آخر 10 مشاركات |
مختارات | إذا ضَرَبْتَ فاوجَع فإنَّ الملامَةَ واحِدةٌ |
10 Feb 2010, 01:58 AM | [ 31 ] | ||||||||
عضوة متميزة
|
صباحكم ود/ يبث الدفء مع نسماته واشراقته حياك الله اخي النايف أسمح لي بسؤال واحد وحسب متى تخلو بتأملاتك بعيداً عن كل الأنام؟؟ شاكرة ومتابعة ...... |
||||||||
|
|||||||||
10 Feb 2010, 02:28 AM | [ 32 ] | |||||||
عضوة متميزة
|
|
|||||||
|
||||||||
10 Feb 2010, 09:27 AM | [ 33 ] | ||||||||||||||||||||||||||||
ابن جبري
|
^ حسبي الله بليسك ياشموخ تقومينهم علي وبعدين تقولين الله يعينك > شكواي على الله وعلى قولتك الله يعيني :marsa120:!! نرجع لحبيب الشعب قرقوش ليتني جاوبتك البارح على الوجار وافتكيت !
^ معك حقّ أخوي قرقوش لكن القطاع الخاص بصفة عامّة إذا ماكان جميع مجالاته فهو ربطة ودوامه غثى ويمنعني كثيراً من خوّة الرجال شرواك أمّا في رحلة مقناص أو طلعة بريّة وتكون مواكبة لأمطار وهبّة ريح . والتعليم مثلنا عارفين داوم الصبح واطلع الظهر وإجازات ولا أحلى . وأنا أقول وأبرهن على هالكلام : شخص ليس بإجتماعي ومايحبّ جمعات ربعة والطلعات البرية هذا دوّر له قطاع خاص وخلّه يلبد فيه وقالها حمود الرميان الله يستر عليه وقت مقابلتي الشخصيّة في وظيفتي كان يقول : عندك إستعداد تصبر عن جماعتك وزياراتك الإجتماعيّة وروحاتك وجيّاتك وظفّناك :marsa120:؟! > وهذا فعلاً ماحصل لي في عملي الآن . وبالنسبة للمرتب :
صدقني براحتك و وناستك تشري كنوز الدنيا كلها بما إن الإنسان يجيه راتب يكفّيه هو ووراعته وقتها لآبو القطاع الخاصّ ولآبو ديرته !! مع إن راتبي الآن ولله الحمد لو أجلس في التعليم عشر سنوات ماحصلت عليه لكن : الراحة وسعة الصدر طيبة ياصديقي الجميل |
||||||||||||||||||||||||||||
التعديل الأخير تم بواسطة النايف ; 10 Feb 2010 الساعة 11:27 AM
|
|||||||||||||||||||||||||||||
10 Feb 2010, 10:39 AM | [ 34 ] | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
ابن جبري
|
^ مافيك قصور يا أبو نورة وبارك الله فيك وأنا أخوك وللأمانة وبصراحة : مهما عملنا وقدمنا لهذا المنتدى فذلك لايوازي قطرة من بحر عطائك وتضحياتك من أجل منتدى قبيلتك وقبيلتنا والتي تفخر بأنّك أحد رجالها الذين ضحّوا وسخّروا جلّ وقتهم وجهدهم من أجل السمو بهذا المنتدى إلى قِمم المنتديات القبليّة .
^ الله يبقيك ومن جاء ما ابطأ يابعدي
^ أبو نورة الله يجزاك بالخير يوم قريت هالسؤال تخيلت نفسي وزير التربية التعليم ومتكّي على كرسي دوّار وأنت جاي تناقشني في هالمواضيع !! لكن بعطي جهدي حسب معلوماتي بالنسبة لقضية المعلمين والمعلمات المستوى المستحق وحصلوا عليه والدرجة المستحقّة مابتكون تفرق كثير عن مرتباتهم الحاليّة أمّا بالنسبة للفروقات الماليّة :هذي هي اللي يبيلها جلسة وتقصّي لجميع الحقائق والظلم اللي تعرض له هؤلاء المعلمين وتلك المعلمات>توهق تردد في تلك :4:!! تقول اللجنة المتابعة هالموضوع إن بعض المعلمات يمكن يجيهم لو يتمّ تعويضهن مايقار 800 ألف ريال ؟ والمعلمين مايقارب 200 ألف ريال وتقدّر جميع الفروقات الماليّة بــ 123 مليــــــــــــــار ؟؟ يعني ميزانية التعليم كلّها بتروح تعويض لأصحاب وصحابات الفروقات الماليّة أنا أشوف حسب رأيي الشخصي : إنّه لو توظف الوزارة المساكين اللي لهم ثلاث وأربع سنوات عاطلين من خريجي كليات المعلمينويكون تعويض أصحاب هالفروقات الماليّة في العام القادم وفي ميزانية تُستثنى من فائض ذلك العام وماتكون مُتعلقة بالميزانية اللي راح تُـقنن للمجال التعليمي في مجملها هذا أفضل حلّ أشوفه وإذا جينا للزبدة والكلام اللي ثمرته فيه :ياكثر الأكيلة في هالمجال وياكثر من ظُـلِـم من عـــــــــــــالم .
