بعد الغياب

سلامي سلام مكتمل ذهب واللماس=يعم الذي يفهم فنون الخطابة
تغيبت لا نشدة ولا قول لا باس=حقوق الأخوة والوفاء والقرابة
عليّ الله الشاهد وواجد من الناس=ليا غاب واحدكم بعثت الكتابة
إلّي شرهةٍ تبحث خفى كل قرناس=على منهج الرفقة ونهج الصحابة
ياواعي ترا طبع البشر صار منحاس=علامك مقومها علينا طلابة
أقول أقطعوا منتم بهمي يالانجاس=كلامي موجه للقروم الذيابة
أنا ما شحد النشدة وهرجي على ساس=وإلّي في علو الطيب قدر ومهابة[/b]

وعليكم السلام ورحمة الله وبركاته

حياك الله وبياك مع إني توني داخله المنتدى ولا أحد سأل رديت عليك لأني حسيت بمعاناتك

وماتشوف شرإن شاء الله

		المشاركة الأصلية بواسطة : واعي اقتباس
	سلامي سلام مكتمل ذهب واللماس=يعم الذي يفهم فنون الخطابة تغيبت لا نشدة ولا قول لا باس=حقوق الأخوة والوفاء والقرابة عليّ الله الشاهد وواجد من الناس=ليا غاب واحدكم بعثت الكتابة إلّي شرهةٍ تبحث خفى كل قرناس=على منهج الرفقة ونهج الصحابة ياواعي ترا طبع البشر صار منحاس=علامك مقومها علينا طلابة .........................................=كلامي موجه للقروم الذيابة أنا ما شحد النشدة وهرجي على ساس=وإلّي في علو الطيب قدر ومهابة المشرفون الأكارم لم يضبط معي التنسيق

اخوي واعي صباح الخير عسى ماشر طال عمرك !!!!

والحمد لله على السلامه........!!!!

وش العلم انا تواجدي هذه الايام ماهو باستمرار ولكن ارى لك ردود في الاقسام على

المشاركات مما جعلني استغرب هذا الغياب التي تتكلم عنه

والحمد لله على العافيه وطول بالك ماجاء منك قصور ولايلحققك بيننا ذلك

ولكن الشطر اللي انا خذفته غيره الآن لأن هذه الاصناف ليس لهم في منتدانا

وجود بفضل الله

يا لبى قلبك يا واعي

يا هلا والله وغلابك وفديتك والله
حقك علينا يا بعدي

والله والله من كثرت أحبابنا في المنتدى تضارب عندنا تواجدهم من غيابهم

العذر من الله ثم منك يالحر وأنت من الرجال الي تقبل العذر فديتك .
وصح إلسانك

		المشاركة الأصلية بواسطة : تركي الشدادي اقتباس
	اخوي واعي صباح الخير عسى ماشر طال عمرك !!!! والحمد لله على السلامه........!!!! وش العلم انا تواجدي هذه الايام ماهو باستمرار ولكن ارى لك ردود في الاقسام على المشاركات مما جعلني استغرب هذا الغياب التي تتكلم عنه والحمد لله على العافيه وطول بالك ماجاء منك قصور ولايلحققك بيننا ذلك ولكن الشطر اللي انا خذفته غيره الآن لأن هذه الاصناف ليس لهم في منتدانا وجود بفضل الله

وما يجيك الشر والله يسلمك ويطول عمرك على الطاعة .
ولكن غبت عن المنتدى عدة أيام ( ولم يكن لي أي ردود أو مشاركات
خلال تلك الفترة )أما إنك ما فقدتني , أو فقدتني هذا شي راجع لك , وعساك
ما تفقد غالي .وأبشرك والله مافي بالي غير الزين . والقصور مايجي مني ولا منك ولا من الطيبين إن شاء الله وأعرف إني بين ربعي واخواني , والأعضاء الأخرين لهم كل تقدير واحترام بحجم الأخوة وأكثر , ومن باب معرفتي تلك بالجميع ( شرهت ) على البعض لعدم السؤال .صح أعرف إن بعضهم ما فقدني أصلاً !!! وأنا ما شرّه عليه . ليس احتقار لا والله ولكنه معذور ما نتبه لغيابي , لكن الشرهة على اللي يعرف ولا سأل .

