..:.. مرحباً بك في شبكة الشدادين الرسمية ، ضيفنا الكريم يسعدنا دعوتك للانضمام والمشاركة معنا .. اضغط هنا لتسجيل عضوية جديدة ..:..


العودة   شبكة الشدادين > المنتديات الشعبية > بحور القوافي > قصائد مختارة
  [ 1 ]
قديم 27 Nov 2005, 06:49 PM

سعد الشدادي غير متصل

تاريخ التسجيل : Sep 2005
رقم العضوية : 459
الإقامة :
الهواية :
المشاركات : 1,170
معدل التقييم : 25
الملف الشخصي للكاتب
إضافة تقييم
الرد على الموضوع
ارسال الموضوع لصديق
طباعه الموضوع
تبليغ عن الموضوع
اللى يبي يتونس ويوسع صدرة يجي هنا



في احد مدن طيب النفس .......
كان هناك حزبين وكانت تدور الكثير من المعارك
اترككم مع بعض الغزوات ونتائجها !!!!!!



ياراكبٍ من عندنا فوق نيسان
------------ ددسن ، ركوب اللي على قد حاله
ددسن ولكن لونها سيد الالوان
---------------أسود سواد الليل .. لون الوكاله
تاعي حكم هتلر على دار الالمان
--------------- يومٍ " تشرشل " بالرديه نوى له
خجمه ولكن بالسفر شانها شان
------------------- تدحم صحيح ... وضاريه للرزاله
سواقها فقري ولاهوب فسقان
------------- لاشاف له عبري على الخط ، شاله
قرمٍ والى من حط له كرز دخان
---------------لو ترسله للبيت الابيض ... عناله
ياسايق الددسن أوصيك يافلان
---------------عندي رساله .. واحتفظ بالرساله
الين تاصل وسط مجلس بليهان
-------------ديوان ( موسى ) .. مايبيـله دلاله
مدهال طيب ، وللمناعير عنوان
---------------في مجلسٍ .. تعجبك .. صفة دلاله
من لابةٍ لا عدوا الطيب فدعااان
---------------اهل الكرم والجود .. واهل الشكاله
تلقاه في شوف المسايير فرحان
---------ياحي فال ( العود ) .. ياحي فاله
والادمي وشو بلا قلب ، ولسان
-------لو هو .. يحسّب .. بالملايين ماله
قله ترى وزير الاوقاف ، هويان
-------------على هنوفٍ .. تشبه ( البرتقاله ) !!
الجادل اللي مسكنه دون عمّان
----------------خشفٍ برى حالي .. برى الله حاله
ماهي مراقص راعي الذيب سرحان
---------------ولا هي سوالف صاحبي ( والبياله )
عجّل علينا بفزعتك يابن مشعان
-------------مادام .. فعل الطيب .. جاله مجاله
والا الجماله بس لشدوق سلطان
------------------ومستخطيٍ تكسب (بقرقط ) جماله
وش فايدة منصب ولافيه حلوان
-------------------جتك القصيده .. واعتبرهاْ استقاله



,,,,,,,,,,,,,,,,,,,,,,,


ياراكب اللي حركت وقت الآذان
.................................... من قاعدة بوش بمدينة صلاله
حربيةٍ صنْعت على دور ريقـان
................................... يومٍ كلينتون غاطسٍ .. بالجهاله
سواقها تشيكي خواله بريطان
................................... سلالةٍ ياحـــيها من سـلاله
ماكوله الخنزير ماياكل الضان
................................. ولاداج بالصمان يرعــى حـلاله
يلفي على حلو النبا طير حوران
................................. اللي نهـــار اللازمه .. ينعناله
الشاعر اللي عارفٍ فن الاوزان
.................................. عز الله انه .. نايفٍ .. بالجـزاله
معروف لاعـــديت ذربين الايمان
................................. من روس قوم .. وينعبونه خواله
ددسنك جتني ياسلايل كــحيلان
.................................. وعرفت مضمون الهدف بالرساله
كانك على المنصب وانا اخوك زعلان
....………………………… ابشر لك بمنصــب .. جـديدٍ بداله
عممت أنا للحزب في كل الاوطان
…………………………… اني عطيتك ، في غيابي وكـاله
وكانك من اسباب الغنادير سهـران
………………………… نوفي مع اللي .. وافيٍ في نضــاله
لا تشتكيلي من هوى خدر الاعيان
.................................. قلي تبيها .. كاش .. والا حواله ؟

