البارحة ليلي قضيته خلاوي+الشيلة

الـبـارحـه لـيـلـي قضـيـتـه خــــلاوي
بالخـايـع الـمـطـور شـبـيـت ضـــوي
من هاجس جاني مع العصر ضاوي
واليا ضوا الهاجس عفس كل جوي
لاضـاق بالـي رحـت مـثـل العـمـاوي
مافـادنـي لـــو قـلــت لـيـتـي ولـــوي
يودينـي الهاجـس شمـال الـصـداوي
ويجيبنـي ليانـي علـى جــال ضــوى
انـشـهــد ان الله خـلـقـنـي شــقــاوي
يـامـا عـذلـت القـلـب ويـقـول تـــوي
وعــز الله انـــي بالتـجـلـد قـصــاوي
اجحـد واجاحـد علتـي مــن سـمـوي
وغديت مثل اللي عن العـرق كـاوي
بالمـخـطـر الاشـقــر ولاه الـمـكــوي
واصبـح عـقـب كـيـه مصـفـروذاوي
لـه ونــتٍ باقـصـى ضلـوعـه تــدوي
علـى الـذي شـفـقٍ علـيـه وشـفـاوي
علـيـه قلـبـي قـضـنـي مـــن عـلــوي
شقثـت عيونـه مثـل عـيـن الـنـداوي
غــدا عـلـى قلـبـي عقـايـب وســوي
اليا قلـت لـه مانيـب منـك امتشـاوي
يـقـول قلـبـي مــن غــلاك أمـتــروي
وطـال الزمـن والـكـل مـنـا رجــاوي
وحبـل النشـب مـع العقـود أمتطـوي
وراس النشب عودٍ على الشر ناوي
بالعـود الاقـشـر وش تبيـنـا نـسـوي
يـاعـل مـالــه عـنــد ربـــه عـــراوي
ا لا ان يتـوب ويـتـرك الـلـي يـسـوي

تسلم يديك ويسلم ذوقك
يا نورة
قصيدة وشيلة أكثر من رائعة
احسنت انتقائها لنا

نوره الله يعطيك العافيه والصحه

شيلة جميله ونقل اجمل تسلم يمناك

يسعدني جدا حضوركم دمتم بكل خير تقديري

لاعدمت حضورك المعطاء والمميز
غاليتي أدام الله على رووحك السعاده