أنا بشموخي عن غــرامك تخليت

مـجـمـوع الأوسـمـة · توقيع : وحي الألم

المشاركة الأصلية بواسطة : شيهانة على كف صقار

اقتباس

اللي وراك ضلوع ومن دونك ضلوع=متمركزٍ ف الصّدر كنّك ... وداعـه
ودّي اناقش مع سعادتك .. موضوع=وابغاك تعطيني فقط " نص "ساعـه
صار اتصالك في من اسبوع لاسبوع=حرّمت وصلك .. وإستبحت القطاعه
وتغيّرت فيك إنطباعات .. وطبـوع=وتجدّدت في نظرتك لي ... قناعـه
عيّشتني في كل مرغـوب ممنـوع=وحرمتني من كل .. سمعاً وطاعـه
وعلّمتني إن الجفا لـه كـذا نـوع=وإن الهجر بالـذّات اكثـر بشاعـه
اوّل تجي يمّي من الشّـوق مدفـوع=ومحلى من المشتاق غير إندفاعـه
إن غبت عنك تصيح ودموعك دموع=مافيك ل الصّبر الجميل .. إستطاعه
مجنون فيني و " القلم " عنك مرفوع=همّك رضاي ومجتهد .. فإتباعـه
واليوم .. لا حبل الرجى فيك مقطوع=مشيت درب اللّفلفـه .. واللّكاعـه
واللّي تسبّب في تغيّرك .. مجمـوع=عدم ثقه فينـي .. وبـث الإذاعـه
خل الكلام اللّي من الكذب .. مصنوع=وإخذ الكلام اللّـي تـذوق إنتفاعـه
ماكل هرج يمر " اذانيك " مسموع=اربع ارباع اللّـيي مـرّك إشاعـه
لو الحكي بفلوس او شيك .. مدفوع=يمديك ضامي ل الكلام .. وسماعـه
ياشينها لاجاتك " همومك " جموع=ولاعاد عندك ل المواجه .. شجاعه
وياشينها لو كان لك حق مشـروع=واقربهم ل قلبك سعى فـي ضياعـه
هذا الكلام الليّ من القلب مطبوع=إقرا كلام القلب وشـوف إنطباعـه

شيهانه والله العظيم إبداع بمايعني الإبداع مثل ماقال ابو عبدالله

والله ماتوقعت شعر نسائي يكون بها القوه

الله يوفقك ياشيهانه بس حاولي يكون لك مقدمه لوبسيطه تدخلنا بالجو

وتقبلي مروري