قصيدة الشاعر خلف بن هذال في مهرجان الجنادرية ...

السلام ولا سهى القلب عن ذكـر الالـه=ربّنا اللـي نّـزل اقـرأ وعلـم بالقلـم
جلّ شانه في جلاله تبـارك فـي عـلاه=منفرد بالغيـب يعلـم ولا غيـره علـم
نسأله عطفه ولطفه صمد محـدن سـواه=صوّر الانسان وانشأ وجوده مـن عـدم
نطلب الجنة و نرجي من النـار النجـاه=في نهار فيه خصـم إذا خاصـم خصـم
فوق عرش مطّلع يستجيب لمـن دعـاه=ناصر المظلوم منزل عقوبة مـن ظلـم
القمر خمسة عشر مستهـلٍّ فـي سمـاه=في جماله فـي كمالـه تهلـل وابتسـم
والوطن فأيدي أمينه ترتب فـي حمـاه=ذخر فكاك الركايب ليـا أزبـد والتطـم
البطل يذكر ويشكر على سعـي سعـاه=بالعزيمه جاب ما غاب يوم انـه عـزم
أعلن الوحده بيـوم مـلا الدنيـا صـداه=رسمة الخطه على عيـن رسـام رسـم
ثبّت المبنى على ساس يرحم مـن بنـاه=صرح شامخ ما تزعزع كيان ولا انقسـم
الموسس من نشد عنـه تكفيـه الـرواه=واسأل التاريخ والوسم واسم اللي وسـم
استرحنا تحت أمانـه ونمنـا فـي ذراه=تو ذقنا العافيـه تـو مـا ارتـد النسـم
البشير يجيب بشرى ويفرح من نصـاه=ابشروا بالخير والشـر ولـى وانهـزم
الوطن عهدة فهد ما مشى الوالـد مشـاه=حارس مامـون دون المحـارم والحـرم
لـه علينـا مبايعـه و الـولا والله ولاه=من وفى بالعهـد للفهـد والله مـا نـدم
يـوم جنّدنـا لمبـدأ رفيـعٍ مسـتـواه=نخدم الإسـلام ولخـادم الكعبـه خـدم
مرخص الغالي لشعبه وهذا مـن وفـاه=رافع المبنى للأوطان يبنـي مـا هـدم
مكرم يعطي ونعطي العطايا من عطـاه=كاسب المعروف رجل المـرّوه والكـرم
الكريم ليا حلب في قدح فاضـي مـلاه=راعي الكرمه فهد والفهـد حـر وشهـم
دين ما مثله ترعرع وحلّق فـي صبـاه=يافعيٍّ ينـزع الحـق وان غـار انتقـم
طلعته طلعة سعـد نـادرٍ يحمـد ثنـاه=بالشجاعـه والبراعـه تحلّـى واتسـم
داهيه وله الدواهي تخضّـع مـن دهـاه=ما ترقّب في قـراره ليـا قـرّر حسـم
الوطن ينخى فهد واهنـي اللـي نخـاه=نخوته في ساعة الضيق نخوة معتصـم
الوطن يندب فهد في رجا الله ثم رجـاه=ينقذه مـن غـدر قـوم وعميـل متهـم
للوطن حنّا فـدا والوطـن حنّـا فـداه=الزعيم اللي عن الديـن فتّـر واحتـزم
يا ملك نعم الملك يا ملـك نخـوه وجـاه=بالممالك يا ملـك كنّـك الطـود الأشـم
عادتك يا ثالم السيف من روس الطغـاه=يا عساه الكسر سيف يعلـق مـا انثلـم
خل شامان يعلـج لا تـردّه فـي خبـاه=لين يروى من حجامة سقيم مـا احتجـم
عند باب الحكم سيّاف والحكـم الصفـاه=من تهاون واستمع شور غيره مـا حكـم
المواغي تنشر العـدل وتْعمـر الحيـاه=يستتب الأمـن بالسيـف وذراع عسـم
حفلنا الليله يليـق بمكانـة مـن رعـاه=نايب القايـد ولـي العهـد راع الشيـم
مرحبا باللي حضر واسعد الباري مسـاه=ركن نجد وركن من يزهمه وقت الزهـم
شيخنا عـدل المناكـب وقـاه الله وقـاه=سلمـه ربـي لخدمـة بـلاده والعـلـم
في سبيـل العـز بالعـز معقـود لـواه=مقدم الهيجا ليا عـودوا خلـف الزخـم
طيّب الذمه كسـاه التواضـع واكتسـاه=ما تباهـى وافتخـر بالتبجـح والفخـم
انزعل نزعل ونزعل ونرضى من رضاه=وان تألّمنـا تألّـم وشاركـنـا الألــم
له عهود وله جنـود تقـدّر لـه غنـاه=في لزومه يتبع الصف صـف منتظـم
سيدي يزهابك الشعر مـا مثلـك زهـاه=شاعر نظم من الشعر واسمع مـا نظـم
مخلص يبعث شعوره لعلـه يـا عسـاه=يشبع المعنى ويحظى برغبـة محتـرم
سرت بالتوفيق و يسير من سارت خطاه=في طريقك يمسح الدرب عن شوك السلم
أبـو خالـد كـم يتيـم تبنّـاه وربــاه=متعه عـن و الدينـه وسلّـي وانسجـم
يرحم المحروم سلطـان ويخفـف عنـاه=صُخرة الرحمن والله يرحم مـن رحـم
طال عمره ما يسويه مـن خيـرٍ كفـاه=عن صواديف الليالي ودعسـات الرمـم
