إهداء للمستعجلات على الزواج

قصيدة للبنات المستعجلات على الزواج ...


هاذي القصيد ة أعجبتني وحبيت أنقلها لكم ..

لاتحسبين العرس توفـي وكتكـات ....
ولا تحسبينـه تويـكـس والا بونـتـي

ولا تحسبين العرس كيكة وطرطـات ....
وصلـة قطعتيهـا ووصـلـة بلعـتـي

ولاتحسبين العرس تصفيق واصوات ....
وانتي علـى صـوت الغطاريـف همتـي

ولاتحسبين العرس كوشـة ولمبـات....
وانـتي كمـا الطـاووس فيهـا جلستـي

ولاتحسبين العرس احلام في الشات ....
يـامـا بنيتيـهـا ويـامـا هـدمـتـي

ولا تحسبين العرس روحة وجيـات ....
هيـا اقضبـي بيتـك عسـى مانهبلتـي

ليلة سعيدة وانتي احلـى الجميـلات ....
تشخـص عيـون النـاس اذا حضرتـي

( واللاينر ) حطيـه بــلا زيــادات ..
لا يـخـرب المكـيـاج اذا دمـعـتـي

( والمسكرة ) تحتاج لطـف ومـدارات ..
حتـى يـبـان الـزيـن اذا رمشـتـي

( والاسبريه ) رشيه حتى البصيـلات ..
يمسك شعـرك زيـن لـو كـان زدتـي

وترى ( المحدد ) فن يحتـاج رسمـات
يبـان رسمـه زيــن اذا ابتسمـتـي

العـرس يابنيـة ماهـو شعـارات ....
تفنـى مراسيـمـه وتبقـيـن انـتـي

ويبقى شريك العمر راعي الطويلات ....
هـذا هـو العـرس حقيقـه عرفـتـي؟

اول نصيحة لـك حفـظ الصلـوات ....
صلي العشـا والفجـر فـي كـل وقـتِ

وفي ليلة العرس الموفـق بالـذات ....
ادعـــي الـكـريـم إذا سـجـدتـي

والتعري لاترضين عند الكوفيـرات ....
ولبسـك يملـى العـيـن اذا لبسـتـي

واللي على زوجك تحرضك مـرات ....
ارجـوك شوتيهـا شـوتـت بلنـتـي

والصبر في العشرة حتى على فتات ....
ياماحـلا فعلـتـك يـومـك صبـرتـي

واذا حفظت السـر مـع المـدارات ....
زوجـك تـرى فـي عيونـه كبـرتـي

والسوق يعني هاه وقت الضرورات ....
والاتـرى زوجــك يــدور لمفـتـي

زيدي الغطاية وكثري في العبايـات ....
والله يـرضـى عـنـك اذا ستـرتـي

اوصيك بالكبسـة وكثـر اليدامـات ....
حتـى لوانـك مـن سببـهـا متنـتـي

وخلي الرجيم اللي فشلتي فيه مرات ....
سـويـه مــرة واحــدة لا ولـدتـي...

ههههههههههههههههههههههههه

خطيره خطيرة يا صمت

وصايا حلوه هههههههه


وصح إلسان الشاعر وسلمتي

بس تراني اليوم بأنزل موضوع مصور عن التنسيق

وإن شاء الله ما تحوسون زي كذا ^_^

ههههههههههههههههههههههههه
حلووووة
صح لساان شااعرا وسلمت يمنااك على نقلها خيتوو
يعطيج العافيه

واللي على زوجك تحرضك مـرات ....
ارجـوك شوتيهـا شـوتـت بلنـتـي


ههههههههههههههههههههههههههههه

يعطيك ربي الف عاااافيه ...نصائح قيمة ياغلاتي

صمت الحروف
سلمت يمناك قصيدة رائعة
وصح لسان قائلها أو قائلتها
وكثير من الفتيات بل النساء عامة
في حاجتها وتطبق كثير مما جاء فيها
يعني الرجيم والاعتدال طيّب .
دمت بخير ,,,

		المشاركة الأصلية بواسطة : اقتباس
	اوصيك بالكبسـة وكثـر اليدامـات .... حتـى لوانـك مـن سببـهـا متنـتـي وخلي الرجيم اللي فشلتي فيه مرات .... سـويـه مــرة واحــدة لا ولـدتـي...

هذا اللي ضيّع مستقبل الشباب السعودي عند الأجنبيات

يوصّن على الكروش والجنوب لابارك الله فيها من سمنة

الكبسة تساوي كرشه يعني لاتدمنونها

والله مالي شغل العرس عندي يعني توفي وكتكات وتوكس وباونتي

صح لسان قايلها ولاهنتي عزيزتي ع النقل ...

:4::4::4:

حياكم الله احبتي

شرفني تواجدكم

هههههههههههههههههههههههههههههههه
صح لسان الشاعر ولسانك
يعطيك العافيه مشكوره على النقل الرائع

هلا بك يا مشرفتنا صمت الحروف
إهدائك بلا شك جميل ورائع وفي محله
لكن يجب أن تنسق القصائد
ولا بد من تعلم التنسيق حفظك الله

^_^

يعطيك العافية على النقل الرائع