هّل رمضان وجض قلبي من أقصاه

بسم الله الرحمن الرحيم
اللهم إرحم والدي وأعف عنه وأكرم نزله ووسع قبره وأدخله الجنة برحمتك يا آرحم الراحمين ..،

هّل إرمضان وجض قلبي من آقصاه = وذكرت من لاع الضماير رحيله
أبوي وآوجدي على أبوي وجداه = وجد ٍ فطر كبدي وروحي عليله
يا ونتي ساعة وداعه وفرقاه = ونة كسير ٍ ما لقى من يشيله
إليا طرالي فز قلبي وناداه =وآقول وينك يا فقيد القبيله
عليه دمع العين ما جف مجراه =ولا ذقت حلو النوم لو كان ليله
عزاه يا قلبي من الضيم عزاه = ويا كبدي اللي كن فيها المليله
مرحوم ياللي يوم الأثنين شلناه = فوق النعش ودموع عيني هميله
عز الله إنّا في المواقف فقدناه = واللي سواتي يا عرب عزتيله
آبكي وجيش الحزن جتني سراياه = ومن حر ما آونس مشربي حنظليله
حل الفراق اللي وساع ٍ هواياه = ولا في يدي عن دبرة الرب حيله
راح الأمير ولا بقى غير ذكراه = الله يصبرنا سنين ٍ طويله
وعسى جنان الخلد داره ومثواه = برحمة ولي العرش منجي دخيله

فيصل بن زايد بن نايف بن مهرس

الله يرحمه ويغفر له
ويسكنه فسيح جناته
صح لسانك شاعرنا
على القصيدة الجزلة

الله يرحمه ويسكنه الجنة
وصح الله لسانك ملايين

حياك الله أخي العزيز وشاعرنا المميز
أبو زايد
والله يقبل منا ومنك صالح الأعمال
حضرت فأحضرت الشجن بكل أشكاله
فما اروع هذه الأبيات حتى لو امتزجت بآلام
الفراق ولوعة الوداع

الله يرحم أبو بدر
ويسكنه فسيح جناته
وصح لسانك ملايين