قصيده حميدان التركي

السلام عليكم ورحمه الله وبركاته

هذه قصصيده وصلتني ويقولو حميدان التركي قايلها
وانا ماتوقع امكن احد قالها على لسانه

المهم القصيده حزنتني مره والله خنقتني العبره

سادس سنه في ديره الغرب مسجون =سجن الغثى والبهذله والاذيه
سجّانهم قلبه من الكَره مشحون =عنده حياتي او مماتي سويه
هذا رمضان اقبل وانا فيه محزون =يارب هون مشكلاتي عليه
وسط السجن مابه معي من يصومون =مسلم ومن حولي وجيه اجنبيه
دائم حزين وضايق الصدر مغبون =مليت من جو السجن والاسيّه
يمه كفايه وقت الافطار تبكون =تبكون علي مالكم مقدريه
ودي يامه بينكم بس وشلون =ودي بتمره من يدينك هنئه
يمه فطوري خالي الطعم واللون =مشتاق للمرقوق والمحلبيّه
مشتاق للمسجد مع اللي يصلون =اصلي الاوقات سجن وعشيه
ودي معي بليله القدر تدعون =ينفك قيد اللي حياته شقيه
يالله يارحمن ياخالق الكون =تغفر لعبدك كل ذنب وخطئيه
وصيتي تكفون لامت تدفنون =في دار ابو متعب ديار الحميه

يارب يكريم عجل بفرج اخينا حميدان يارب

سادس سنه في ديره الغرب مسجون =*** سجن الغثى والبهذله والاذيه
سجّانهم قلبه من الكَره مشحون *=** عنده حياتي او مماتي سويه
هذا رمضان اقبل وانا فيه محزون =*** يارب هون مشكلاتي عليه
وسط السجن مابه معي من يصومون =*** مسلم ومن حولي وجيه اجنبيه
دائم حزين وضايق الصدر مغبون =** مليت من جو السجن والاسيّه
يمه كفايه وقت الافطار تبكون *=** تبكون علي مالكم مقدريه
ودي يامه بينكم بس وشلون **=* ودي بتمره من يدينك هنئه
يمه فطوري خالي الطعم واللون =*** مشتاق للمرقوق والمحلبيّه
مشتاق للمسجد مع اللي يصلون =*** اصلي الاوقات سجن وعشيه
ودي معي بليله القدر تدعون =*** ينفك قيد اللي حياته شقيه
يالله يارحمن ياخالق الكون =** تغفر لعبدك كل ذنب وخطئيه
وصيتي تكفون لامت تدفنون = في دار ابو متعب ديار الحميه

الله يعجل بفرجه

من زمـان وانا متـابعة قصته وكل شي يصير معـاه

.. حسبي الله على من كـان السبب

مشكورة

لاهنتي يامشرفتنا على ايراد لنا هذي القصيده والله يفك ويفرجها على كل مسلم يارب
لاهنتي

هذي شيلة قديمة في اليوتيوب

لكن مادري من شاعرها المهم أنها نازله من زمان

صح لسان الشاعر والله يفرج عن حميدان

مشكورة

هلا فيكم اخواني جميع
والله ان قلوبنا تحزن من سيرته
لكن مالنا الا الدعاء

الله يفرج كربته و يرده لأهله ..

مشكوره شدادية

سواء قالها أو ما قالها
أسأل الله العظيم رب العرش الكريم
أن يعجل بفرجه عليه وينصره على من ظلمه
شكراً يا الشدادية

الله يفـــــــــــــــرجها له ولكـــــــــــــــــــــل مأسور

امين يارب
وتفرج همومكم اجمعين
الله يسعدكم