مـا يخطـط للعروبـه يثيـر الانتبـاه=يا رجال إن الفرص يوم تسنـح تغتنـم
انظروا بالوضع و استمعنوا ويش السواه=لا يضيع الراي ونطيح ويطيـح الهـرم
يجري الماء من تحتنا نـراه ولا نـراه=العرب تسبح على أمواج بحر ماه اضـم
العليل إن طوّلـت علتـه يصعـب دواه=يسهر الممرور ويموت من طول السقـم
والورم يكبر وظنّـي طبيبـه ماحتـواه=كل ما ينـزع ورم بالجسـد يطلـع ورم
الوطن ما هوب مرتع خراب لمن بغـاه=نحتميه وقد حمينـاه مـن روم وعجـم
انتفانى له ونملـى المقابـر فـي ثـراه=والزوايد من نصيب الحنـادي والرخـم
من توهق ثم غزانا لعـن غـزوٍ غـزاه=أرضنا ما للعـدو فوقهـا ماطـى قـدم
الوطن منّـا وفينـا ولا نلحـق جـزاه=الأمان ولقمة العيش مـن حمـر النعـم
امة التوحيد حنا وحنـا أهـل الصـلاه=والزكاه ورمز الإسلام من بيـن الأمـم
لو طغى راع الهوى ما مشينا في هـواه=ما نطيع أفكار ملحـد ولا نعبـد صنـم
مـن يقابلنـا بحجـه نحجـه ونعصـاه=بالدليـل نخاطـب النـاس لا وألا نعـم
ما طرقنـا بالاذانـي لوشوشـة الوشـاه=قافلين البـاب عـن كـل كـذاب هَيَـم
قامت أرباب السوابـق تستّـر بالعبـاه=عن عباة الدين يخسـون هافيـن الذمـم
كيف رب البيت ما يدري ألا عن عشـاه=هو تعشّى هو تغـدّى علـى رز ولحـم
والخطروالموت بين الغرف يطحن رحاه=ما وعى في مرقده لو يشـرّك لـه لغـم
الأبو مسـؤول عمّـا يدبّـر مـن وراه=سارح في غفلتـه لا همـوم ولا همـم
لو يضيّع شاه كدّر على أهلـه وقصـراه=والشباب يضيع ويقول مل ضاعت غنـم
الولد يطلع ولا قيل ويش اسـم ازمـلاه=اجتماع الـذل والعـار والتفكيـر أهـم
صنّع التخريب شين الطبوع ومن خـزاه=انطلق به وانتحر بعد مـا ظـن وزعـم
انه اقرب للنبي وانه اقرب من عصـاه=من هباله في خيالـه شهيـد ليـا هجـم
الشهيد اللي عن الدار ياقـف و يحمـاه=من يمينه في صدور العدا يرسـل سهـم
كان ما للجاهل احدٍ يـردّه عـن خطـاه=ما بقى عاقـل ولا صـار للدنيـا طعـم
غالب الإحساس يذهب حياته في شقـاه=الشقي ما يدرك الحلم خيبـة مـن حلـم
مسّ سرج إبليس وأطلق عنانه وامتطـاه=بالخراب الخايب أما سـرى والا جهـم
منحرف مفسد مراهق موجّه مـن عـداه=غرروبـه واغدروبـه عساهـم للوهـم
امسحوا مخه وساقـوه عكـس الاتجـاه=أصبح المخدوع وامسىعمى وابكم واصم
العمى عمى البصيره وهذا مـن عمـاه=العمى ما هو كفيف البصر ديـن وقسـم
بس في فعل الردى من ومره ومن نهـاه=الغبـاوه للغبـي لـو يفهّـم مـا فهـم
رايـحٍ للهاويـه سرمـدا ليلـه سـراه=يسري المنجـوم ويكـذّب انـه ماانّجـم
الهـدف مشبـوه والمشتبـه بيـن رداه=للخساسه طافـي النـار سُلـم واستلـم
خارج الملّه مرق يوم ربـي مـا هـداه=بالمصايب والكوارث نسب كـل القيـم
تاجب اللعنه على محـدثٍ جانـا بـأذاه=نشهد انه خـان بأمانتـه وأجـرم وأثـم
ومن آواه ومن رضي فعلته تبـت يـداه=وجهه اسود كح واسود سواد من الفحـم
ما ورى كبش الفدا لو يقاد إلـى الذكـاه=والكـلام بخاتـم الأنبيـاء تـم وختـم

[/poem]

مشكور اخوي وصح لسان الشاعر الكبير

ينقل الى قسم القصايد المختاره تحيتي لك

صح لسانه خلف بن هذال شاعر كبير وابياته مثل السيف

خلف اصبح شاعر الجنادرية الاول ... فعلا قوة ابيات واسلوب قوي في الالقاء.

دائماً متألق أبو هذال

قصائد قوية ومتميزة وأصبح

جزء من الجنادرية لايزين الحفل إلا بقصيدة

خلف بن هذال مدرسة شعرية واخلاقية عربية اصيلة

1000 شكر لك ياأخي سهم القصيد
على النقل الرائع والمتميز
لشاعر الجنادريه والحرس الوطني الأول
سعادة الفريق أول خلف بن هذال العتيبي

قصيدهـ رآئعه من آجمــل قصــآئد آلـــشــآعر خلف شـــآعر آلـــجــنـــآدريه

مشكوور آخوي ســهم القصــيد على آلنــقل


تـــقــبل مـــني آرقــ آلـــتــــحــــآيــآ