آخر 10 مشاركات |
مختارات | قال تعالى فَذَكِّر إِنَّمَا أنتَ مُذَكِّرٌ لَّستَ عَلَيهِم بِمُصَيطِرٍ |
|
||||||||||||||||||
قال حقوق مرأه قال
السلا عليكم ورحمة الله وبركاته سألت واحد جداوي وقلت له ما رأيك في صرخات المرأه دائما مع العلمانيين وتقول أنا (مهضومة الحقوق ) فكان جوابه رد علي قائلا ياخي يرفع ضغطي شَي زَي كلمة حقوق المرأة .. وبالذات في السعودية .وهادي المشكلة طلعت متى؟ بعد 11 سبتمبر ... سبحان الله .. يعني كانوا من ألف وأربعمية سنه نايمين .. وفجأة كده صحيوا وقالوا: وه ياندامة .. إيش هادا؟ أتْـرِنُّو إحنا لنا حقوق؟! مادام كده ... الإنتخابات البلدية ليه ما نشارك فيها؟ وليه ما نروح هناك ونرقع بالصوت؟ يا أختي حلال عليكم البلدية كلها .. يعني إيش تبغوا تسووا؟ تحطوا ضوابط إصدار الرخص لمحلات الحلاقة مثلا؟ والا تناقشوا سفلتة الشارع اللي يودي على بيت أم إبتسام؟ والا ليه الشارع الفلاني ما فيه كوفيرة مغربية وكل اللي فيه مصريات؟ يا أختي ريِّحي راسك .. اذا كثير من الرجال ما سوُّوا حاجه ... بالله عليكي حتسيبي بيتك وعيالك وشغلك ... عشان تناقشي مشروع إنتخابي؟ هادا من تمام الفضاوه. طيب قولوا لوحْدَه زواج أختها الليلة: بلاش تروحي للكوفيره اليوم يا مدام وتعالي نناقش حقوق المرأة أو نحضر المجلس البلدي و نتخذ قرارات مهمة .. وأترك لكم جوابها .. إيش يكون أما عن حقوق المرأة في السعودية .. فياسيدي الست هنا لها حقوق وواجبات ما تتنازل عنها. مثلا: في بلدان كثير عربيه وأوروبيه تلاقي شحط طويل عريض جالس في الباص ..وقدامه وحده في الشهر التاسع واقفه على رجولها وشايله طفل تاني على كتفها .... إن الشحط يتحرك؟ .. أبدا...إن الثور يحس؟ ...لايمكن. لكن هل يمكن يحصل هادا في السعودية؟ أبدا .. واللي يبغى يجرب .. الطريق قدامو .... يا عمي العملية كلها دلع حريم في دلع حريم .. رايح أعطيكم بعض الأمثلة وقولوا لي مين اللي آخِد حقُّو بالكامل وزياده؟ وهل عندنا المرأة متساوية مع الرجل ... والا هي أحسن مِنُّو؟ قال حقوق المرأة .. قال. منظر عام رجال محترمين زي الورد واقفين أمام صراف في بنك .. وتِجي أختنا في الله (اللي يقولو إنها مهضومة الحقوق) تتقدم للصراف مباشرة ولا على بالها من الطراطير اللي واقفين من ساعات .. وبعضهم مستأذنين من عملهم. طيب ليه ما توقِّف تِمسك سِرا ورا عشرين بنغالي... وثلاثين باكستاني... وخمسين سعودي... واثنين معقبين معاهم شوية فواتير مقاس إكس لارج .. وإذا أحد كلمها وقال لها أتفضلي يا أختي ترد عليه وتقول: لا، معليش.. المرأة زَيّ الرجال .. خليني في الطابور .. زَيِّي زيكم؟! .... ليش ما تقول كده؟! ... والا هي تماحيك وبَس! ونفس المنظر في الجوازات .. والأحوال .. والتأمينات .. ويقدر أحد .. يقول إنه من ظهر أبوه .. يفتح فمُّه؟ ... على طول يسمع العبارة الشهيرة .. ( عيب عليك .. إنت ما تستحي؟ .. هذه حرمة...إنت ما عندك أهل!)) ..ويضطرالراجل إنُّه ينكتم ويسكت .. بل إن المرأة تشفع للراجل جوزها عشان يتقدم على الرجال الباقين. في المطار .. مثلا .. ما تشوفهم يطلِّعوا العوايل أوَّل .. وبعدين بقية الركاب؟ قال حقوق المرأة .. هه! اقتصاديا شوف الراجل... السبع... الغضنفر... المفتري...