|
|||||||||||||||||
ســــــــالفة نورة ((تصميم))
هلاوغلا اسعد الله اوقاتكم بكل خير هذا تصميم لقصيدة الشاعر محمد عويضة سالفة نورة المرايا .. صدق يطعن .. في نوايانا الدفينة طعن صادق .. يفضح الزيف وسنينة المرايا والله العالم .. هي أصدق شي .. في عالم كذوب في زمن مظلم وظالم .. ماتلاقي ضي .. ينبض بقلب الدروب المرايا .. عشق ساكن داخل قلوب الكثير من الصبايا إلا نورة .. بنت غاية في الجمال .. حسنها ياخذك من يمناك .. لحدود الخيال يوم نادت أمّها وبصوت عالي : ( يمّة .. يمّة بسرعة تعالي ) .. لمّا جتها أمّها .. قالت : علامك ؟ نورة قالت : يمّة أرجوك بقيامك .. إبعدي هذي المراية.. ابعديها .. وإلا أقلّك .. يمّة تكفين اكسريها .. ما أبيها .. ما أبيها .. ولو سألتوا .. ليه هي قالت كذا .. وإيش العلاقة ؟ قلت شوفوا .. ماقدر أخبّي لذا .. نورة (معاقة) ! ******* شلل نصفي .. سرق منها طفولتها .. سرق حتى ابتسامتها .. تشرّب جسمها الطاهر على غفلة ولا قدّر برائتها وهي طفلة حواليها كثير أطفال .. بنات العم .. والجيران .. عيال الخال .. تراقبهم .. تتابعهم تشوف (أحمد) وهو يسحب شعر (سلمى) و(علي) يلحق (مها) وبيده مسدس ما و(خالد) قاعد يحاور (حسام) .. بعلبة البيبسي ويكسر ظهر هالمشهد .. حزن (نورة) وهي تبكي على الكرسي تحاول قد ماتقدر .. لجل تخفي مدامعها وثار الدمع واتحدر .. وبدت رعشة باصابعها تزم إيدينها لكن .. يديها ماتطاوعها **** وتكبر نورة ويكبر .. معاها الهم ويجري حزنها الأقشر .. بمجرى الدم وياصل عمرها العشرين .. وفي هالعشرين .. تغيّر كل شي فيها .. ملامحها .. - مع إن الحزن ماسحها - أمانيها .. - ولو ماعاد تعنيها – سوالفها .. – بعد مالهم والفها - في هالعشرين .. على نفس الألم تصبح .. وعلى نفس القهر تمسي .. على الكرسي .. !! في هالعشرين .. أبد ماتابعت موضة .. ولاتعرف (جيفينشي) .. أو (كريستيان ديور) أو (فيرساتشي) وعروضة ولا مكياج وإكسسوار .. وحتى عطور .. تضج .. تثور إذا قالوا لها .. (نورة .. شرينا لك عطر .. شوفي بعد فستان .. يانورة إلبسيه ألحين .. ترا بيطلع عليك جنان .. بسرعة بس لاتبطين) تجاوبهم : (بسرعة ! .. بسرعة ليه ؟ وإلا لمين ؟ وهو من كثرة العرسان ! ) تقاطعها أمها : (نورة .. وش تقولين !! ) ترد نورة : (( يبه .. يمّه .. كفاية وإسمعوني زين .. أنا عمري ترا عشرين ترا ما عادني طفلة .. ياناس المسألة سهلة .. مثل ما (1) و(1) يساوي (2) معاقة .. خير ! ماتفرق .. - وفي هاللحظة .. بدت لحية أبونورة .. تلم الدمع من عينه .. وبدت تغرق !- يبه .. يمّه أنا مليت من روحي .. نعم مليت تعبت أداري جروحي .. وياما أخطيت خطاي إني تصنّعت السعادة .. لجل خاطركم لجل ماتـنجرح فيكم .. مدامعكم يبه تدري ؟ .. كنت أتمنى من صغري .. وهذي أمنية عمري .. وإلا ألحين هي منوه تمنيت أحضنك بالليل .. إلا من جيت من شغلك أبوسك فوق راسك حيل .. وأفك الجزمة عن رجلك أروح أجيبلك قهوه .. وأجيك أجري وحتى إنتي يا أمّي .. لو تدرين كم عانيت .. كم أتمنيت .. أخفف عنك شغل البيت مثل ما ( نجوى) .. تساعد مرت عمّي يبه .. يمّه تراني ضقت وربي ضقت من نفسي ياربي شقد طفشانة .. وتبغوني بعد ألبس !! ألبس من علشانة ؟ أبد لاتصدقون إني .. أبتزوّج وأجيب عيال والله عال !!! من إللي في الزمن هذا .. بيرضى أكون له زوجة ؟؟ ويتزوّج معي كرسي !! يبه إنسى .. وحتى إنتي دخيل الله يايمّه .. بعد إنسي )) وهذي سالفة نورة .. ياهي بنت مقهورة .. مضى من عمرها عشرين .. وهي باقي على هالحال حكايتها إنتهت ألحين .. وخلّت داخلي ثورة .. وأنا ما بيهدالي بال .. إلين أعرف .. من إللي بوقـتـنا رجّال .. ويتزوّج مثل نورة ؟؟
|
22 Feb 2006, 03:34 AM | [ 2 ] | ||||||
|
اختي
جنون هذه ليست نهاية الحياة لنورة فهناك الكثيرات لسن معاقات ولم يتزوجن اذا المسأله نصيب وعلينا التسليم به اليس كذلك او نفقد الامل وننعى الحظ ووالله ثم والله اني اعرف واحدة معرفة شخصية ومعاقة وتزوجت ولديها ولد هذااذا لم يأتي الآخر ومتزوجة من شخص ليس بة عيب لاخلقي ولا عقلي وعايشين حياة طبيعية شكرا لك على طرح هذا الموضوع الممتاز تحياتي |
||||||
22 Feb 2006, 08:13 AM | [ 3 ] | |||||||
عضوة متميزة
|
نورة تحمل في طياة جسمها ... روحا ولغتا لا نجيد الا الاعجاب بها ..
والاعاقة ليست نهاية المطاف... مأساة فتاة ..قد يلفضها المجتمع... |
|||||||
|
||||||||
22 Feb 2006, 08:37 AM | [ 4 ] | ||||||||
مؤسس شبكة الشدادين
|
قد تكون نهاية أو بداية لهذه الشخصية فالمسار لا يحدده إلا نوره قد لا يكون بالكيف تحديد المسار المطلوب لأن الأصل هنا هو النهاية بعد الجلوس على الكرسي لكن بالإرادة تُصنع البداية لحياة العزيمة والتغلب على الصعاب تصميم جميل ورؤية قوية أختي جنون الله يسعدك ويحفظك |
||||||||
|
|||||||||
22 Feb 2006, 09:49 PM | [ 5 ] | ||||||
|
العزيزه جنون
التصميم لا يعلى عليه مبدعه كما تعودنا من زواياك الكثيره وبهذه الزاوه الانسانيه تتوفيقين بعون الله ونوره والكثيرات ممن كتب الله عليه ان يكونوا مرافقين لهذا الكرسي هم اقوياء بقدرة الله .. شكراً جنون |
||||||
22 Feb 2006, 10:03 PM | [ 6 ] | ||||||||
عضو متميز
|
ليش كل مقعد او مقعده على الكرسي قد يئس من الحياة فهذا شي مكتوب لهم والله يكون بعونهم ونوره لا اظن انها قد تيئس من الحياة ولكن شعورها بالملل يشعرها بليئس من الحياة اختي جنون دمتي بوود . |
||||||||
|
|||||||||
23 Feb 2006, 01:46 AM | [ 7 ] | |||||||
نائب المشرف العام
|
اختي العزيز تصميم اكثر من رااائع والاعاقه شي مكتوب من عند الله مشكوره جنون انتي مبدعه |
|||||||
|
||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
نورة الحوشان | شموخ شدادية | أعلام النساء | 27 | 14 May 2020 06:48 PM |
في مدارس نورة | جواهر | بحور القوافي | 24 | 15 Sep 2010 05:41 AM |
مبروك الألفية ال 40 يا أبو نورة | عســــــــــولة | الترحيب والتهاني | 63 | 04 Jun 2010 01:06 AM |
لعيون أبو نورة | بندر النايف | قصائد مختارة | 14 | 15 Oct 2009 01:33 PM |
يا نورة .. | زعيم الحب | بحور القوافي | 17 | 01 Jun 2009 07:04 PM |
|