قصيدة إلى ابو عبدالله العواضي

سلام الله على خالي سلامن يمه اسوقه =بدهن العود عطرته ومسك وريح ريحاني
بديت الهرج وانشيته وسيرته بطاروقه =وطوعته وغنيته على زينات الالحاني
بنات الفكر تلنه وجابنه من اعموقه=وخصنه لجل خالي رفيع الشان والعاني
حكيم لا هرج يعجبك في هرجه ومنطوقه =كريم يكرم الخاطر ويكمل واجب العاني
وصلاة الله على اللي سيرته عطره ومرموقه =على خير البشر احمد شفيع الخلق عدناني

اهداء ولكم كل التحيه ..
اخوكم
مخاوي الطيب

ونعم فيك وفيه خالك يامخاوي الطيب

وصح لسانك وابيض وجه

تحياتي

يا هلا والله بأخونا
مخاوي الطيب
والله يحييك في منتداك
ونعم بك ونعم بخالك أبو عبدالله
وصح لسانك ملايين ولا هنت
وننتظر منك المزيد

اشكر مروركم الكريم ولكم كل التحيه والاحترام

ارحب ارحب مليون ولايكفوون ونعم بخالك وصح السانك على هالابيات الجزله
تحياتي لك

ونعم بك وبخالك
الجزالة تظهر من كلامكم
وحضوركم الله يكثر من امثالكم.

صح لسآنك
وبيض الله وجهك
على القصيده الجزله

تحيآآآآآآتي لك

مخآوي الليل

الله يبض وجيهكم ويجمل حالكم ولا يهينكم وشكرا على المرور والكلام الطيب