قصيده أبو نجر

هذي قصيده للشاعر ناجي ابن مسلط أبن محمد الشدادي

عديت فالمرقاب والفكر هاضي = عديت في رأس الجبل عالي الطور
ورجلي من المرقاب فيها شواضي = ودنيت من زين الحناتير حنتور
توه جديد من حفيزه يلاضي = لادست أبنصه بالقدم جاه حاشور
وارد حفيزن والتواير عراضي = وموردينه من وراء دار بلفور
لونه سماوي داخلن به بياضي = ودريوله مهوب تايه ومسرور
ملفاه ربعن في جنوب الرياضي = في حارة النزهة لهم في البلد نور
ابو صقر في كل الاحوال قاضي = فهمان فكل المعاني ودكتور
غصبن على الي ماهوب راضي = يرسي كما يرسي على الموج بابور
وابو نمر ليا طوحو بالحياضي = يرسي كما يرسي جبل دمخ والصور
وقلي ليامريت يم أبو ماضي = زبن الدخيل الي من الضيم مقهور
مدحي لربعي ماعليه اعتراضي = لطامت العايل على مشت الزور
أزحول الرجال مبعدين المواضي = ربعن لهم في قمة المجد دستور
وصلاة ربي عد عشب الفياضي = على النبي الهاشمي خير مامور

عبدالله الشدادي


امانه ان كان حي وتعرف الشاعرهذا سلم عليه وتحب لي خشمه وتقوله حسين يقول بيض الله وجهك وصح لسانك وعلى شانك وين انت من زمان وين غايب هذا الشعر الحقيقي وهذا الكلام الجزل

بيض الله وجهك ياعبدالله وبيض الله وجه شاعرها

صح لسانك ناقلها وقائلها

تحيه عطره

		المشاركة الأصلية بواسطة : اقتباس
	ملفاه ربعن في جنوب الرياضي=في حارة النزهة لهم في البلد نور ابو صقر في كل الاحوال قاضي=فهمان فكل المعاني ودكتور

والله والنعم بهم كلهم ...
وش مناسبة القصيدة وقصتها ؟؟

		المشاركة الأصلية بواسطة : سهير الليل اقتباس
	عبدالله الشدادي امانه ان كان حي وتعرف الشاعرهذا سلم عليه وتحب لي خشمه وتقوله حسين يقول بيض الله وجهك وصح لسانك وعلى شانك وين انت من زمان وين غايب هذا الشعر الحقيقي وهذا الكلام الجزل بيض الله وجهك ياعبدالله وبيض الله وجه شاعرها صح لسانك ناقلها وقائلها تحيه عطره

ووجهك ابيض ياحسين

الشاعر ناجي أبن مسلط حي يرزق وهو عمي ياحسين

والسلام ان شاء الله راح يوصل

		المشاركة الأصلية بواسطة : المستحيلة اقتباس
	والله والنعم بهم كلهم ... وش مناسبة القصيدة وقصتها ؟؟

عزيزتي المستحيله ونعم في حالك

القصه ومافيها القصايد دايم مستمره بين

الشاعر ابو نجر وابو صقر وابو ماضي

وابو نمر المذكور في القصيده

والمناسبه واضحه في القصيده

الف شكر على المرور

		المشاركة الأصلية بواسطة : اقتباس
	والمناسبه واضحه في القصيده الف شكر على المرور

لو فهمت المناسبة ما كان سالت ...
القصيدة مدح .. انا اسال اذا فيها طلب خفي او اعتذار او غيرة ..

تسلم ومشكور ماقصرت القصيدة رائعة ومعانيها تدل على ذلك وياليت تعرفنا بالشاعر أكثر وتكتب عن بعض القصائد الي كتبهــــــــــــــــا.

ابو عابد

لا هنت يالغالي وصح لسان الشاعر وتقبل تحياتي ،،،،،

		المشاركة الأصلية بواسطة : ALDHEGMI اقتباس
	تسلم ومشكور ماقصرت القصيدة رائعة ومعانيها تدل على ذلك وياليت تعرفنا بالشاعر أكثر وتكتب عن بعض القصائد الي كتبهــــــــــــــــا.

مشكور الله يعطيك العافيه على المرور

وان شاء الله راح يكون هناك قصايد اخرى للشاعر

		المشاركة الأصلية بواسطة : ضاوي العبيدي اقتباس
	ابو عابد لا هنت يالغالي وصح لسان الشاعر وتقبل تحياتي ،،،،،

لاهنت ياضاوي مشكور على المرور