نشف ريق القصيد

نشف ريق القصيد وصاح من زود الضما راعيه
وانا راعي القصيد اللي نشف ريقه , وانا الضامي

وانا اللي لاطواني الليل لانمته ولا واعيه
اهوجس كن فكري طير في كبد (المسا) حامي

تعبت من الخيال اللي عمى عيني وانا اراعيه
تعبت من الليال اللي هواها جفف اقلامي

لوى ذراعي وغلبني الوقت وطاح الحظ بذراعيه
وانا خابر مطيح الحظ كنه عوق الاقدامي

وقلبي عقب صكات الزمن قد صك مصراعيه
ماهو منفتح لومات داعي الشوق قدامي

بعد موت الشعور العذب نبض القلب وش داعيه
وش داعي الحروف اللي لحنها من تهشامي

قصيدي بات في عيني بريد مالقى ساعيه
وصارت ضيقة الصدر وهمومه مصدرالهامي

الشاعر::عبدالله الأحمد

انتقاء اكثر من رائع
الله يعطيك العافيه
لاخلاولاعدم من طرحك المميز

عبدالله الأحمد
شاعر مميز وجميل
احسنت اختيار هذه القصيدة
أخي ابن طلحان
وتسلم يمينك

لاهنت أخوي
على الإيراد الرائع
كل الشكر والتقدير لك

الاخوه الاعضاء
السلام عليكم ورحمه الله وبركاته
مجرد مروركم شرف لي ولى ماانشره
لاخلاء ولاعدم والمعذره ان لم
اقم بالرد على بعض الردود
من الاخوه الاعضاء
مع تحيات ابن طلحااان

ابن طلحان

قصيدة رائعه
صح لسان شاعرنا
عبدالله الاحمد
لاخلا ولاعدم