(ندور مدخل على أحد وخصوصاً الشعار لخلق مناسبة للقصيد في حدود الدعابة والمزاح)

أما تغيير البيت ,خابرك صدوق وما تجامل
وعندنا وعندك وعند الكثير خير من تلك النوعيات والله ثم
والله ويشهد الله إني ما أقصد أحد بعينه من ذلك البيت بس جاء في
بالي وقلته ,لكن أنت تقول مافيه ونبهتني للموضوع من جديد . فإذا أردتني أغير البيت لأجل التغيير فقط فأبشر والله تأمر أمر , أما ليس لهم وجود
فالمعذرة , وفوقها حبة خشم .أشكرك جزيل الشكر ويشهد الله إن لك
معزة وتقدير , ولو لم أقابلك .

		المشاركة الأصلية بواسطة : ريم الصحراء اقتباس
	وعليكم السلام ورحمة الله وبركاته حياك الله وبياك مع إني توني داخله المنتدى ولا أحد سأل رديت عليك لأني حسيت بمعاناتك وماتشوف شرإن شاء الله

ريم الصحراء
أسعدني تواجدك , ومرورك الطيّب .
دمت بخير ,,,

		المشاركة الأصلية بواسطة : بندر النايف اقتباس
	يا لبى قلبك يا واعي يا هلا والله وغلابك وفديتك والله حقك علينا يا بعدي والله والله من كثرت أحبابنا في المنتدى تضارب عندنا تواجدهم من غيابهم العذر من الله ثم منك يالحر وأنت من الرجال الي تقبل العذر فديتك . وصح إلسانك

حياك الله ملايييين يابندر النايف
معذور يالنشمي , والله إنك غالي
( تصدق من البطا ما عرفتك متغير واجد من الصورة )
سعدت بتواجدك بمتصفحي وألف شكر على مرورك الطيّب .

حياك الله
صح السانك والحمد لله على السلامة
(إن شاء الله) تكون آخر الغيبات[]

من طول الغيبات جاب الفرايد



اخوي واعي

مكانك محفوظ وقدرك معروف لايدخلك شك ولاريب كل مافي الامر انك غبت في فتره اختبارات وفي هالايام غياب الاعضاء شئ غير مستغرب



صح لساانك

وعلا شاانك ولا هنت

على هالابياات الرووعه

		المشاركة الأصلية بواسطة : واعي اقتباس
	سلامي سلام مكتمل ذهب واللماس=يعم الذي يفهم فنون الخطابة تغيبت لا نشدة ولا قول لا باس=حقوق الأخوة والوفاء والقرابة عليّ الله الشاهد وواجد من الناس=ليا غاب واحدكم بعثت الكتابة إلّي شرهةٍ تبحث خفى كل قرناس=على منهج الرفقة ونهج الصحابة ياواعي ترا طبع البشر صار منحاس=علامك مقومها علينا طلابة أقول أقطعوا منتم بهمي يالانجاس=كلامي موجه للقروم الذيابة أنا ما شحد النشدة وهرجي على ساس=وإلّي في علو الطيب قدر ومهابة[/b]

هلا مرحبابك عد ما دنت اجراس=تدندن نهار المعركه والحرابه
هلا وانت قدرك يابن عمي على الراس=هلابك عدد هل المطر من سحابه
مدامك تشره فاسمع العلم بقياس=ترى لك بوسط قلوب ربعك رحابه
ليا غبت نزعل مير مانبدي الاحساس=لان القمر مايختفي في غيابه
واذا جيت ياواعي يجي كل نوماس=تجيك العلوم الغانمه والذرابه
مدامك شجيع ولك مع الطيب مجلاس=ليا جيت تبغى العلم جتك الاجابه
ولكن صار الوضع يالقرم محتاس=لان المهندس قام يطوي زهابه
تبي تقلع الرحله بعد قطع الانفاس=ولدمع دربٍ فوق خدي جرابه
اخاف اكمل القيفان وتزود الاتعاس=وقلبي يابن عمي يجدد صوابه