ابعد من نجوم الثريا

يا الله يامحصل الملبين في البيت=ياجاعلن في الكون ميت وحيا
تغفر ذنوبي كان يا رب زليت=في ساعتن من لا رحمته شقيا
انا لا مني تهيضت غنيت=اخف من همن تزايد عليا
وانا اليا خفت همومي تشاويت=وان زاد همي يشوي القلب شيا
كم ليلتن يصبحني الصبح ممسيت=وكم ليلتن ما ذقت نومن هنيا
لاكن قلت إنا على كامل الصيت=الي ليا جوه المسايير حيا
ان صار مالي حاجتن فيه قفيت=وفي ساعة الشدات يطري عليا
ولا الردي لو صحتله قال ما وحيت=ولو تطلبه محتاج ماعطاك شيا
عند الضعوف يقول انا اخذت واعطيت=وعند العجايز عد نفسه قويا
ياوفي انا عشر بحساب عديت=طويتها في بيض الاوراق طيا
لو اني ابغى الماء شربت وترويت=مايطلب الماء الا كبودن ضميا
سمعت بعض الناس يقولون حبيت=يجي الهواى مابين صبح وعشيا
واضحك من الي قال واقول ياليت=من لا عرف وش قلت ماعرف شيا
انا على حب المزايين مريت=لي صاحبن وافي وانا له وفيا
لاكن هذا شي من دونه ازريت=علياه ابعد من نجوم الثريا
لو قلت جنبه يا القمر ضل ماوفيت=حلو حلا ماصار مثله حليا
رفعت ذكره في با القصايد وعليت=خليت وصفه با القصايد عليا
وعلى محمد صفوة الخلق صليت=واطلب رضى ربن علينا وليا

الشــاعر: أبــو فيصل

شاعرنا صح لسانك ،عنوان القصيده جميل جدا والكلمات احترت اقتبس اية بيت للامانه كلها جميله :$
وان شاءالله نشوف كتاباتك دايم الدوم ،
دمت بود =’)

صح لسانك
وعلا شانك أخوي
ولاهنت على القصيدة الجزلة

بيض الله وجهك يا أبو فيصل
ولا هنت وصح لسانك على هذه القصيدة
الأكثر من رائعة