جيلنا للسؤال اللي أشوف إنّه يطلّب أكثر جديّة .. ياليت الكلّ يتمعّن معي الكلام اللي بكتبه الآن : إذا كان الشخص يستلم راتب يصرف على أهله منه ويقضي جميع مستلزماته وحقوق بيته وأهله ويتصدّق ويمدّ شايبه منه ويكسي عجيّزه كذلك منه وإذا جاه أحد من ربعه وبغى فزعته مايقصّر معه ويصل رحمه بالهدايا اللي تكون معبّرة بودّها وتآلفها وليس بقيمتها . ^ وقتهـــــــــــــا يحمد ربّه على النعمة اللي هو فيها وكثر الدراهم والله إنها وجع رآس ؟ياما نسمع عن رجال أعمال ويملكون الملايين والمليارات لكن ماينــاموووووووووون الليل ؟ من كثر الوسوسة من الخسائر والهموم اللي تواكبهم حول أرصدتهم وكيف يزيدون غلّتهم فيها . كثير من رجال الأعمال يروح يآخذ إبر مهدئة ومنومة علشان يآخذ له غطّة لو ساعة واحدة ؟!! وكلّه من مرض جمع الأموال بل بعضهم ومنهم النهدي صاحب الصيدليات الله يستر عليه جلست معه قبل حوالي سنتين في مجلس في الباحة عنده في بيته وكان يربطني وقتها معه معرفة وكنّا معزومين عنده مدّوا طاولة الطعام لدرجة إن بعض المأكولات والفواكه والله العظيم إنّي أوّل مرّة أشوفها وكنّا وقتها ستة أشخاص وهو سابعنا جلسنا وبإنتظاره يجلس معنا . أخذ له كرسي وجلس لحاله ؟؟ وقال تفضلوا ياعيالي ؟ وبعد ماشافنا مستغربين وشّ السالفة قال هذا حال الدنيا ياجماعة الخير الله يعطي عبده شيء ويحرمه أشيــــاء كثيرة ثانية على كثر ثروتي ما أقدر آكل إلا خبز أسمر وزبادي بريال > > ياسبحان الله من السكر والضغط اللي كان يعاني منه.. وبعد ماتعشينا جلس يتكلّم وقال : لو كلّ واحد فيكم عنده في رصيده على سبيل المثال 400 مليووووون ريال وشّ بيسوي فيها ؟؟ نفرض إنّه اشتر أحلى سيّارة بمليون واشترى أحلى بيت بخمسة مليون وتزوج أحلى بنت بنصف مليون ! وين بيصرف باقي رصيده ؟؟؟؟؟؟؟؟؟؟ والله لتحصلونه ماينام الليل من كثر مشاريعه ! يعني بالعربي يبني ويهدم مشاريع وهو في فراشه !!!! ^ إذاً وقتها اقتنعت إن كثرت الفلوس وجمعها مرض وبما إن الإنسان يآكل ويشرب ومرتاح ومرتبه كافيّه يحمد ربّه على النعمة اللي هو فيها وخصّه الله بها عن الكثير من عباده .
إسمع يا أبو نورة طال عمرك فيه بيت شعر أو حكـمة تقول: من لا قيّس قبل يغيّص...... ..... ماينفعه التقييس عقب الغرقي وللأمانة الطيبة الزايدة في هالزمن ماتسقي حاملها رشفة ماء فيه بعض الرجال اللي تقدّم لها طيب تيقن إنّه بيجي يوم ويقدم لك طيبك بأطيب وأجمل ويحسسك إن بعض الرجال المعروف والجميل ماهو خسارة فيها حتى لو كنت أنت ياصاحب الجميل ما انتظرت إنّه يرد لك الجميل أو وقفتك معه في عسرته . ومعرفة الرجال مثل مانعرف ( تجــــــــــارة ) ؟؟ وبعضها خبيلٍ والله مايزيدك إلاّ ردى بعض الرجال تربح العلوم الغانمة عند معرفتك فيها ويكونللأمانة حرام صناعة المعروف فيه ومايستحقّ إنّك توقف معه ؟؟لأنه وبكل إختصـــــــــــــار : ناكر للجميل وخاين للوفى وناقض للعهود ومخلف للوعود > وزد صدودك صدود ولاتعود > شطحـــه !! وجحود واللي مثله ماهو خوي ولكنّه عدوٍ لدود !!> > تحمست مع هالشاكلة اللي الله يندرهم من الأرض !! لاهنت أبا نورة شرّفت ولاكلفت يابعدي . |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
10 Feb 2010, 01:11 PM | [ 35 ] | ||||||||||||||||||||||||||||||||||||||||||||||||
ابن جبري
|
هلابك أختي عابرة في ديار الغربة ودام تواجدكِ
^ من المستحيل أختي عابرة مايكون فيه شخص مايبحر بخياله وتحصلينه يفتل وينقض وهو جالس وفي أحلى سكونه وفي الحقيقة كثيراً ماتجيني هالحالة وأنا ماسك خطّ ولاّ في السيارة لحالي لأن هالظاهرة يبيلها جو روقان وبعيد عن الشوشرة والضجيج لكن ماتوصل لدرجة خيال غير قابل للتحقيق أو التطلّعات ولله الحمد .
