ممكن حرامي

بسم الله الرحمن الرحيم
والسلام عليكم ورحمة الله وبركاته

شر البلية ما يضحك
والله انها حقيقه
تخيل ان تدفع مبلغ شهري لحرامي عشان يسرقك
ثم بعد هذا تحس انك غبي ولازم تدفع مبلغ اكبر عشان
يسرقك اكثر
لانك لا تستطيع ان تبقى بدون ان تكون مسروق
كيف تتصل بالعالم اذا لم تكن مسروق
يقول لك الحرامي لازم يشترك معي حرامي ثاني
تدفع له رسوم شهريه عشان تتم سرقتك زي ما تبغى
تذهب وتدفع الرسوم للحرامي الثاني
و ترجع للبيت فرحااااااااااان مبسوط
وتبدى في تجهيز عدة السرقه
تتصل على الحرامي الاول وتقول
خلاص يا سيدي ابدى ترى كل شي جاهز
يرد عليك احنا خلاص سرقتنا ثابته على طول
اتصل على الحرامي الثاني اللي دفعت له الرسوم
يمكن يكون هو اللي مؤخر عملية السرقه
تتصل على الحرامي الثاني وتقول
يا اخي كل شي جاهز اسرقوني
يشيك على الحهاز ويقول يا اخي من عندنا
كل شي ماشي حسب الخطه ، اتصل على الحرامي الاول
يمكن يكون في عطل من عندهم في تنفيذ السرقه
خلص الشهر ولا تمت السرقه زي ما انت تبغى
تتصل على الحرامي الاول وتشرح المشكله
يدلك بكل ادب على حرامي ثالث من ابناء جلدتنا لكن (جلده)
ويقول جرب معه هذا الشهر يمكن يضبط
تره اشهر حرامي في البلد ومتخصص في هذا النوع
من السرقات
تروح للحرامي المذكور ( اسم النبي حارسووووووو)
وتدفع له رسوم عشان يسرقك
ولكن نفس الحكايه
تتصل عليه وتقول يا اخي ترى تعبت خلااااااااااااص اسرقوني
تكفون واللي يرحم والديكم
طبعا بحكم خبرته في المجال يقول لك
شوف انت مشكلتك لازم تشتري جهاز غير اللي عندك
روح للحرامي الرابع لانه متخصص في اجهزة السرقه
ووكيل حصري لها
وتمر الشهور وانت تدور لك على حرامي ابن ناس يفك
ضيقتك ويسرقك ولا تلقى
كل هذا عشان لا تصير أمي ويتهمك العالم بانك متخلف الكترونيا
وتعبش في العصور المظلمه للقرن الحادي والعشرين
.
اللي يعرف حرامي كويس لا يبخل علينا
راحت فلوسنا واحنا ندور حرامي
عشان يسرقنا
عشان يسرقنا
عشان يسرقنا

شر البلية مايضحك

بندر ذكرتني بعبدالرحمن بن مساعد

إحترامي .. للحرامي !!
صاحب المجد العصامي ..
صبر مع حنكة وحيطة ..
وابتدا بسرقة بسيطة ..
وبعدها سرقة بسيطة ..
وبعدها تَعدى محيطه ..
وصار في الصف الأمامي .. !
احترامي .. للحرامي .. !!
احترامي .. للحرامي ..
صاحب المجد العصامي ..
صاحب النفس العفيفة ..
صاحب اليد النظيفة ..
جاب هالثروة المخيفة ..
من معاشه في الوظيفة ..
وصار في الصف الأمامي ..
احترامي .. للحرامي .. !!
احترامي .. للحرامي ..
صاحب المجد العصامي..
يولي تطبيق النظام ..
أولوية واهتمام ..
ما يقرب للحرام ..
إلا في جنح الظلام ..
صار في الصف الأمامي
احترامي .. للحرامي .. !!
احترامي .. للحرامي ..
صاحب المجد العصامي ..
يسرق بهمة دؤوبة ..
يكدح ويملي جيوبه ..
يعرق ويرجي المثوبة ..
ما يخاف من العقوبة ..
صار في الصف الأمامي ..
احترامي .. للحرامي .. !!
احترامي .. للحرامي ..
صاحب المجد العصامي ..
صار يحكي في الفضا ..
عن نزاهة ما مضى ..
وكيف آمن بالقضا ..
وغير حقه ما ارتضى ..
صار في الصف الأمامي ..
احترامي .. للحرامي ..
احترامي للنكوص ..
عن قوانين ونصوص ..
احترامي للفساد ..
وأكل أموال العباد ..
والجشع والازدياد ..
والتحول في البلاد ..
من عمومي للخصوص ..
احترامي للصوص .. !!

وبالفعل الحرامي صاير له مجد عصامي !

مشكووور بندر

فعلا شر البلية مايضحك
يعطيك العافيه اخوي بندر على الطرح

هههههههههههههه

اقول حنا اوخذنا الضحى من النهار

عسا الله يعين الجميع بس

كل الشكر

هلا غريب صدقت شفت حتى الشعراء تغنو فيه ههههههههههههه

يعطيك العافيه وشاكر لك مرورك

هلا فيك يا نور وشاكر لك مرورك ..

عبدالله شاكر لك مرورك يا خيي ..

بندر

سلملى على الحرامي هههههاي

مشكور اخوي على الطرح

تحياتي

أخي بندر سررت بقرأت قلمك الرائع

وبالنسبة لهذا الموضوع صحيح يمكن يكونوا حراميه

بل أكيد حراميه ولكن يفيدوننا كثيرا 0

فكم من شخص لم يتزوج إلا بحضور الحرامي ومساعدته

وكم من صاحب سيارة لم يشتريها إلا بمساعدة الحرامي

وكم وكم وكم 0000000000بمساعدة الحرامي

ولكن نسأل المولى عز وجل أن يغنينا عن هذا الحرامي

أشكرك مرة أخرى على هذا الموضوع

شاعرنا البدر أبشر هههههههههههههههههه

شاكر لك مرورك