الرد على زعيم الحب

		المشاركة الأصلية بواسطة : جزاء دهيس اقتباس
	http://www.shdadeen.com/vbq/showthread.php?t=11283 قبل البدع والرد والاخذ والهات=وقبل الهجوس اللي تهافت عليه ابدا بذكرك يابديع السموات=الواحد المعبود رب البريه اللي كتب في اللوح شرعه بآيات=نزل بها جبريل على نبيه

سبحانه وتعالى..جل شأنه!!
مطلع رائع يابو دهيس..

		المشاركة الأصلية بواسطة : جزاء دهيس اقتباس
	http://www.shdadeen.com/vbq/showthread.php?t=11283 قريتها مره ومره ومرات=حسبتها سهله وصارت قضيه فيها السؤال الصعب يبغىاجابات=فيها حكاية مجتمع سرمديه يشمل مفاهيم ويحوي قناعات=ويشمل عبث واضح ولعبه ذكيه اشياء غلط يحتاج لاثباتها اثبات=وحقايق صارت مبادي غبيه

أستقراء مبدع..وسرد غاية في الترتيب ويدل على الفطنة..
وقراءة مابين الأسطر وماخلفها!!
وتلاعب لفظي بديع!!

		المشاركة الأصلية بواسطة : جزاء دهيس اقتباس
	http://www.shdadeen.com/vbq/showthread.php?t=11283 سيرت في نجد ورقيت السروات =والتهم درته والفياض العذيه انشد عن اهل الطيب واهل المروات=اهل الوفا واهل الشرف والحميه راحوا بدرب صار كله متاهات=وصارت منازلهم بعدهم خليه ورويبضه يبني قصور وعمارات= والشيخ حول مع ردوف المطيه وين الكرامه لو بمفهوم نعرات؟=وين التكاتف لو يقولوا حميه؟ وين الكرم لوقالواالناس عادات؟=وين ابتسامات الوجيه الرضيه؟ وين الغرام العف لو فيه زلات ؟ =وين السوالف والعلوم الطريه؟ حتى ولو كانت مجرد حكايات=اليا اجمعتنا صبة الشاذليه ولوكان منها ماكسبنا عقارات=جينا بها عرضه وجت سامريه (وامس الضحى عديت روس الطويلات)=(وياونتي ياساره الوازعيه) (ويوم الركايب عقبن خشم ابانات)=( وعظم القثامي طاح في الخنفريه) هذا ملف وفيه غيره ملفات= تاريخ امه مسلمه يعربيه من شرق تبدا من حدود الامارات=والغرب تاصل لا جزر ماربيه الدم واحد لكن قلوبنا اشتات=والاسم واحد بس بالتابعيه والدين سيس والمبادئ شعارات= والشعب ضايع بين هذي وذيه ياللاسف كانوا على الارض سادات=واليوم صاروا للاعادي ضحيه وصارت مهمتنا ننفذ قرارات=ودمى تحركها ايادي خفيه

هنا التاريخ يابو دهيس...ممتزج بالجغرافيا..
والانثروبولوجيا...والأدب..وفطنة الشاعر وسعة أدراكة..
والتوظيف الأعجازي للمفردة!
هنا الأبداع بكل صوره ومعانيه!!
الله عليك من شاعر
الله!!

		المشاركة الأصلية بواسطة : جزاء دهيس اقتباس
	http://www.shdadeen.com/vbq/showthread.php?t=11283 واخذت لي في كوكب الارض فرات =ابغى اجابه شامله منطقيه قابلت سيد قطب.ناظرت ديدات= قريت قصة تاجر البندقيه ورحت الطريق اللي يودي لايلات= وتهت بحضارة بابل السومريه ورجعني التيار نحو البدايات= ومن رحلتي عودت اصفق يديه والواقع اصعب بس هذي فلاشات= واخر فلا شاتي سلام وتحيه