موسى المشعان


,,,,,,,,,,,,,,,,,,,,,,,,,,,,,,

ياراكب اللي صوتها صوت بركان
................................ تحركت من قصر راع الجلاله
دبابة ضخمه ( وميد إن جابان )
................................. واعزتي للي يوقــف .. قـباله
سواقها جندي معه " دورة اركان "
................................. عنده شرابيك المعارك سهـاله
متخرجٍ توه زكرتي .. ووذيان ..!!
................................ متكفل ، بقهر المعادي .. كفاله
مايزعجه بالمعركه شوف جثمــان
............................... من لا ذبحه بالنار .. حول وغاله
مطنوخ ومروق وطايش وفسقان
............................... يرمي وهو يسمع أغاني أصاله !!
قل للزعيم ونايب الحزب كذبان
............................. منهو سعى للموت الاحمر سعى له
لاتحسبون المعركه لعب ( كنكان )
............................... ماهي سوالف يالا لا له .. يالا له
من يوم ضميتوا مع الحزب نسوان
................................. لا والله الا .. ناويين .. الفساله
حنا كوادر حزبنا من فئة ( man )
................................. كل ٍ على راسه مجعص عــقاله
غلطان يامعاند بحر فيه طوفان
.................................. وشجاب بنده ... ياولد للبقاله
والله لا اسفركم ورى حد جيزان
............................... ولا اسمح لواحدكم بشوفة عياله
مير اهجدوا مازالها امن وآمان
............................... قبل يتحرك عاد راعي الجـــلاله


خلف المشعان


..................................

ياركب من عندنا فوق.. له فان
.......... لونه حمر.. والكشن الابيض زهاله

دقة بلوفه كنها. صوت بلان
........." يمّه شحلات.... الزين مثل الغزاله"

بيبانه .. الله لايوريك .. جنحان
............ طير ٍ .. يخايل بالسحايب ظلاله

خطر عليه لايمسك خط ينعان
............. من كثر ماراعيه .. مرهى دلاله

بالعون ماهو بأيمن الخط خربان
............. يعجبك لامن الطريق استوى له

يسوقه اللى .. لاتولاه .. بطران
............. وش ماعطيته من لزوم ارتكاله

حمله ثقيل من الدناميت .. مليان
.......... الموت الاحمر .. لا مشى ماطراله

ماغمض عيونه على الدرب نعسان
......... ومن الفسق يسمع شريط لـ فضاله

حط العدو حزب الـ مساكين نيشان
.............. كاتب على التنده قرار الازاله

حتى يخلى حزبهم مثل الافغان
.............. متطشرقين وكل واحد لحاله


رايد العنزى

,,,,,,,,,,,,,,,,,,,,,,,

جو الملا عب.. تو يانايبي زان
.................................... وكل كتب يانايبي .. مابداله

لايزعجك عارف ورايد وسلطان
.................................... وخليف مع منصور مالك وماله

لاصار حزب وقايد الحزب فلتان
.................................... وحزبه مكوّن من رخيص العماله

عارف نعرفه ياولد دوم فقران
.................................... لو فيه .. نفع مدورٍ .. نفع حاله

كانه .. يدوّج بالدول داج سكران
.................................... عاله ومنهو يتبعه .. صار عاله

خله يروح لديرته ( بأم درمان )
.................................... غديه يلقى من ورا النيل ( خاله )

ورايد يذرّح بالقريات قفصان
.................................... وخلف .. خريشٍ مايداني ظلاله

ومنصور دايم في مساعيه غلطان
.................................... شاف القصيد ويحسبنّه ( مقاله )

وسلطان عقبي .. صايرٍ مسلط لسان
.................................... نسى زعيمه مع حقوق الزماله

يانايبي حضّر .. معي كل .. شيطان
.................................... شكل القضيه .. يالبناخي طواله