من ناحية إنّي أسمع لشاعرات لا بالله ولا طرى عليّ ممكن أقرأ لبعض الشاعرات أوكي لكن أسمع لهن لا وألف لا ؟! لأني أشوف أن أكثر الشاعرات إذا ماكان كلّهن يُبخصن قصائدهن بالإلقاء قليل المستوى حتى لو كانت قصيدهن جميلة وبكذا أقرأها أحلى . أما شاعرات هاليومين نتعجب منهن ومن شعرهن !! لأن قصائدهن وأنت تسمعها كأنك جالس تشاهد مشهد رومنسي عاطفي مشّ تسمع أو تستطرب لقصيدةٍ مُلقــاه! لأنّك تجد القيته كلّها تدور حول ضمّني وضمّيته وتركـني وأنا في حاجته وهلّت دمعتي وحسبي الله عليه وآخر شيء تقول ماهمّني وبعدين يعني ليش تكتبين القصيدة أجل ؟!! لاهنتي عابرة في ديار الغربة على تواجدك وطيب حظورك . |
||||||||||||||||||||||||||||||||||||||||||||||||
10 Feb 2010, 01:35 PM | [ 36 ] | ||||||||||||||||||||||||||||||||||||||||||||||||||||||||||||||||||||
ابن جبري
|
وعليكم السلام ورحمة الله وبركاته </i>
والله يحييك أخوي عبدالعزيز
لابالله نتمنى أن تزول هذهِ العادة وإكرام النفس هواها وأنا أخوك وأصلاً نحمد الله قليل الآباء اللي مازالوا مُتمسكين بهذهِ العادات وهذه التقاليد
^ لا أعلم ماهو الحبّ الطاهر من وجهة نظرك أخوي عبدالعزيز في هذهِ النقطة أنا أشوف إن حدود الحبّ الطاهر بينهم إنّه يسأل عن أحوالها خواته وكيف مستواها الدراسي ويفرح من فرحتها بحدود المعقول دام ماكتبها الله له إلى الآن وماخلاف ذلك أنا أطلق عليه تمرّد وتجاوز لحدود الأدب وليس حبّ طاهر وما إلى ذلك .
كثيراً مانسمع بمثل هالشيء في واقعنا وحياتنا وكثيراً ماتجد هؤلاء الآباء قشران ومتمسكين برفضهم وحينها ماباليد حيلة إلا إنّك تحاول تتفهّم الموضوع مع إخوان البنت لأنهم بيكونون صاغين لك أكثر من والدهم ونسبة سعيك للخير بتكون أقرب من خلال هالشيء تحاول تبين مدى الأثر السلبي اللي من المتوقع أن يحدث لأختهم جرّاء ذلك التعنّت الغير مُبرر. سلمت يمينك يا أبو العزّ وسعدت بتواجدك . |
||||||||||||||||||||||||||||||||||||||||||||||||||||||||||||||||||||
10 Feb 2010, 02:14 PM | [ 37 ] | ||||||||||||||||||||||||||||||||||||||||||||||||
ابن جبري
|
أختي أم الفزعات أهلاً وسهلاً بكِ وحيّاك الله في هذا اللقاء
والكلّ يحبّذ المقانيص ورحلاتها مع إن الصيد في زمنّا هذا في إنقراض وماهو مثل أوّل لكن طلعة البرّ بشكل عام وشبّت النا وشرب المهيلة والعراقي مع الرجال الطحاطيح تسوى الدنيا ومافيها ومن المواقف اللي حصلت لي : راح معنا العام الماضي واحد قحطاني الله يستر عليه في مقناص ضبّان وكان يميل للحضارة شوي وإلاّ يبيّن إنّه بدوي أباً عن جدّ ! المهم حصلنا ضبّ وشّ من ضبّ> تمساح إلا دقيقة وكان الضب في فيضه وماعنده ولا جحر وجاء تحدّي بيني وبينه إنّه ينزل لحاله ويجيب الضبّ حيّ لنا ؟!! نزل القحطاني ولسوء حظّه كان جحر الضبّ خلف سيارتنا يعني سيّارتنا واقفة بين الضبّ وجحره !! بعد ماقرّب من الضبّ رميت بالساكتون من جنب الضبّ ! إنطلق الضبّ في نفس الإتجاه اللي جاي منه حبيبنا القحطاني لأنّه يبي جحره خلف السيارة جميع أخوياي اللي في السيّارة وبصوت واحد صيحة على القحطاني ياويلك جـــــــاك جـــــــــاك الرجال أوّل ماشاف الضب منطلق بإتجاهه جانا راجع ركض وكان متين شوي !! المسافة طويلة شوي والضبّ خلاص قرّب من القحطاني خوينا اللي يسوق مشى بالسيارة وترك القحطاني ! طاح القحطاني من الخوف والتعب ومرّ الضب من جنبه وهو طايح وبعدها حرّم هالقحطاني ينزل من السيارة حتّى رجوعنا للرياض !!
