يابوي

بسم اللة الرحمن الرحيم
هذي قصيده في والدي عبد العالي بن خالد ابو خالد
وهذا اقل مايعمل له

	بديت بسم الي خلق كل مافي الكون=بسمه بديت وبسمه انهي كلامي بشيد المبنى وحطه زاويه وركون=وحطله بابن كما باب السلامي لك يبو خالد قضيت العمر كله ونا مديون=ماينقضي ديني وعيني ما تنامي انت الذي لك في خفوقي حب مكنون=لو يفترق للخلق عاش بسلامي وانت الذي طيبك لأيت كاين يكون=لو كان ما بينك وبينه الزامي وافي وغيرك للوفا صايرن دون=ومنزلك والله في الحشا ما يظامي يانعنبو شعرن مايجي قدامك سكون=يافدك شعري واقفن لك بحترامي يفداك بيتن قايله خالص وملحون=مكتوب لك ماينكتب لهل الخمامي حفاظ دين وصاينن دينك من الخون=ماتاخذ الشي المشكك بلحرامي لينك عزيز النفس ونفسك للحرام تشون=مانك وطين لرذل والرخامي ومكرمن ضيف ومن اجل الضيف كبرت الصحون=ماتسري ضيوفك وفيهم جايعن ضامي حرن مضرا ومن مثلك ما يهون=ياليت من مثلك يعيش له ميتين عامي يابوي انا ممدحك لأنك ابوي تكون =لاوالله الا الفعل جاب الكلامي فعلن ينومس كل عاقل ومجنون=فعلن كريم ولايقن للكرامي

والله ونعم فيك انت وابوك والله يطول بعمره

صح لسانك وقصيده رائعه وجميله

يعطيك العافيه .

صح لسانك ونعم فيكم جميعا

قصيده جميله ورائعه منك يالفضي وهنالك تقدم واضح وملموس من خلال قصائدك

اشكرك كل الشكر على هذا الابداع

والنعم فيك وفي ابوك ... والف والنعم والقصيد يعجز عندما نفخراو نتكلم عن الوالد
لكن قصيدك مجارات لما قدم وحق لك ان تفخر بابو خالد

صح لسانك اخي الغالي على القصيده الرااائعه

والجزله نتمنى المزيد من جديدك الرااائع

كل الشكر لك اخي الفضي

ومهما نفعل لن نلحق فضل الوالدين

تحياتي

والله ونعم بك وبأبوك يا الفضي

والله يبارك في الطيب اللي مثلك

بحب أبوه ويمدحه

صح لسانك ولا هنت يا ذيبان

الفضي والله ونعم فيك وفي ابوك

وصح لسانك أبدعت في هذه القصيده

يعافيك ربـي

ونعم فيك ونعم في ابوك
وصح لسانك على القصيدة الرائعه
تحياتي