موسى المشعان

,,,,,,,,,,,,,,,,,,,,,,,,,,,


يا راكب اللي منطقه نار شكمان
.................. GM ابوه و " سام " طبع لخواله

دقـّـة بلوفه كنّها .. تمتمة جان
.................. لا من مشى يجفل من اللي طراله

حماره اطرى من حمار " ام نعمان "
.................. حتى الرفارف كنّها ردوف هاله

ياخذ سماحة عمّـنا..الشيخ لقمان
.................. مع ملعنة جدّ اليهود ... الحثـاله

لا شفت وجهه كنّه وجَـيه خوّان
.................. و ان بان لك جنبه يردّ الجماله

و ياراكبه وصّل سلامي لذيبـان
.................. الشايب اللي لا زهم .. ينعناله

قلّه ترى قايد على العهد ماخان
.................. واللي يخون العود واااااعزتاله

نائب رئيس وكتفي يشيل نيشان
.................. يثور لا منّ الخوي شاف حاله

والشلّه اللي زودها نقص يافلان
.................. لوهم كثير ،الهرج عند الصماله

قلته وانا لا كنكنو قلتلك كان
.................. ما همّني .. قل الوفا و النذاله


قايد الحربي



,,,,,,,,,,,,,,,,,,,,,,


لبيك يالنايب ! على مر الازمان .......
....... حزبك عسى بالعز تقوى حباله!

تقدموا..في حزبكم مجد الاوطان .........
.... توحيـــــــد أمّه ! في خلود الرساله!

وحنّا وراكم ! عند روغات الاذهان .....
..... كلا يمارس واجبه في مجاله!

وزارة الصحّه تجي يوم الاكوان ..
........... للفيلق الرابع ! و تسند قتاله !

لكن وزارتنا.. أبد مالها شان ........
...... . إلا الرئيس! ونايـبـيـنه .. بداله !

الريّـس القايـد حبـيـبك وضيحان .......
..... له مركـزا طبـي يخصّه لحاله !

أمّـنت له طـاقم.. تقل ورد ريحان ......
....... أول ملامح صحته.. في دلاله !

سـلا مة القاده ..أحاسـيـس وابدان .....
..... محـور ثـوابـتـنا! وروح البسـاله!

هـذا بيـان اللي بـتـعيـيـنكم بــان .....
...... منصبك لـيّن موقفه.. واستماله!

وبـدّ ل قناعاته..! وشعره والاوزان .....
.... تحيا العدالـه! إيــه .. تحيا العداله !


د . سالم الشراري


,,,,,,,,,,,,,,,,,,,,


خاصه بمنصور الرسلاني : من موسى المشعان

تبي اتّمردح .. وين تبغى تمردح
........................... ياما نصحـــتك ماتطـــيع النصيحه

قلنا لك ابعد غاد ، جيت اتّمدّح
............................ وازعلتني وهاضت عليك القريحه

لو انت باقي .. بالــمقــال اتّندح
............................. تكتب على ماطاب لك ، بالفصيحه

لكن قردك الله .. وجيت اتّســدّح
............................. والله لا قلطك .. لوزيري ذبيحـــه

يامدور الدحه .. أبشّرك .. بالدّح
............................. أبـ اشلعك من حزبهم , شلع شيحه


موسى المشعان



,,,,,,,,,,,,,,,,,,,


خاصه برايد العنزي : من موسى المشعان

الله قردك وربعك أقفوا وخلوك
................................ راحوا بحمد الله وخلوك ليه
غشوك في منصب بالاعلام واغروك
................................ وانا وزير اعلام حزبي بنيه
يالربع نايبكم ربطناه بسلوك
.............................. سجين مايطلع ، لعيد الضحيه
خط الخطر عندي على طول مشبوك
............................ واليانخني البيــض أذبح سريه
ياللي مجمع لي معك كم صعلوك
............................ تشاهدوا جــــتكم حياض المنيه
جتكم صواريخٍ يسمونها ( هوك )
............................ مني لحزبك .. كل واحد هــديه

موسى المشعان

,,,,,,,,,,,,,,,,,,,,,,,,,,,,,,

مجاراة قايد الحربي له :

