من في المنتدى
بدون استثناء
واتمنى التوفيق للجميع
ولهذا المنتدى
املا ان اكون
ظيفا خفيفا
او اخا عفيفا
بارك الله بالجميع
تحياتي

صح لسانك وَ بيض الله وجهك

وَ لاهنت ..

الاخت الفاضله
زهرة الكرز
بارك الله فيك
شاكر مرورك
وشعورك الطيب
لاهنتي
تحياتي

صح لسانك ولاهنت
شكراً لك ....