اليتيمة

اخواني واخواتي
اعضاء وزوار
منتدى الشدادين
اقدم لكم هذه القصيده راجيا ان تنال رضاكم

الشعر فله والمعازيب فله=والطيبه ياصاحبي مالها زي
انعقب الشاهي بفنجال دله=بعد العصر جالس على كسرة الفي
واخاف ياليلي تضيع الادله=ولا الزمن يطوي عناويننا طي
البدر يتبع غايبات الاهله=ويوافق الحاضر ولو قيل له عي
فكرت بالحاضر بدقه وجله=والياه حافل بالرشادات والغي
احد مع الصاحين واحد بعله=وبعض العلل ما تنبري غير بالكي
والمشكله من ضيع الوقت كله=وان قلت له عجل يقول اصبر اشوي
ما لليتيمه غير دمع تهله=مادام اهلها دوم صمان وعمي
ماتكمل الفرحه على الضيم لله=وما ينوكل لحم الوليمه وهو ني
وياصاحبي رح للمعزب وقله=الشام والله ياعرب وضعها سي
احيان اروم الوقت واحيان امله=غصب ابلع اللقمه وغصب اشرب المي

نص
له
دوي
اعجبني
كثيرا


لاهنت

هلا بالشاعر حمد
دوي
وزلازل
ولكن من يسمع
شاكر اخي حمد مرورك
واهتمامك
تحياتي

حياك الله يا شاعرنا العزيز
وصباحك خير وسعادة

طبت وطاب حرفك
وزان قافك وجزل معناك

حضور مميز
والله يبيض وجهك

اهلا وسهلا ومرحبا
بالسلطان العزيز
غردت الاطيار بمقدمك
لاهنت ولاهان غاليك
نورت المكان نور الله دربك
شاكر اهتمامكم
ويهمني رأيكم
تحياتي

حي الله ابو فهد شاعر ولايحتاج
صح لسانك وارتقى بيانك
لله درك . لله درك .
ويكفي .



.

ماعليك زود يالطاري
ومنكم نستفيد
نورت الصفحه بنورك البهي
لاهنت
ولاعدمناك
تحياتي

بعدين اخي الطاري
ارجو التواصل
ضروري لوسمحت
تحياتي

صح لسانك شاعرنا
ولاهنت على القصيدة الرائعة

		المشاركة الأصلية بواسطة : سفير وشاعر اقتباس
	بعدين اخي الطاري ارجو التواصل ضروري لوسمحت تحياتي

وأنا أرجو منك شاعرنا القدير
أن تأذن لي بنقد القصيدة وإخراجها للنور
أنتظر موافقتك وتوقيعك هنا
وبمجرد موافقتك سأقنلها إلى ميزان النقد الأدبي
وهناك تبين للناس الفوارق وتزوح الخوانق وتنكشف الغمة .
عن كثير من الشعراء ومتذوقي الشعر .
(للأسف قتلت القصيدة في مهدها)
~~~
أخوك وجارك وصاحبك الطاري
،
وأنا الطاري