تحيا الزعامه و الزعامه لها صكوك
................................. و اللي جلس للحكم جته البريّه
ما هي زعامة ودها ، جبيها ، دوك
................................. اللي تنـثـّـر... عفشهم بالفضيه
صاحوا و ناحوا ما لقوا غير" مبروك"
................................. و اللي برك ما قام ينخى خويه
الزمره اللي كلها .. ظن و شكــوك
................................. دزوا رسايلهم و جابوا العجيّه
الترفه اللي شعرها .. كـنـّـه الشوك
................................. تدبل كبود ، و تلعــن ام القضيه
حزب اللحى حفّ الشوارب على البوك
................................. كل ٍ يدوّر كسبـتـه من رقـيــّه

,,,,,,,,,,,,,,,,,,,,,,,


قصيدة سلطان الربيع


لاجىء سياسي جيت من حزب الاوباش
.............................. من حزب عارف جيت حزب الدواهي

من يوم شفت الوضع في حزبهم ( ماش )
.............................. حزبٍ ضعيف .. وريّس الحزب فاهي

مادام .. ريّس حزبهم .. صار .. مطراش
............................... عند ام طارق .. قايد الحزب .. طاهي

وشوفة عيوني .. نايب الحزب .. فراش
............................... خلف يدير بمجلس ( العود ) شاهي

ما الوم .. باقي حزبهم .. يوم .. ينحاش
............................... او اصبحوا .عمال .. وسط المقاهي

صارت حكاية .. حزبهم .. طاش .. ماطاش
............................... حزبٍ .. تفكك والخلل فيه .. راهي

صدقت انا في كذبة .. ( الشيخ .. منقاش )
............................... واثره .. مسيكينٍ .. عن الحرب لاهي

جيت ابقدّم .. طاعتي .. والولا .. كاش
.............................. لحزبٍ عظيم .. وشد . كل .. انتباهي

ياسيدي .. حزبك .. ترى ينعش .. انعاش
............................... سمعاً .. وطاعه .. وانت آمر وناهي

المعركه .. دارت .. وابي منك .. رشاش
............................... وانا .. لها درعٍ .. بوجه .. الهياهي


سلطان ربيع


>>>>>>>>>>>>>>>


رد خلف المشعان على سلطان الربيع

( شوباش ) ياحزب المساكين ( شوباش )
.......................... ( باهي ) عليكم لاجئ الحزب ( باهي )

تراه مفطومٍ على كياس .. فش فاش
............................ ومن صغر سنه ... ضاري .. ٍ للملاهي

ارهوله السيرلاك .. يالربع بخياش
.......................... وعصيره ( السن توب ) .. خلوه راهــي

عظم ٍ لفا كم منعرش مابه عراش
........................... به حزبكم .. بلعون .. ماهو .. امتباهي

ياخليف ابو وضاح ، وشفيه منداش
............................ ليه اتجاهه .. صار ... عكس اتجاهي

الله بلاه .. بشــلةٍ كلها .. اكباش
............................ بقرونهم .. يحول .. قاعد .. يضاهي

ياويلهم من ضرب مطلق الياشاش
........................... وخلف شياطينه .. بعد مثل مااااااهي

وعزي لهم من صفعة حسين لاهاش
............................. حاميهم الله .. بالتراويح .. ساهي

ورائد مثقف بس شايل له .. كلاش
........................... مستقصد سليطين ... راعي الهياهي

خلف المشعان

>>>>>>>>>>>>>


قم سو ياطارق من الكيف فنجان
........................... قرب فناجيلك وشيل البياله
الكيف سودا سيدة كل الالوان
....................... في شرع منهو ناويٍ له رزاله
حاولت انام ومجتمع الف شيطان
........................ نومي بعيني ، والمقيريد شاله
ودعت انا عيالي وودعت الاخوان
..................... وسريت دربٍ يتعب اللي سراله
ركبت من كثر الزعل وارد المان
...................... أصفار عداده ، وتحت الكفاله
نصيت من زود السطر ديرة ايران
....................... مسيتها والصبح حروة صلاله
نخيت فرس وجبت لك مارد الجان
...................... يعني بصراحه ناويٍ لي نذاله
نبي نسوي العود ، ياخليف جثمان
...................... وابي اكفن عودهم في شواله
والنايب الاول لياقام ( صردان )
.................... من زود خوفه يعلم الله بحاله
والنايب الثاني نناديه ( صمغان )
..................... ابي أصمغ شلته .. من خلاله
لايخدعونك حربهم رقص هبان
...................... ( معلقة وتزهين .. يالبرتقاله )

