من روائع الدكتور سداح

يا صبح نورك عليه إثبات=شمسك على الكون شعـّاله
والليل لو يستر الغرات=يبدي من اسراره لحاله
البارحه والهجوس أفوات=مابين رجلي وخياله
شالن في صدري ثلاث اصوات=ونوم العوافي برن حاله
عقلت قلبي عن السجات=وعوّدت أسريّه بعقاله
وروابعه عقب راحت جات=تحط حمله وتشتاله
وأمسيت أجرّ النسم بسكات=وكبرت على القاله القاله
يا طول صبري على الميلات=وقت العنا فاض مكياله
حنا في وقت ٍ من الاوقات=يضفي على الخلق سلاله
زادت دشوش الفضائيات=وانا الفضا مالي وماله
جاء مع عرب سات .. نايل سات=يرسل وزانه ويبراله
موجة تطور على الشاشات=ريموتها يكبس الآله
والمجد من بدها بالذات = يا جعل ما يقطع ارساله
ما تعرض ألا ّ عبر وآيات=وصلّوا على محمد وآله
والسلـّه الباقيه هيهات=ماهيب لله وإنـّا له
قمصان نوم وعلوم وشات=بث ٍ فال الله ولا فاله
ارسل سلامك وهاك وهات=وكلٍ محضّر بجواله
عسل وصل والحنونه جات=دجال يضحك لدجاله
ناس ٍ بلاها حياها مات=شباب الاسلام يرثاله
الفن مع كاشف العورات=يصلح لشرواه وامثاله
يا الله لاتقطع الهقوات=وتبلّغ العود فـ عياله

صح لسان الدكتور سداح ..


ولا هنت أخوي سعود على النقل الرآئع ..!

والله يا أبو طارق ما قرأت روعة في السبك وخفة الحرف

مثل ما أقرأ لهذا الدكتور سداح

رائع بكل حرف ينظمه

وأنت الأروع لاختيارك ونقلك

		المشاركة الأصلية بواسطة : سيف الشدادين اقتباس
	صح لسان الدكتور سداح .. ولا هنت أخوي سعود على النقل الرآئع ..!

سيف الشدادين

مشكور على المرور...

أختيار .. موفق .. يابو طارق

بيض الله وجهك .. ووجه الدكتور .. سداح

دكتور واسمه سداح وشاعر

له قصايد رااااائعه بارك الله فيك ياسعود نقل موفق

سداح

يابو عبدالعزيز

أسلوبه ما هو غريب عليّ كني قد قريتله أو أعرفه

لاهنت يا سعود

		المشاركة الأصلية بواسطة : اقتباس
	والمجـد مـن بدهـا بـالـذات=يـا جعـل مـا يقطـع ارسالـه

آمين


سلمت يا نابغتنا وسلم ذوقك

وصح لسان الشاعر سداح

تحياتي لك