أنا في حبي لك تسرعت

آسفه انا في حبي لك تسرعت=ظنيت الاقي فيك شي فقدته
كنت احسبك من مر جرحك تجرعت=حبيت فيك احساس طفل لمحته
لو قلت آآه بوسط روحي توجعت=ولو شفت دمعاتك شعوري سكبته
ولو تطلب عيوني ابد ماتمنعت=واعطيك قلبي لو بعد ماطلبته
وصلت بك اعلى مكان وتربعت=وفي قلب غيري يالغضي ماوصلته
واصبر على صدك واشوفك تدلعت=واعطيك ود مااظنك حسبته
اذهلتني بطباعك اللي تطبعت=حتى قصيدي فيك ابد مافهمته
لو كان غاياتك حروفي فانا بعت=وافرح بجرح الشاعر اللي جرحته
وارجوك من صدك تراني تشبعت=خلك مع اللي عاجبك او عجبته
يكفي قهر في جيتي لك تواضعت=تركت غيرك لجل عينك وبعته
ياليتني عن حب مثلك ترفعت=ياليت قلبي قبل اعرفك دفنته
لكن اببعد دامني بك توهقت=الله يرحم حبنا اللي ذبحته
انا شريت الود والحين انا بعت=وانا عطيتك قلبي اللي قهرته
في يوم جيتك اطلبك ود واقنعت=نفسي بانك شخص عادي عرفته
كمل حياتك مثل ماانا توقعت=تبقى اسير الماضي اللي فرضته
ولايحزنك اني غلطان وتراجعت=حولك بدالي الف شخص عجبته
اما انا لايمكن اخضع ولا طعت=يحرم علي اعطيك قلب خذلته
بريحك من شوفتي يوم قاطعت=اسلوبك اللي به تجامل كرهته
غلطان يالمقفي انا ماتتبعت=غيري يتابع خطوتي ماتبعته
ماينحني راسي لو اني تقطعت=وماهو انا لامن رميته لقطته
وان كان غرك حكي عذالي وطعت=الله يعلم كيف قلبي سكنته
اللي ملا قلبك علي وتسمعت=خله يعوض شخص مثلي خسرته
انا بما فيه الكفايه تولعت=واللي بقى من قلب فيني حرقته
باول لقى سلمته احساسي وضعت=غلطة حياتي يوم قلبي سلبته
واستسمحك في البعد كاني تراجعت=ماعاد ابلقى فيك شي فقدته
طبعك مثل غيرك وطبعي كما كنت=احب شخص ولا تركته تركته
وان شفتني صدفه بعينك تطلعت=ذكرتني بانسان غالي فقدته

ان شاء الله ت ع ج ب ك وووووووو م ^_^

والله يا أم الفزعات وأنا أخوك العجلة
والتسرع ما هي طيبة
والركادة والرواقة زينة

لا هنتي على الاختيار الأكثر من رائع
وتسلم يديك والله يعافيك

ماينحني راسي لو انـي تقطعـت

وماهو انـا لامـن رميتـه لقطتـه

وان كان غرك حكي عذالي وطعت

الله يعلـم كيـف قلبـي سكنـتـه

يعطيك الف عافيه عن جد تجنن تسلمين ياقلبي

انتقاء رائع جداً

اشكرك من الاعماق

أم الفزعات

تشكرين جل الشكر على أختيارك

السلطان
ايه والله انك صادق بعض العجله مالها داعي
والله يسلمك ^_^

عسوله الله يعافيك
ونفس البيتين اللي اكثر شي اعجبتني عجبتك
شكل اذواقنا متقاربه ^_^

ياسر
العفو من الاعماق ^_^

خيال
العفو وتستاهلون اكثر

وشاكره تواجدكم كلكم ^_^

الله يعطيك العافية فزوعة

ماتتخيلين كيف أحب هالقصيدة لدرجة انها موجودة بجوالي ومنزلة هنا من ضمن اول مشاركاتي بالمنتدى

بس ماعليه نتازل عنها لك .. تستاهلين

كلك ذووووق

الماسه
هههههههههاااااي
فديتك والله
ايه من زمااااان القصيده هذي عندي
ويوم جلست اقلب في ذكرياتي لقيتها وقلت لااازم انزلها

بس غريبه ليش ماحذفوها ما دامها متكرره ؟؟؟؟؟

شكل القصيده عاجبتهم حيييييل

اجل الاسبوع الجاي بنزلها مره ثالثه
هع

الماسه
شاكره تواجدك يالغاليه

إختيار في منتهى الروعه

باقات الجوري والأقحوان لذائقتك الشعريه

ام الفزعات دمتي كما تتمنى

لا لا لا لا
مو مصدقه
نور في صفحتي

يااااااااااااهلااااااااااااااا والله وغلاااااااااااااااااااا
مرحبا مليووووووون

وين
وانا حسبتك زعلتي ^_^


منتهى الروعه وجودك هنا يالغاليه