فلاش ثقافي واسع الأدراك..
هنا الشعر يمتزج بالثقافة..
والعلم...والخيال الواسع..
الحقيقة
لن تدفع لي فلوس
على الأشادة بشخصك وبشعرك..ولكن أقولها كلمة حق..
أنت شاعر من الطراز الأول..
صدقيني لايكتب قصيدة بهذا المستوى سوى شاعر مميز
أتفق مع بدوي بأنك شاعر الشدادين الأول...
بدون منازع...
فرضت نفسك بقوة بيتك وتقافتك..وتواضعك..
تحياتي لك ملايين...
والى الأمام!!

سعود سليمان

لن اكتب في هذا الشهادة شكر
لانني مهما كتبت لن افيك حقك
انت وبدوي فاهم والجميع هنا بدون استثناء
لك كل التقدير ياكاتب المستحيلات

تكفووووون يالربع جزاء وينه

لرفع وبقوة
لما تحمل من نظرة تستبق الاحداث
قد يكون قد خفي على البعض
ماتحمل من معاني قوية

فشكرا لك زعيم الشعر وجزاء الشاعر الكبير

الاخ العزيز

جزاء الحارثي

صح السانك وصح السان زعيم الحب

صوت وصدى رائعان حبك وسبك

قوة وجزالة بدع ورد

تقبلوا احترامي وتقديري

ابوعبدالمجيد البطاوي

		المشاركة الأصلية بواسطة : جزاء دهيس اقتباس
	هذه قصيدة الشاعر زعيم الحب بعنوان خاص لجزاء دهيس http://www.shdadeen.com/vbq/showthread.php?t=11283 بسم الله الرحمن الرحيم السلام عليكم ورحمة الله وبركاته هذه القصيده موجهه للشاعر جزاء بن سفِر واتمنى ان تعجبكم ويكون رد ابو سفِر مثابة الدواء للداء يابوسفِـر ياليـت للعقـل فـرمـات=لمسح بـلا راسـي وشوفـه كفيـه وليت الليالي يوم دار(ن) سريعـات=ولا شفت فـرخ البـوم تعـلا بنيـه والنذل ترفع له من البيـض رايـات=هجرن تقلب وش بقـا مـن رزيـه طالت يدين الـي يديهـم قصيـرات=والحـر متهومـن بنفسـن بـريـه ليـت الليالـي وقفـن للبـطـولات=لهل المهـار أهـل القنـا والحميـه بسيوفهم كم قصـرو مـن طويـلات=ورديهـم فالضـد ينحـر سـريـه واصغر مغازيهم على الناس صعبات=هـدت ولـد شـداد سقـم المنـيـه هدات حـر(ن) مخلبـه فاالسمينـات=اليا ضـرب يضـرب بكفـن قويـه لو للزمان لسان جـاب الجزيـلات=افعالنـا ماجـت بـحـظ وعطـيـه فـوق الاعنـه مبعديـن المسافـات=يومـن كلـن يفتخـر فـي غزيـه حنا غزينا البيد سهل (ن) وعسـرات=قومـن مسماهـم بقـوم الـرويـه تشهد لهم في ساحت الحرب صولات=اليـا انتخـو كلـن ينجـي خويـه أهل الكرم يـوم المـوارد قليـلات=مـادورو فالطـيـب رد الجـزيـه أهل الوفا والجود واهـل المـروات=لطامت العايـل سبـاع(ن) ضريـه واليوم طعـم المـر ذقنـاه مـرات=مـن يـوم سـادو كاسبيـن الدنيـه ومحمد المختـار ختـم الرسـالات=قـال الحديـث يجيـك تالـي بليـه تال الزمان تشوف بالوقـت ميـلات=ارويبضـه مابيـن صبـح وعشيـه يسود ويذكر لـه فعول(ن)وقـالات=حزني عظيم (ن) والمصيبه عصيـه قبل الختام وقبـل طـي السجـلات=وجهتهـا واثنيـت فيهـا التحـيـه لابو سفِر وان صار بالوقت