أنا معك

انا معك لاضاقت الأرض ثم ضقت=عندك رقم جولي اللي تشوفه
دق الرقم هذا وان أوعدك لافقت=من واقع بتشوف عينك وقوفه
نشيل كثر الي تشيله إلى طقت =ونحن لطيب حنين الخلوفه
ياصاحبي والله والله مارقت =ولي صاحب عيت تحسن ظروفه
ماهوب عيب اليا لحقنا مع الوقت =جور الزمن المر هذي صدوفه
سبقتنا بالطيب ياما وياما لناسقت =يوم بعض الناس يتبع شفوفه
راعي اوله ماتنلحق لو تلحقت =ومجهودنا لاضاع مابه حسوفه
انا معه لو بارو الناس مابقت=والله لموت ولآ نسيت معروفه
تبغى تحس بلذت الموت لاذقت=وتبغى تفقد قلبك الحي خوفه
قل للممات بساعةٍ الموت اشتقت =وخله يلوح للحياه بكفوفه
دنياك طلقها اذا كان طلقت=وخل الثمن راحتك بأول صفوفه
وادفع مهر للآخرة لآ تعلقت =وصل الصلاة وصوم والبيت طوفه

صح لسانك
ولا هنت أخوي
كل الشكر والتقدير

صــــــــــــــــــــــــــــح الســــــــــــــــــــــــــــــــــانك

بيض الله وجهك يا شاعرنا العزيز
أبو نايش
والله يعافيك ويبارك فيك
حضور مميز وتواصل مشرف
وصح لسانك ملايين

صح لسانك وهلابك ابن نايش

صحة ابدانكم جميع وشكرا لكم ولمروركم الكريم والجميل