عارف سرور

>>>>>>>>>>>>>>>>>>

عا رف سرور يستفزع خلف الشعان

جيتك وأنا ياطيب الساس فرّعت
..........فرّع فديتك صار جدع الجنايز

يومك زغير بكل حاجه تمتعت
..........واليوم عمرٍ مالنا فيه عايز

تركت هالدنيا لغيرو وودعت
...........مادمت جنبى ياخلف دوم فايز

شرّع معى يامسندى يوم شرّعت
............واللى يجيب الروس ياخذ جوايز

ياقو ضرباتك وأنا اعرفك لاأوجعت
.............مبطى على تاج القواصيد حايز

طبّعت ناس وماخبرتك تطبعت
..............لو كايزو يالمرتكى ماتكايز

لو إتنحنح قالوا الناس ابدعت
...............من كثر ماتعجِز عيال العجايز
لاتاخذك رحمه وأنا يوم فزّعت
...............أبيك تصلبهم على اربع ركايز

عارف سرور

<<<<<<<<<<<<<<<<<<<<<
رد خلف المشعان

اشهد اني لا فزعت افزع صحيح
................... ويلهم من بطش سيفي ويلهم

كم قتيل وكم صويب .. وكم جريح
..................... اكثر الفريس .. بيّد حيلهم

يازعيم الحزب ... ارقد واستريح
................... ليلهم ياليل .. ماطول ، ليلهم

نايبك فوق ( المشهر ) مايطيح
................... والله اني .. حالفٍ ماآويلهم

جهزو للعود من ضربي ضريح
................... ونادوا النسوان تاخذ خيلهم

كم خريش ٍ يوم اجي يمه يصيح
................... سيل نار وجيت أبطمر سيلهم

لايهمك من يكيلون .. المديح
................... والله اني غير انقّص ، كيلهم

من نجا من ضربتي يحيا كسيح
.................. وان نخيت حسين واعزي لهم

مابقى الا سيف مطلق يستبيح :
.................. حرمة الشهر بجنازة .. فيلهم

خلف المشعان


التعديل الأخير تم بواسطة سعد الشدادي ; 27 Nov 2005 الساعة 06:54 PM

رد مع اقتباس
قديم 27 Nov 2005, 07:33 PM [ 2 ]
عضوة متميزة

تاريخ التسجيل : Jan 2005
رقم العضوية : 3
الإقامة : kuwait
مواضيع : 772
الردود : 15957
مجموع المشاركات : 16,729
معدل التقييم : 25المستحيلة is on a distinguished road

المستحيلة غير متصل




امتعتنا سعد ...
تسمح لي بالمناقشة::
وش قصة البدو مع ياراكب ياراكب ..تقل ماصدقوا بالسيارة ؟؟
اليك ..


ياراكب اللي صممته الولايات =الي امريكا في المصانع تصبه
تصميم شركة ((كلهان ))الخواجات=مورده من ((يون يرك ))ونصبه
اكبر مكينه سقطت للونيتات=خمسة صفر واحد، ودية ودبة
مايصدر الا عن طريق الوزارات =حتى سباريته تجي في سطبه


ياراكب اللي حرف( جي ام) يزهاه=لا دق سلفه غادي له هديري
مفحوص الباككس والزيت مع ماه=ومعلق بين القزوز السبيري
لا دق سلفه وللبساتن مصفاه=قامت بلوف النار تزفر زفيري

ياراكب اللي عارفن مبلغه بيش=عزاه للمفلس يمره على ماش
مايشتريه اللي اموره تناويش=متعند راعيه يبغى الثمن كاش
مازاودوا به بالحراج المغاشيش =ولا دخل التصليح في وسط الاوراش

