الجملة مفيدة في عقد قِران الشاعر / فهد رزيق

الاخوه الاعزاء اداري واعضاء وزوار
((شبكة الشدادين الرسميه))
أسعد الله أوقاتكم بكل خير وجعلنا وإياكم من عتقاء العشر الاواخر
اطرح على أنضاركم هذه القصيده بمناسبة عقد قران
الشاعر/فهد رزيق الحارثي الليله على ابنة
الشيخ/مطر بن مسفر المحمدي الحارثي
وذلك في منزل والد العروسه وبحضور ابنائه وبحضور والد العريس
الشاعر جزل البيان(رزيق بن عبدالعزيز الحارثي) وبعض ابنائه في
أجواء سادتها البساطه والقيَّم العليا القديمه المتعارف عليها بين الرجال
والبدو يقولون الفال عقال بعيدا عن الفخامه والبهرجه الذي سنها الكثير
من اهل الدنيا واضروا بالناس وبمن يحبونهم من حيث لايعلمون
مليار مبروك ولاتسد للابن والشاعر /فهد رزيق الحارثي وعقبا للزواج
قريبا تهانينا القلبيه لشخصه الكريم مع الاعتماد ألآتي ودمتم .

مليار مبروك والجمله مفيده=وجملة تهاني ليا اقصى حدها
والجمله اللي تقربك الوكيده=من غيرمعكوس تبحث سدها
والعاني اللي يعدك بالرشيده=الشيمه اللي شرطها بدها
الفرصه اللي على المذهب سعيده=حق المواثيق قابل ودها
وان كان ماوافق الطرق النشيده=مراتب الطيب تحسن ردها
من ينقص الشين في نفسك تزيده=وتقبل مزاياك تمشي ضدها
المكسب اللي يصبح بالفقيده=فالليل باني وصبحه هدها
بكره يقابلك بالعالم مشيده =واللي مهو ند يصبح ندها
نارك لعانيك لاتطفي وقيده=من علم جدك توفي جدها
روس المحمد على وقت الوعيده=حماية الحد عزوة حدها
عانيت روس الشكاله والعميده=في مستواها تعش وغدها
الاد متعان بالقاله مجيده=بنت على الحد ماقف سدها
القاله اللي لياماتت شهيده=على المثلث تمركز قدها
والرجل مجموع حاله مع رصيده=ماينزل الغانمه لاشدها
خل المذاهب على الدنيا حميده=وخل العواني من اعلى عدها
والعز بالدم يجري في وريده=اليا ترديت نفسك ردها
واخير ماكنت فالدنياقصيده=يمناك لاستانفت عن خدها
نريد والله يحقق مايريده=والطيبه فال تقطع صدها

تبارك الرحمن
مبروك والله يوفقهم
صح لسانك مليون ولايسدون
ولاهنت شاعرنا على القصيدة الجزلة

الأستاذ فهد شخصية ماهيب غريبة علي أعتقد الرجل هذا أعرفه من قبل ان لم تخونني الذاكرة والله أعلم .
بلغه سلامي ومباركتي له .
ألف مبارك أستاذ فهد تستاهل كل خير .
وصح لسانك جزل البيان .

الف مبروك وعليه ألف ٍ زياده= للفهد وابو الفهد بإكمال دينه
ياعساها اول مفاتيح السعاده=فرحة ٍ تستاهل ابيات ثمينهٍ
يالله تهنيه وتحقق مراده= ولاتخيب فيه رجوى والدينه

صح لسااااااانك
ياجزل البيان
و

الف الف الف مبروك يابو فهد
ومبروك للاخ فهد
عسى الله يتمم له بخير
ويرزقه الذريه الصالحه

صح لسانك ياشاعرنا ولاهي غربيه على شاعر كبير مثلك
والف مبروك للشاعر فهد
والله يوفقه
والله يجمع بينهم بخير ويبارك لهم ان شاء الله
مع التحية لك والتنبيه على القصيدة

.
















حيَّاكْ الله وَ أسعََد الله أوقاتُكْ بِـ/ كُلْ خيرٍ وَ سعَادة شَاعرنَا الجزلْ
مُباركْ لـِ/ فهَّد مَا أقدَّم عليِه وَ الله يِتممْ لهُمْ وَ عليِهمْ بخيِر
صَّح الله بوُحكْ وَ سَلِمْ قافكْ المُعتَّقْ ’

صح لسانك عزيزي جزل البيان
والف مبروك لفهد
بارك الله بالجميع

الف الف مبروووووك
الله يوفقهم ويسعدهم
وبالرفاه والبنين
لا هنت شاعرنا

ما شاء الله تبارك الله

ألف
1000
ألف

مبروك

للأخ العزيز فهد بن رزيق
يستاهل والله كل خير
وعقبى للزواج والخير كله

والله يرزقه الذرية الصالحة
ويبارك له

تسلم يا أبو محمد ومبروك ما سويتوا
وصح لسانك

ألف مبروك للأخ فهد

الله يكتب لهم الخير ويرزقهم الذرية الصالحة