طريقة عمل الكوزي

بسم الله الرحمن الرحيم السلام عليكم ورحمة الله وبركاته (اليوم حابه تشوفون طريقة عمل الكوزي وان شاءالله تعجبكم يارب) عباره عن (كوزي اللحم) **المقادير** _لحم أو دجاج _مكرونه مسلوقه شوي _طماطم,بيض مسلوق,مكسرات صنوبر,لوز حجازي ,زبيب,ليمون _زعفران,كركم,صفار الزعفران _أبازير مطحونه(كمون,فلفل اسود,كزبره ناشفه ,فلفل ابيض,اجينموتو,ملح **الطريقه** 1- تسلقي اللحم ببصل وثوم صراحه انا سلقته بقدر الضغظ 2- تسلقي المكرونه والبيض 3- بعد مايستوي اللحم أعملي الأرز الأبيض 4-أضيفي من مرقة اللحم على الأرررز أضيفي الملح 5-ضعي في زبدبه الابازير ومعاها مرقة اللحم واضيفي ايضا نصف ليمون ومن صفار الزعفران واضيفيها على اللحم وادخليها الفرن من تحت وفوق... 6-أشعلي فحم 7- قبل مايستوي الارز بقليل اضيفي في جنب ( زعفران ) وجنب ( كركم)وجنب ( صفار الزعفران 8-بعد مايستوي الارز واللحم (( شيلي اللحم وضعيه على الارز ثـــــــــــــم ضعي في فنجان قهوة زيت وضيعه على الارز ثم الفــــــــــحم وعلى طوووووووول قفلي الغطاء وانتظري شوي **طبعا قدمت معاها ** 1- سلطه باللبن 2-سلطه مشكله **مقادير السلطه** ذره,فاصوليا حمراء,طماطم,خيار,خس,بقدونيس,كزبره,زعتر بري,زيت زيتون,ملح ,ليمون وبــــــــــــــــــــس شوفوا كيف والله يابنااااااااااااااااات لذيذ وهذه طريقة عمل الكوزي المحشي يمكن إستبدال الدجاج بخروف كوزي الدجاج المميز لذيذ ورائع حياكم بسم الله نبدا المقادير حبه دجاجه كبيرة غير مقطعه خضار(بصل - طماطم - كوسه - بطاطس - فلفل رومي - جزر - قرنبيط - بازلا) حسب الرغبه الحشوة: مكرونه مسلوقه في ماء وملح زيت وماجي واذا استوت اضيفي عليها الذرة وملعقه صغيره كركم الصوص او التتبيله : 2ملعقه كاتشب 2ملعقه مايونيز 2ملقه زبادي او لبن 2ملعقه صلصله 2ملعقه زيت زيتون وملح وبهارات بس لاازم تكثري البهارات ابرة معقمه وخيط الطريقه: غسلي الدجاجه ونظفيها زييين من الداخل والخارج واحشيها المكرونه بعد كذا ابدائي خيطها زين وخذي باقي الخيط وربطي فيه رجولها خذي اعواد الاسنان وثبتي فيه جناحاتها عشان يطلع شكلها مرتب افرشي بالصينيه قصدير وحطي الدجاجه عليها وتبليها بالملح والفلفل الاسود والكمون والكركم وبهارت مطحونه مشكلها من جميع الجوانب وكثري البهارات وحطي الخضار بالصينيه ورشي عليها رشه بهارات مثل اللي حطيتها عالدجاج واخيرا صبي عليها التتبليه غطيها بالقصدير دخليها الفرن انا اخذت معاي ساعه وربع لاان الفرن عندي كهرباء وبطيئ وفي اخر 10 دقايق افتحي القصدير من عليها عشان تتحمر وكذا بيكون شكلها اعملي على جنب رز ابيض اطبخيه في ماء وملح وزيت فقط قدمي الرز والخضار والدجاج بالصحن وزينيها بالليمون والبيض المسلوق والبصل المحروق ولاتنسي تفكي الخيوط والأعواد يمممممممممممممممممي بتكون مره لذيذه وهنا لما طلعت منها المكرونه وهذا الصحن لااول رد **بالعافيه عليكم** لاتنسوني من دعواتكم

سلمت يمناك

أخيتي غزل عسير

الطريقتان رائعة

جميل جداً أختي غزل عسير

ربي يسعدك ويوفقك عالنقل المتميز

شمس الأصيل
أسعدني مرورك

شمس الأصيل
أسعدني مرورك

ماشاء الله عليك

شهيتيني وشكله روعه

ربي يسعدك

عسسسوله

أعتمدت الطريقه وجاري التنفيذ

الله يعطيك العافيه


وتسسلم هديات

الكوزي بطريقة ثالثة وهذا بالدجاج وهذا باللحم ويقدم معه سلطة طحينة وشوربة لسان العصفور اللي يعجبك خذيه بالعافية عليك واللحين تبون الطريقة صح شوفوا حبيباتي جيبي دجاجتين مغسلة ومنظفة وحطيها بالقدر مع ماء وهيل خمس حبات و2 ماجي وحبة طماطم مقطعة أرباع وحبة بصلة كبيرة كمان مقطعة أرباع وملح وفلفل أسود وخليها لما تستوي اغسلي الرز ونقعيه في ماء دافئ سوي الكشنة وهي بصلة مقطعة صغير مع زيت وحطي عيدان من القرفة والقرنفل وحبتين من الليمون المجفف الأسود وورقتين من ورق الغار وحمسيهم وبعدين حبة طماطم مفرومة وقلبي وشوية صلصة ممكن ملعقة صغيرة وملح وفلفل أسود وبهارات مطحونة مشكلة بعد كذا حطي الرز واضيفي له من مرقة الدجاج وخليه على نار هادئة لما يستوي أسلقي مكرونة طويلة في ماء وملح وشوية زيت وحطي معها شوية من الكشنة اللي مسويتها للرز وماجي ومرقة من حق الدجاج وخليها تستوي وصفيها ملاحظة أطعمي الملح وأوزينيه في الرز والمكرونة وبعد مايستوي الدجاج جيبي سمن المراعي أو فارم وأدهني الدجاج من جميع الجهات ومن الداخل وأدخليها الفرن من فوق ومن تحت لما تحمر جهزي بيض مسلوق اربع حبات وفلفل رومي مقطع حلقات وطماطم حلقات في صحن التقديم حطي الرز وبعدين المكرونة وزعيها ثم الدجاج وزيني الصحن بالبيض والفلفل والطماطم وبالعافية عليكم ياحبيباتي ولا تنسون الدعوات الصالحة

غزل
تشكرين على اختياركِ للمواضيع
المتميزة
وفقكِ الله

مشكوره اختي ويعطيك العافيه
وتقبلي مروري