وامتد الامر الى الطائرة ,,فأنظر ::



توقيع : المستحيلة



الأعلى رد مع اقتباس
قديم 27 Nov 2005, 07:56 PM [ 3 ]
نائب المشرف العام


تاريخ التسجيل : Mar 2005
رقم العضوية : 106
الإقامة : saudi arabia
مواضيع : 478
الردود : 33237
مجموع المشاركات : 33,715
معدل التقييم : 25عبدالله الشدادي is on a distinguished road

عبدالله الشدادي غير متصل




مشكور ياسعد على الموضوع اللي يوسع الصدر صحيح

توقيع : عبدالله الشدادي
التعديل الأخير تم بواسطة عبدالله الشدادي ; 27 Nov 2005 الساعة 08:00 PM
الأعلى رد مع اقتباس
قديم 28 Nov 2005, 07:49 AM [ 4 ]
عضوة متميزة

تاريخ التسجيل : Mar 2005
رقم العضوية : 115
الإقامة : saudi arabia
مواضيع : 398
الردود : 5374
مجموع المشاركات : 5,772
معدل التقييم : 25نــــــدى is on a distinguished road

نــــــدى غير متصل




الله يعطيك العافيه اخوي سعد

واحه ارتاحت فيها النفس قليلا مع فكاهة الابيات الشعريه


الأعلى رد مع اقتباس
قديم 28 Nov 2005, 09:36 AM [ 5 ]


تاريخ التسجيل : Oct 2005
رقم العضوية : 597
مواضيع : 119
الردود : 1287
مجموع المشاركات : 1,406
معدل التقييم : 25شذى is on a distinguished road

شذى غير متصل




مشكووووور اخوي
ابداع جميل
تحيااااااااااتي


الأعلى رد مع اقتباس
قديم 28 Nov 2005, 08:50 PM [ 6 ]


تاريخ التسجيل : Aug 2005
رقم العضوية : 359
مواضيع : 46
الردود : 1438
مجموع المشاركات : 1,484
معدل التقييم : 25عبدالعزيز عايض is on a distinguished road

عبدالعزيز عايض غير متصل


مـجـمـوع الأوسـمـة : 1
عضو مخلص




مشكور ياسعد الشدادي

توقيع : عبدالعزيز عايض

................................................
الأعلى رد مع اقتباس
قديم 28 Nov 2005, 09:07 PM [ 7 ]
عضو متميز


تاريخ التسجيل : Sep 2005
رقم العضوية : 503
الإقامة : saudi arabia
مواضيع : 220
الردود : 8325
مجموع المشاركات : 8,545
معدل التقييم : 25البرنس is on a distinguished road

البرنس غير متصل


مـجـمـوع الأوسـمـة : 5
المشاركة في احتفال المنتدى

الاحتفال بالعام السابع

الإداري المميز

التواصل

عضو مخلص




مجموعه قصائد رائعه سلمت أخي سعد على هذا الاختيار الرائع
وبنفس الوقت تونس وتوسع الصدرمشكوووووووروالله يعطيك العافيه


توقيع : البرنس









الأعلى رد مع اقتباس
إضافة رد
الذين يشاهدون محتوى الموضوع الآن : 1 ( الأعضاء 0 والزوار 1)
 
المواضيع المتشابهه
الموضوع كاتب الموضوع المنتدى مشاركات آخر مشاركة
×?° شنبك اللي تفاخربه..ترى اللي جابته حرمـه ×?° رنين الشوق قصائد مختارة 25 16 Aug 2009 02:48 PM
شنبك اللي تفاخر به ترى اللي جابته حرمه بنت المملكة قصائد مختارة 13 21 Sep 2007 09:54 PM
احب احذر والرجا ان اللي يقرا الموضوع ينبه اللي يعز عليه واللي مايعز... المستحيلة القسم العام 8 15 Jan 2007 09:38 PM
من اي شجرة انت؟ بحر القسم العام 7 20 Sep 2005 06:39 AM
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

04:52 PM
Powered by vBulletin® developed by Tar3q.com