توقع وأحسب حسابك!!

سلام الله عليكم كل أبوكم وأسمعوني زين=ترى ماني بعايد كلمتي لاقلتها مره
نشدتوني عن غيابي وسبة غيبتي شهرين=وأنا سبة غيابي عالمٍ ماهيب مضطره
أصافحها بكف السلم ولحربي تمد يدين=وأنا ما ودي بحرب الرخوم ومايل الغره
أنا من روس قومٍ ما تدور زلة المسكين=ولا نحسب حساب اللي يتبعنا على الجره
بني شداد من وقتٍ مضى واليومه وذلحين=نضر اللي يدور للضرر والطيب نسره
وأنا ياللي تبى ذبحتك لا مره ولا ثنتين=دمحت الك الخطاء لكن نفسك جات مغتره
تحسب إنا ليامنا دمحنا زلتك راضين=توقع وأحسب حسابك ترى الأيام مفتره
أخذ حكمه من الأمثال لا تبحث عن السكين=يقولون الحليم اليا تجنبك أتقي شره

وسلامتكم/ مع تحيات الرحاااااااااااال

صح لسانك وعلا شانك
اخوي الرحال
ولاهنت ولاهان غاليك

صــــــــــــــح لسانك
يعطيك الف عاااااافيه

		المشاركة الأصلية بواسطة : ياسر الشدادي اقتباس
	صح لسانك وعلا شانك اخوي الرحال ولاهنت ولاهان غاليك

يامرحبا يا ياسر الشدادي وصح الله بدنك نورت الصفحة بتواجد
وحظورك وشكراً على مرورك
والله لايهينك

		المشاركة الأصلية بواسطة : عســــــــــولة اقتباس
	صــــــــــــــح لسانك يعطيك الف عاااااافيه

ياهلا ياعسولة وصح الله بدنك
والله يعافيك ومشكوره
على حظورك

الرحال

أبدعت ثم أبدعت ثم أبدعت


رغم قلة الأبيات إلا انها تساوي 100 بيت

ونعم في بني عمي بني شداد


جمل الله حالك

		المشاركة الأصلية بواسطة : محمد المريري اقتباس
	الرحال أبدعت ثم أبدعت ثم أبدعت رغم قلة الأبيات إلا انها تساوي 100 بيت ونعم في بني عمي بني شداد جمل الله حالك

يامرحبا يا محمد المريري وأنتم تستاهلون الجزاله والإبداع
وأنا ترى ماشي بالمثل اللي يقول خير الكلام
ماقل ودل شهادة أعتز بها أخوي
محمد ولا عليك زود

صح لسانك ولاهنت
ابدعت بطرحك

دمت بخير

صح لسانك يابو ضاوي

ولاهنت على هالأبيات

ونعم فيك يالرحال أنت طيب والكل يعرفك

أخـــــــــــــــــــوك الغـــــــــــــــــــريق

صح لساااااااانك ملايييييييين

قصيده غاااضبه وفيها تحدي ونصح لاجتناب طرق التهلكه

الرحال

دامه يدور السكيييييين وش تنتظر هههههههههاي

بيض الله وجهك