ناسٍ بلاها الله ببلاك بيري

الناس وش صابها تهجر مضاجعها=سؤال للمجتمع ان كان به خيري
هالخدمه اللي غزتنا كيف نردعها=حنا بلانا الله ببلاك بيري
والله مكذب عليكم قصتي معها=بقصها دون كذب ودون تزويري
في البرج انا شفت بنت وقمت اتابعها=تبكي وتضحك وتاكل جبنة الكيري
تبكي وتضحك قهر مع روس اصابعها=تكتب وترسل شغلها بنق عسيري
من دافع انساني احاول ارجعها=والله ماني بنذل ولاني مطيري
حاولت اخفف عن الهبله وادلعها=شيهانة البرج طير الغير او طيري
مغسولة المخ ماقدرت اطوعها=كني اكلم غريقٍ طاح في بيري
ادري بعضكم يبا يقول صانعها=لامشكله المهم انا وضميري
اخذت زقاره من الهندي وولعها=وتمصها من يده من دون تفكيري
بغيت من غيرتي اقوم واصفعها=لاكن ماني وكيل ادم على غيري

ههههههههه

صح لسانك و الله لا يبلانا
لاهنت يا الذيبان

آنشهد نآسً بلاها الله ببلاك بيري .. في الصميم

صح لسانك .. لاهنت عالقصيدة يآذيبان ..

شاعرنا المبدع
صورت حال الناس مع البلاك بيري أبدع تصوير
بارك الله في فكر أنت قائده

صح لسانك
يا انحش جيتك

على القصيده الجزله


ولآهنت ولآهآن غآآليك

ههههههههههههههههههه

قصيده رائعه ,, صح لسانك وعلى شانك

ربي يسعدك

ههههههههههه والله ما أنت سهل يا أبو محمد
أنت بس وش ودّاك للبرج ومتابعة فلانة وعلانة؟



والله إنك صدقت
الناس بلاهم الله بالبلاك بيري والآي فون
وضاعت علومهم كلها
وضاعت حلاة المجالس وسوالفها

ههههههههههههه
قصيده رائعه
ابدعت صراحه وصورت مجتمعنا وش صار فيه

اسعد الله جميع اوقاتكم
ضيعت وقتي بالغزل نسيت ان فيه مهم وفيه الاهم
السلطان ليه مستغرب يابو عبدالله العمل يجبرني على مرور كل الاماكن
صحة ابدان الجميع بدون عدد وتخصيص
الله يحفظكم ويرعاكم تقبلو تحياتي

صح لسانك اخوي انحش جيتك

وكفييت وفييت