ضيقات=عطنا عن الموضوع وصفـه جريـه رب الجروح الي عظـام وعطيبـات=تلقا الـدواء وتمـوت موتـه هنيـه وهذا الرد الذي اتمنى ان يرضي الجميع قبل البدع والرد والاخذ والهات=وقبل الهجوس اللي تهافت عليه ابدا بذكرك يابديع السموات=الواحد المعبود رب البريه اللي كتب في اللوح شرعه بآيات=نزل بها جبريل على نبيه ومن بعدها جاني على الموقع ابيات= ابيات من كل الشوايب نقيه ابيات مرسوله من الذات للذات=ومظرفه بازكى سلام وتحيه فيها زعيم الحب يبغى افادات=عن وضع متلخبط وعله عصيه قريتها مره ومره ومرات=حسبتها سهله وصارت قضيه فيها السؤال الصعب يبغىاجابات=فيها حكاية مجتمع سرمديه يشمل مفاهيم ويحوي قناعات=ويشمل عبث واضح ولعبه ذكيه اشياء غلط يحتاج لاثباتها اثبات=وحقايق صارت مبادي غبيه سيرت في نجد ورقيت السروات =والتهم درته والفياض العذيه انشد عن اهل الطيب واهل المروات=اهل الوفا واهل الشرف والحميه راحوا بدرب صار كله متاهات=وصارت منازلهم بعدهم خليه ورويبضه يبني قصور وعمارات= والشيخ حول مع ردوف المطيه وين الكرامه لو بمفهوم نعرات؟=وين التكاتف لو يقولوا حميه؟ وين الكرم لوقالواالناس عادات؟=وين ابتسامات الوجيه الرضيه؟ وين الغرام العف لو فيه زلات ؟ =وين السوالف والعلوم الطريه؟ حتى ولو كانت مجرد حكايات=اليا اجمعتنا صبة الشاذليه ولوكان منها ماكسبنا عقارات=جينا بها عرضه وجت سامريه (وامس الضحى عديت روس الطويلات)=(وياونتي ياساره الوازعيه) (ويوم الركايب عقبن خشم ابانات)=( وعظم القثامي طاح في الخنفريه) هذا ملف وفيه غيره ملفات= تاريخ امه مسلمه يعربيه من شرق تبدا من حدود الامارات=والغرب تاصل لا جزر ماربيه الدم واحد لكن قلوبنا اشتات=والاسم واحد بس بالتابعيه والدين سيس والمبادئ شعارات= والشعب ضايع بين هذي وذيه ياللاسف كانوا على الارض سادات=واليوم صاروا للاعادي ضحيه وصارت مهمتنا ننفذ قرارات=ودمى تحركها ايادي خفيه وحاولت ادور حل جهزت قوات= وصفيتهم عندي سريه سريه واخذت لي في كوكب الارض فرات =ابغى اجابه شامله منطقيه قابلت سيد قطب.ناظرت ديدات= قريت قصة تاجر البندقيه ورحت الطريق اللي يودي لايلات= وتهت بحضارة بابل السومريه ورجعني التيار نحو البدايات= ومن رحلتي عودت اصفق يديه والواقع اصعب بس هذي فلاشات= واخر فلا شاتي سلام وتحيه الشاعر جزاء دهيس

لله دركم من شعار فعلاً أستبقتو الأحداث مثل ماقال الأخ سلطان

وما كان بين طيتها تبين وبان الآن حتى للعيون المرموده

صح لسانكم وتبقون رموز للشعر والمرجله والحميا

لاهنتو وأدري بأنكم غير متواجدين مع العلم بأني أول مره أطلع عليها

( وثر المرض مبطي ) لاهنتو والله لايلومكم ياعيال الشايب في

وقتنا اللي حول الطيب مع ردوف الذلول ولزم الرويبضه ظهر الشداد