غزوة بين قحطان وبن الحارث

غزو جماعة من قحطان بقيادة اميرين من امرآئهم وهما : -

الشيخ ( حسن بن شفلوت ) امير عبيده والشيخ ( سيف الملغ ) من كبار الخنافره على جماعة من بني الحارث برئاسة

الشيخ ( سيف بن عاتق ) من امراء الجياشه وفي النهاية انتصرو ابن الحارث رغم كثرة القوم وأخذو كلا الأميرين

وقومهما اسارى واكرموهم غاية الكرم ( واسهبوا في تسوية القهوه لهم مدة خمسة وعشرون يوماً بعدها اعطوهم

ركائب وأرسلوهم معززين يرافقهم شخص يدعى ( ثعيل ) من قبيلة البقوم كان نزيلاً لدى خواله ( ذوى عاتق ) ليخرجهم

من ديار ابن الحارث والبقوم الى حدود ديارهم 0 ولما أشرفوا على منازلهم طلب الشيخ سيف الملغ من ( ثعيل ) أن يرافقه

الى ديارهم ليعطيه هدية للشيخ ( سيف بن عاتق ) كانت عبارة عن كيس من ( البن اليماني ) المعرف بالبريه لكثرة مالاحظه

من تسوية القهوة لهم خلال اقامتهم وتمثل بهذه الأبيات : --

ياثعيل سلم لي على صاحبي سيف=نطاح وجه القوم قـدم المغيـره
الي ركابه كـل يـوم مواجيـف= ماتستريح وكـل صبـح مغيـره
وراعي دلال فوق ناره مهاديـف = يفرح بها الضرمان من كل ديـره
انا اشهد انه يافتى يكرم الضيـف = وجاره على مايسر الله خشيـره
ياثعيل وصل سيف من عندنا كيف = بريـه ياثعيـل منـى بـريـره
جونا على قب المهارا المزاغيف = وصارت علينا فالزرايب كسيـره

__________________

هذي من فعايل ربعنا اللي نتنومس بها يا نوماس مشكور والله يعطيك العافيه ......... ابن مهرس

	ربعي بني شداد كرب وعواقيب = على العدى والا الصديق امحشومي

والله ونعم في كل ماذكرت من فرسان

اشكرك من كل قلبي على موضوعك رااائع

كفو

والله بربعنا والله ماقصروا وأنت بعد ماقصرت على المواضيع الرائعة التي دائمً تتحفنا بها يانوماس .

سلمت يا نوماس لا عدمناك

كفيت ووفيت وإن جت على عيال عمنا من قحطان

ترى ما هم بسيطين وكل القبايل تشهد بفعلهم وحربهم

ننتظر مواضيعك التالية لا هنت

مشكور اخوي نوماس
وبصراحة نريد منك كل جديد وكل ماتعرف من قصص أبطالنا
ولا فظ فوك يانوماس

لاهنت نوماس ياهلا بالمزيد من مشاركاتك الي الكل يبحث عنها من قصص وتواريخ ..كلنا نتعطش عليها

يعطيك الف الف عافيه

اخوي النوماس


تحياتي لـــكــــم:ابـــو عــــابــــد

أخوي

نوماس

الله يعطيك العافيه على أيراد هذه القصه والقصيده

وبني الحارث كفو

وقحطان ماعليهم زود

نوماس

ونعم والله بقحطان أهل بطولات وفروسية ونعم ببلحارث وإكرام الأسير شيمة من

شيم الأولين لاهنت على هالقصة يالذيب.