الوقت يامكثر عناه وعذابه !!

الـــوقت يــــامكــثر عنـــاه وعــــذابه
حطـاب لــيل وله معــاوين وفـــزوع

أحـــدن منــه يمـكن يعـــالج صــوابه
واحـدن يمـوت بعـلته مـوت جـــربوع

يــروح مثـــل مقـاط محــدن درابـــه
لاحبــل له يرقى ولا صوت مـــسموع

بغـى يجـيب رشــاه ورشــاه جــــابه
من عالي الشفه على ضــربة الكوع

هـــذا مقــاط اللي ارشــاه التـــوابه
واصبح مثل للناس في كل مـوضوع

قصـــة مقــاط وقصــتي مـاتشـــابه
اسبـاب وقــت وكل قصــة لـها نــوع

مقــاط صفـــى في زمـانه حســـابه
وانا بلشــت بوقت طامع ومـــطموع

كــم واحـدن وقت اللـــزوم نـهــقابه
وليـا نصــيته غيـــر الطبــع بطبــــوع

والصاحب اللي صـــحبته ضحـك نابه
يبيني ابقى له على الـــدوم مـزروع

إن شــاف وجــهي قــال يامــرحبابه
وان غبت ينساني على راس الاسبوع

وليــا نسـاني منــهو حضــرة جـــنابه
انسـاه واجـعل دونه الخط مقــطوع

وعيــبن عليــه كــان طقيـت بــــابـه
لو اني امـسي بالخــلا ميـت جــــوع

مــن خــلقة الــدنيـا تجـــوع الــذيابه
بس المهم تعيــش والــراس مرفوع

وتكــسب بعــز النــفس قدر ورحابه
تمشي على خطن سليمن ومشروع

صح لسانك ولسان قايلها
........................

		المشاركة الأصلية بواسطة : شيهانه على كف صقار اقتباس
	صح لسانك ولسان قايلها ........................

صح بدنك ,, منـــــــوره متصفحي

مبدعة في جميع انتقاءاتك
ومتميزة في كل مشاركاتك
وفقك الله يا ريم
ويا هلا بك

صح السانك ياريم لليالي الله عليك اتمنا لك مستقبل باهر بالشعر جزل
القصيده بشكل عام تتكلم عن الحاجه وعن الرديان للي في وقت الرخاء شيوخ
وفي وقت القصى دجاج
وقصيدتك فيها اعتزاز بنفس وانا اهنيك عليها
والانسان اذا غدت عزة نفسه وش يبي من الدنيا
اعجبني بيت من القصيده
من خلقه الدنيا تجوع الذيابه بس المهم تعيش وراس مرفوع
الله عليك الله درك يا ريم
بيت يكتب بماء الذهب
جزله جزله
وفالك الطيب والخير كله
دمتي بالود

صح لسان شآعره وتسلم يدين ناقلها



تحياتي لك

		المشاركة الأصلية بواسطة : السلطان اقتباس
	مبدعة في جميع انتقاءاتك ومتميزة في كل مشاركاتك وفقك الله يا ريم ويا هلا بك

السلطـــــــان : وجودك بمتصفحـي ونظرة منك لمواضيعي هو الإبداع بنفسـه
الله يسلمـــــــك
دمت برضى من الرحمــــــن

		المشاركة الأصلية بواسطة : بدر الشدادي اقتباس
	صح السانك ياريم لليالي الله عليك اتمنا لك مستقبل باهر بالشعر جزل القصيده بشكل عام تتكلم عن الحاجه وعن الرديان للي في وقت الرخاء شيوخ وفي وقت القصى دجاج وقصيدتك فيها اعتزاز بنفس وانا اهنيك عليها والانسان اذا غدت عزة نفسه وش يبي من الدنيا اعجبني بيت من القصيده من خلقه الدنيا تجوع الذيابه بس المهم تعيش وراس مرفوع الله عليك الله درك يا ريم بيت يكتب بماء الذهب جزله جزله وفالك الطيب والخير كله دمتي بالود

بـدرالشدادي : صح بدنك أخوي ,, الله يسلمـك كلك ذووووووق
لاهنت على المرور العــــــذب

		المشاركة الأصلية بواسطة : بحر القوافي اقتباس
	صح لسان شآعره وتسلم يدين ناقلها تحياتي لك

بحـــر القوافي : صح بدنك ,, والله يسلمك أخوي