سلام من قلبآ في الجد مالهى

هذه اول مشاركة فعليّة لي هنا و بآخر قصيدة كتبتها قبل ايام
عند حضورنا لمؤتمر بمدينة تبوك
وارجو ان ترتقي لمستوى ذائقتكم الشعريّة العذبة
ــــــــ

سلام من قلبآ في الجد ما لهى=والنفس, تعرف ماعليها ومالها
اليوم أنا قلبي شمالي ومبتسم=وافْدي جنوب الدار وافْدي شمالها
جينا تبوك ونادي الورد نبتها=ماحلى عـصاريْها وفيّـة ظلا لها
جيّة عملْ وارواحنا فِدْوةً الوطن=والـدار؟ تبنيها سواعـد رجالها
في قاعدة فيصل تقدّم ومعْرفةْ=تطويـر, وافـْعالآ تصـدّق مقالها
دامت لياليكم على الطيب والنقى,,=رجال اجاويدآ ذرا المجد فالها
ضيف الكرام يكرّمونه بجيّته=يبقى عزيز الجال شخصآ عنا لها
اخواننا واصحابنا يوم اعدّهم=عند اللزوم اتجود بأغلى حلا لها
يوم التقيناهم وطاب اللقى بهم=دارت قوافينا مع اشقر دلالها
والشعر حكمة بالغة لا مبالغة=قـلب الفطين الي حكمها وقـالها
لي هاجسآ قد جرّب المرّ والحلا=وايّام تجحد حقّ ابوها وخالها
الوقت عبرة للذي فيه يعتبر=واهل الوقوت الماضيه وش بقى لها؟
فكّرت بالدنيا والأقْدار حولنا=والآدمي من فرط جهْلهْ سعى لها
يبغي يعدّلها ويمشي على قِدا=ولاهوب عارف ميلها من عَدالها
فالحرص ما يآقيك لو حصحص القدر=والنفس ماتعرف وش الي بقى لها
وارزاقنا ماجت بحيلة محايلي=لو هو مشى بشويش والأ عدا لها
والدار لو ضاقت عليك إدهلْ الفضا=لابدّ ما تلقى ديارآ بدالها
والتِبْر يبقى تبْر عِرْق الذهَبْ ذَهبْ=بنت الكريم الشّهم كل الحلا لها
والشّجْرة الخضرا على منبت الرَدا=عِرْق الردا يبْقى بتالي عيالها
راع المشاكل والمشاعيب جنّبه=يخوض ماهها ِلنْ يُعكّر زلا لها
قد قالها من قبلنا راعي المثل=ذاماتجيله عند بيته غدا لها
عليك بالإسلام واعرف فرايضه=واحْقوق ربّك لا تقصّر بجالها
فالدين راس المال والعلم زينتك=ميّز محرّمْها وميّز حلالها
وإرفع يدْ المظلوم بيدك وعنّزه=واوقفْ مع القاصر وورِد حبالها
قبلك نبي الله موسى خَذْ الغنم=واوردْ بنات اشعيب حتى سقى لها
جارك جدارك عزّ قدره ومنزله=حليلته غضّ البصر عن جمالها
والوالدين اكسب دعاهم وبرّهم=من قبلما دنياك تعلن زوالها
امّك يقول ابحقّها سيّد البشَرْ=جنّات ربّي تحت ماطا نعالها
هذا وانا ماني مبرّا من الخطا=حامل ذنوبآ والمعاصي مشى لها
لكنني مسلم موحّد ولي رجا= قلبي عرى الرحمن جا والتجى لها

علي ابن شفلوت

صح ألسانك ملاييييييييييييييييين

قصيده جزله من شآعر جزل

وبيض الله وجهك على القصيده الرااااائعه

لآهنت لآهنت لآهنت

صَح الْلَّه الْسَانُك يَابْن شْفَلُوّت
وَبَيِّض الْلَّه وَجْهَك عَلَى هَذِه الَشَامِخَه
فِيْهَا مِن الْحِكْمَة وَالْوَضْع هَذَا الْكَلَام الْلِي يُجَمِّد عَلَى الْشَّارِب
سَلِم مَنْطوقِك يَالَغَالِي
وَلَاهِنْت

يا هلا والله بالشاعر الجزل المعروف بن شفلوت
وحياك الله ومرحباً بك تراحيب الأمطار

وأزدانت تبوك بمقدمك الميمون وبشعرك الشامخ الطيب

أول مشاركة كالألماس وأثمن ورائعة من روائعك

صح إلسانك مدد بلا عدد

وكفوو .

.

الشعر حكمه بالغه لامبالغه
قلب الفطين اللى حكمها وقالها
وانا اشهد يابن شفلوت واكبر دليل هالدره اللى صافحتنا ابها سبك وحبك ومعنا ومبنا ولغه راقيه وجزاله وقوه وحكمه ماخلية شي من الابداع ومن الفن الشعري ماجعلت فيها صح لسانك مليارات والله يحييك في منتداك وبين اخوانك والله يعطيك الف عافيه
تقبل تحياتي,,

صح لسانك وبيض الله وجهك
مهما تكلمت لن اعطيك حقك
في شعرك جزل من شاعر جزل

كفو
كفو
كفو

والله
يا شاعرنا ابن شفلوت
وبيض الله وجهك على هذا الابداع
وهذه الروائع المنظومة
ما قصرت وصح لسانك ملايين
وإن شاء الله ما تكون آخر مشاركاتك معنا

صح لسانك
كفيت ووفيت
بيض الله وجهك
قصيدة رائعه
وأول الغيث قطره

صــح لسـانك

المشاركة التي كتبتها قصيرة جداً. الرجاء إجعل رسالتك على الأقل 30 حقول.<<

..{}..

مثل ما قالت مكسورة أول الغيث قطرة .....و أول الإبداع كلمة

لكن إنت ما شاء الله حولت القطرة سيل بإبداعك

شكرا لك لإمتعانا اخوي علي