الكل منّا يحرص على الدعاء لنفسه ولأحبابه ولإخوانه المسلمين والمُجيب هو الله سبحانه وتعالى . الله يسلمك أختي وشرفتي الحتّه والله لايهينك . |
||||||||||||||||||||||||||||||||||||||||||||||||
10 Feb 2010, 07:34 PM | [ 38 ] | ||||||||
عضوة متميزة
|
^ ^ طاب مسائكم .. الشكر كل الشكر للأخت الفاضله شموخ على هذا اللقاء وأهلا وسهلا بضيف اللقاء المشرف المتألق النايف .. أسئلتي لمشرفنا .. 1: حكمة تتخذها شعارا لك في هذه الحياة ..؟!! 2: (( تمر علينا لحظات نحسب أن بعض المقربين لنا أصدقاء ،فنكتشف صدفة أنهم أعداء حقيقيون ... )) ما تعليقك على ذلك ، وهل وقعت يوماً في مثل هذا الأمر ..؟! 3: ( كن نفسك .... تجد سعادتك ) هل يجد النايف سعادته في ذاته ام من خلال من يحب ؟؟ 4: بين الثقه و الغرور خيط رفيع كما يقولون !! ماتعريف النايف له ؟؟ بالختام ..أتمنى أن لا أطلت عليك بالأسئله .. وفقك الله .. |
||||||||
10 Feb 2010, 11:04 PM | [ 39 ] | ||||||||
بيوكيميائية
|
,’ Back . . يآ ويلي في اسئلة مرعبة هع هع عشآن كدآ خليت اسئلتي خفيفة لطيفه ^^ - مالذي اضافه الزواج الى حيآتك .. وايش غير فيهآ ..سرت مقيد ونفسك ترجع عزآبي ومن دآ الكلام ..؟ - اذا جآتك بنت أو ولد اش حتسميهم ..؟؟ - شدادة الوزير ..,في نظرك .؟ و نصيحتك لهآ .. ,’ |
||||||||
|
|||||||||
11 Feb 2010, 02:10 AM | [ 40 ] | ||||||||
عضوة متميزة
|
درر من الكلام ماشاء الله ياشموخ الف شكر لك مقدمة جميلة جداً وشكراً لابو نورا طبعاً ما ننساك ياقائد وحياك الله اخوي النايف منوّر اكيد اللقاء معك ممتع بالفعل ....... فقدناك كثير وها انت مثل ما انت ماشاء الله عليك مهما تغيب حاضر فعلك في المنتدى اخوي النايف راح ابعد عن السياسة الي في بعض الاسئلة السابقة تغير يعني ...... سؤال - مكان يحلم النايف السفر او الذهاب إليه ؟ وعلمنا سبب اختيارك لهذا المكاان ؟ - شي تملكه او لم تمتلكه بعد (( وتشعر انك ملكت العالم وهو بحوزتك ومايهم شي بعده ؟ - اللون المفضل عندك ؟ والسيارة المضلة عندك ؟ القناة الفضائية المفضلة عندك ؟ المطعم المضل عندك ؟ اسألة خفيفة شوي ... اتمنى لك الخير اخوي في حياتك كلها |
||||||||
|
|||||||||
الذين يشاهدون محتوى الموضوع الآن : 4 ( الأعضاء 0 والزوار 4) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
قصرها النايف | تركي الشدادي | بحور القوافي | 16 | 21 Oct 2012 01:46 AM |
عمل خاص بالشدادين حصرياً | بحر القوافي | شيلات ومحاورات وقصائد شعراء بني الحارث | 30 | 06 Dec 2010 09:31 PM |
زفاف النايف | ليل السهارى | أخبار الشدادين | 7 | 26 Apr 2009 02:56 PM |
أدوات الموضوع | |
|