نعزّل شعر ونبيع القريحة

اعضاء ورواد شبكة منتديات الشدادين
مسائكم / صباحكم ,,, جميل
نغيب بداعي مشاغل الحياة والتزاماتها ولكن لا نحضر إلا بالجميل المميز
نص يحكي عن نفسه
فأقبلوه مع التغاضي عن بساطته .

فرعت عن جيدها شرد الفرايد=وانتخت بالفكر وابداع القريحة
واستباح الخافق بيوت القصايد=ما نظم متردية ولا نطيحة
وانتهج فكري له بحورً جدايد=والعبارة مبهمة مدري صريحة
علموا شعار صفحات الجرايد=نصفهم على الشعر مثل الشبيحة
ينتهك حرمة جميلات الشرايد=واصبحت من بعدهم عذراً جريحة
يحسب انه للشعر حاكم وقايد=ما درى انه ما نظم كود الفضيحة
يحسب انه للشعر عز وسنايد=مشغل الساحة ومزعجنا نبيحة
ما يرود إلا الهزل ما هوب رايد=والبلا عنده جماهير وتبيحة
عينتّهم من تزايد في تزايد=يجحدون الجزل وتحب القبيحة
افزعوا لي يا وسيعين البنايد=افزعوا للشعر بعبارة صريحة
هي حدا الثنتين ما عنها نحايد=والصحيحة ما نبي غير الصحيحة
يا نوقف ضدهم لاجل القصايد=يا نعزّل شعر ونبيع القريحة

هي حدا الثنتين ماعنها نحايد
والصحيحه مانبي غير الصحيحه
لله درك يالمريري على كل حرف كتبته في هالدره وافيه معنا ومبنا ولاقلت فيها الا الصحيح بعينه لكن بوجودك ووجود امثالك من الشعرا الحقيقيين ماعلى الشعر خوف وفي الاخير مايصح الا الصحيح الناس ماهم باغبياء حتي ولو اثر عليهم بعض الاعلام ورفع مستشعرين لفتره من الزمن مايقدر يرفعهم على طول والشاعر الحقيقي قصايده اعلامه وقصايد تتكلم عنه,,,, وخذها مني وقول قاله فلانه والله انك مبدع ,,عساك على القوه وعساك دوم في الوجود وصح لسانك مليارات واكثر
تقبل تحياتي,,,,

لاوالله لاتعزل يامحمد فانت قامه شعريه نسعد بتواجدك هنا
شاعر جميل ومبدع بتفوق وليست مجامله لاوالله
فانت تستحق الاشاده والتصفيق الحار على كل نص شعري تقدمه
لك مني جزيل الشكر على الابداع المتواصل والغير مستغرب منك
وكل عام وانت بخير

لله درك من مبدغ كتبت فا ابدعت
صخ السانك مليون
تحيتي لك

كفو والله يا شاعرنا محمد
ولا بك شك يا طيب الفأل

حياك الله في منتداك
ويا هلا بك اليوم ودوم

وصح لسانك ملايين

		المشاركة الأصلية بواسطة : محمد المريري اقتباس
	علموا شعار صفحات الجرايد نصفهم على الشعر مثل الشبيحة ينتهك حرمة جميلات الشرايد واصبحت من بعدهم عذراً جريحة يحسب انه للشعر حاكم وقايد ما درى انه ما نظم كود الفضيحة يحسب انه للشعر عز وسنايد مشغل الساحة ومزعجنا نبيحة ما يرود إلا الهزل ما هوب رايد والبلا عنده جماهير وتبيحة عينتّهم من تزايد في تزايد يجحدون الجزل وتحب القبيحة افزعوا لي يا وسيعين البنايد افزعوا للشعر بعبارة صريحة هي حدا الثنتين ما عنها نحايد والصحيحة ما نبي غير الصحيحة يا نوقف ضدهم لاجل القصايد يا نعزّل شعر ونبيع القريحة

مـحمد المــريري ..
لله دركــ يـــاشيخ ...
مــبدع وجزل وصح لســانك وآنـــا آخـــوك ...
عظيم شكري وتقديري لك ولحرفك النقي ..

لا والله يا محمد ألا وقف ضدهم والله يقويك

وصح لسانك على هذي القصيدة الرائعة

ويبقى الشعر الحقيقي هو سيد الساحات بوجود شعراءه المبدعين مثلك وشرواك يابن العم

لاهنت ولا هان غاليك

محمد
صح لسانك وبيض الله وجهك
شاعر جزل وسطرت من الشعر
مايليق بك كاشاعر
وفقك الله

يا نوقف ضدهم لاجل القصايد
يا نعزّل شعر ونبيع القريحة
بل قف كالجبل الشامخ امامهم

صح لسانك يامحمد
وبيض الله وجهك على القصيدة
فيه قصيدة للغيداني فيها بيت يقول:
الشعـر نـزل عباتـه.. وشلفـاه.. ومعمـه=شوف حتى الشعر.. كيف اثرت فيه المدينـه

		المشاركة الأصلية بواسطة : محمد المريري اقتباس
	اعضاء ورواد شبكة منتديات الشدادين مسائكم / صباحكم ,,, جميل فرعت عن جيدها شرد الفرايد=وانتخت بالفكر وابداع القريحة واستباح الخافق بيوت القصايد=ما نظم متردية ولا نطيحة وانتهج فكري له بحورً جدايد=والعبارة مبهمة مدري صريحة علموا شعار صفحات الجرايد=نصفهم على الشعر مثل الشبيحة ينتهك حرمة جميلات الشرايد=واصبحت من بعدهم عذراً جريحة يحسب انه للشعر حاكم وقايد=ما درى انه ما نظم كود الفضيحة يحسب انه للشعر عز وسنايد=مشغل الساحة ومزعجنا نبيحة ما يرود إلا الهزل ما هوب رايد=والبلا عنده جماهير وتبيحة عينتّهم من تزايد في تزايد=يجحدون الجزل وتحب القبيحة افزعوا لي يا وسيعين البنايد=افزعوا للشعر بعبارة صريحة هي حدا الثنتين ما عنها نحايد=والصحيحة ما نبي غير الصحيحة يا نوقف ضدهم لاجل القصايد=يا نعزّل شعر ونبيع القريحة

ماشاء الله عليك ي المريري بجد شاعر جزل ومحترف وكلمات القصيده قويه

واعجبتني حيل حيل

صح السانك وصح احساسك ي بطل ملآين

واستمتعت فيها والله
وتستاهل اكثر من تقييم شكراً لك