ألآد البصيصي ياهل العرف والقادات

.

سلامي على اهل العرف كسابة الطالات =رجال على الأمجاد تبني هقاويها
لها من قديم الوقت تاريخ وإثباتات =ولها حاظر الايام ترسم امانيها
زمان الحرايب فوق خيولها صولات =ترد الظعن وتموت من دون عانيها
سمارين لا جا الوقت قاسي وبه ميلات= على دربهم تشبع سباع بحناديها
ألآد البصيصي ياهل العرف والقادات= هل العلم والعربان تعرف بساميها
يمر الزمان ولا نسينا كريم الذات = محمد أبو فواز بالفعل بانيها
ليا جيت بيته قلت حاكم وله قوات=مضيّف ورجالِ للنشامى تقهويها
لك العز يا بيتٍ له الطيب ذكريات=وله المجد و الأيام تحكي ماضيها
وحمّاد بن ماجد ولد شايب ما مات=تربىّ مع الشيبان وتقن مبادئها
انا أقول ذا حماد والغمر والعادات=وانا أقول ذي أيامها مع لياليها
لنا حظ فالطيب ولنا حظ فالفزعات=ويصعب على باقي القبائل تجاريها
شدادين تمشي بالبيارق على الرايات=وتقدم سطر وعجير فاول عزاويها
عقيدا بذكره تنتصب عالي الهامات =ونفخر بفعله والقبائل نماريها
وعم الرخاء من بعد همّ وفقر وشتات=الى دولة التوحيد والرب يحميها
وباني صروح المجد سلمان ابو خيرات=مليكِ بحد السيف والشرع حاميها
ورث من معزي سطوته في وغى الساحات=ليا جا نهارا حافظ النفس باريها
مع الارض دبابه وفالجو طيارات=ودون الوطن تسمع ترابه يناديها
نردد قصائد وعذب الصوت بالشيلات=وندعي لجيشِ رادعا من طمع فيها

مطر بن مهمّل الشدادي

.






نّصُ يَتبختّر فَخراً وَ يترنّح عِزةً وَ شموُخ
وَ هو يَتغنىّ بـِ دوُلّة التوحيِد وَ عطاءاتْ مَليِكهَا
وَ يَنشِدُ المَجد وَ يصهُلْ بـِ قبيلّة تتحدّثُ عَنهَا رِجالاتهَا وَ إنجازاتهمْ .


شاعرنَا المُمطِر . . صّح الله منطوُقكْ ألفاً وَ لا غمّد الرحمنْ لكَ إحساسُ وَ قافيّة
وَ أنعِمْ وَ أكرمْ بـِ كُمْ آلآد شداّد وَ دُمتمْ لـِ الطيبْ عُنوانْ .


عُلقّتْ حيثُ الغيِمْ وَ وشِمتْ بالتميّز +

الله الله
يا شاعرنا العزيز
أبو طارق
والله يحييك ويبيض وجهك على هذا النص الشعري الجميل
ما قصرت يا بعدي والله يعطيك العافية
وننتظر دائماً حضورك وتميزك

صح لسانك وبيض الله وجهك على هـ الكلمات
لاهنت

صح لسانك وبيض الله وجهك
لاهنت على القصيدة

الله يحييكم ويا هلا والله بكم
ويشرفني والله تواجدكم المستمر معي
ومع ما أقوم بالمشاركة به هنا

صح لسانك
وعلا شانك أخوي
كل الشكر والتقدير لك