له ثوبين أو ثلاثة في السنة ... يروح بها العمل، ويحضر بها عزايم وزواجات، ويقابل بها كبار المسؤولين، الخ، الخ، الخ. والمرأة بسلامتها ... بقيمة أدوات مكياجها فقط... تقدر تفتح محل خياطة رجالي محترم. ويا ريت تحط من مكياجها في البيت .. لأ. دا بَس للخروج ... وقيمة صباع روج والا علبة بودره تساوي قيمة جوال جوزها ... وكمان ازيدك من الشعر قصر .. مو بيت ... من حقوقها فستان لكل فرح... و مكياج... و كوفيرة...وجزمة ..وشنطه. وكمان خُدوا هادي .. سابع بنت عمي ... ملكة أخت جارتنا ... ولازم هديه ... واللطخ يدفع ... مو مهم الفلوس جات من فين ... المهم يدفع ... والدنيا ممكن تنقلب على الراجل واللي خَلَّفوه علشان موضوع (مهم وحيوي) زي كده ... قال إيه! حقوق المرأة. نفسيا الزوج مطالب يكون أربعة وعشرين ساعة رومنسي ومبتسم، ولا يبقى جلف وإبن ستين في سبعين. ويعني إيه عنده مشاكل في العمل؟! والا أقساط متأخره؟! والا فواتير؟! والا مقاضي ما يعرف كيف يجيبها؟! مو مهم .. واجب عليه إنه يرجع من العمل للبيت مروِّق ومبسوط وبَس .. كإنه كان في شرم الشيخ .. والست بسلامتها من ساعة ما يرجع من عملو .. وقبل ما يفصخ حوايجو: شوف بزورتك ( لاحظوا .. بزورتك) طفَّشوني .. إيش رأيك نغير غرفة النوم؟ التلفون ما فيه حراره .. جاتني رساله على الجوال يقولوا الفاتوره طلعت .. أَلحق سّدِّدو قبل ما يوقفوه عن الخدمه ... ... ... ... ومع هادا كُّلو ...لازم يبقى رومانسي. بينما هي وبكل سهولة تصحى بسلامتها في الضُّهر...وتجد الكارثة الكبرى....يوه ...ما عندنا صلصه...وبكل رقة تتصل...ألو ألو ..أبو خالد موجود؟ ممكن أكلمه لو سمحت؟ ألو .. إيوه... أنا .. حتكون مين يعني؟... المهم ... جيب معاك غدا ... ماهو إنت يا فالح نسيت تجيب صلصه معاك أمس. ولإنه موفاضي.. و قرفان من العمل.. يصدق المسكين إنه هو إللي نسي ويقول بكل شجاعة ..... طيب. وفوق هذا كله آخر السنه: طفشانه ....فين حتودينا ...والله بنت خالتي راحت أمريكا .. وبنت عمي ما تصيف إلا فْ أوروبا... يا عيني علينا إللي ما نروح غير يا مصر .. يا سوريا ... والسنة اللي غيَّرنا فيها .. رحنا ماليزيا. وفي رمضان: تعبت ..أوف ...إنت داري عن حاجه؟ أنا أبغى خدامة... أنا خلااااااااص .. ومن ثالث يوم رمضان ...مقاضي العيد من جده ....أختي جابت ملابس لها ولعيالها .. إيش أقولَّك بس ... وخُد مشاوير لليييييييييييل ... والراجل المسكين لما ينزل السوق مع مرته ما يقدر يشتري ولااااا شَي لنفسو، لأنو طول الوقت ماشي وراها من دكان لدكان، وشايل زنابيل إلين ما كتفو يتخلع. وهي تطالع فيه وهو يتطوَّح من ثقل الزنابيل .. ولا تقول لُو فزعه .. حتى لو بالكِدِب. وآخرتها بعد ما يرجع البيت تقول لو إنها لِسَّه ما أشترت ملابس العيد!!!!!! وإذا فكَّر ينزل السوق لحالو عشان يشتري شي لنفسو ... على طول يكون مشبوه .. إيش ينزلك لوحدك وسط الحريم؟ .. طيب إنت مو كنت معايا في السوق .. أحد قال لك لا تشتري؟ قال إيه؟ .. حقوق المرأة. شرعا المرأة لها حظ من أبوها .. وحظ من زوجها .. هادا غير أمها ... وأخوانها .. وأبناءها .. والراجل مطالب إنو هو اللي يصرف عليها مهما كان عندها فلوس. وثانيا: الرجال لازم يروحوا للمسجد خمس مرات في اليوم .. جمع وجماعات .. حر وبرد .. ليل وصبح .. لازم يروحوا ... بينما الست تصلي تحت المكيف .. في غرفتها .. وأجرها زي الرجال تماما ... ياعيني .. يا عيني .. والله الإسلام أعطاكم كتير .. وياريتو يِبان فيكم. إجتماعيا الست كل أسبوع تخرج عند صاحباتها وما ترجع إلا متأخره .. وطبعا جوزها هو اللي يوديها ويجيبها .. (يعني تبغاني أروح مع السواق في هادا الليل؟!) .. وسعادتها ما تبدأ تتمكيج وتسرح شعرها إلا بعد العِشا .. وكل شويه تقول :خلَّصت .. وهي ما سوت شي لِسَّه .. والراجل الغلبان جالس على أعصابو يستنيها تخلص .. أخيرا تقول لُو: وي! إنت ما نزلت السياره؟ .. وَي .. هيا عشان لا نتأخر. المسكين يجري في الدرج (عشان ما يأخرها) .. ويشغل السياره .. ويستَنِّي بسلامتها مو أقل من ربع ساعة حتى تشَرِّف .. وطبعا ممنوع يقول لها: (إيش أخَّرِك؟) والا يا ويلو .. وبعد ما يوصلها .. يستحيل يغتنم الفرصه ويروح هوَّ كمان لأصحابو إلين هي تخلص سهرتها .. (وَه! كيف تروح؟! ومين يقعد مع البزوره؟) .. والماكياج اللي حطتو للستات يتمسح نصو من الطريق .. والباقي بعد ما توصل البيت .. يعني الرجَّال ما يلحق يشوف مِنُّو شي. وإذا بعد شهر أو شهر ونص جات لو عزيمه في زواج .. أو فكر يخرج ليله مع أصحابو .. وبلَّغها من بدري عشان ما ترتبط بموعد مع صاحباتها في نفس الليله وتخرب عليه .. (هو إنت ما تعرف تِقِر في البيت؟ كل ليله معزوم؟ شوفي يختي الراجل .. ما كإنُّو عندو بيت ولا بزوره) لكن مع دا كُلُّو .. برضهم الستات أحيانا نحس إنهم غلبانين .. يمكن عشان قلبنا طيب! وودعته على أمل أن ألتقي به مره أخرى في موضوع آخر
|
11 Jun 2008, 07:28 AM | [ 2 ] | |||||||
روح الحياة
|
حزنت عليه شكله متأذي
:icon_mrgr . . أخوي الكريم موضوع رااائع وهادف من وجهة نظري فالمرأه بالسعودية خاااصة لاتعتبر مهضومة الحقوق بالعكس ...كثيييير يحسدونها على مكانتها وعلى حقوقها المجابه كل مايحدث من مطالبات البعض لإسترجاع حقوقهم الموجوده أصلا ماهو إلا غزوا فكري انتقل لهم :أولاً من جهل بقيمتها في الشريعه الإسلامية وقيمتها اجتماعياً ثانياً من متابعتها لمطالبة نساء العالم بحقوقهم المسلوبة ولم تعي بأنها مختلفة عنهم شدة الإختلاف فهن يطالبن بما لدينا من أمن وأمان وبما خصصة الإسلام لنا واجبار المجتمع على احترامنا فشتان بين النساااء قبل الإسلام وبعده فأي حقوق نطالب بها ؟! . . وفي النهاية الحمد لله على نعمة الإسلام أشكرك على اختيارك المتميز دمت بألف خير |
|||||||
|
||||||||
11 Jun 2008, 10:44 AM | [ 3 ] | ||||||||
|
هلا فيك يا هدوء الشدادين ورد جميل ورائع مشكوره |
||||||||
11 Jun 2008, 11:42 AM | [ 4 ] | |||||||
عضو متميز
|
اخوي بندر يعطيك العافيه ولا هنت |
|||||||
|
||||||||
11 Jun 2008, 11:43 AM | [ 5 ] | ||||||
|
الله يعطيك العافيه اخوي بندر والله ماعاد ندري وش نقول |
||||||
|
|||||||
11 Jun 2008, 04:36 PM | [ 6 ] | ||||||||||||||||||||||||||||
|
الله يعافيك والقايل ما يهون وشاكر لك مرورك |
||||||||||||||||||||||||||||
11 Jun 2008, 04:37 PM | [ 7 ] | ||||||||||||||||||||||||||||
|
وشاكر لك مرورك |
||||||||||||||||||||||||||||
11 Jun 2008, 05:50 PM | [ 8 ] | |||||||
عضو متميز
|
والله وأنا أخوك قريت الموضوع حرف حرف
واكتشفت أن هالرجال رخمة وماعنده من العلم شيء .... صحيح أن حريمنا معيشينهم زي الملكات لكن يبقى طبع أبن آدم وهو الطمع .... عن ابن عباس - رضي اللّه عنهما - يقول : سمعت النبي - صلى اللّه عليه وسلم - يقول: (( لو كان لابن آدم واديان من مال لابتغى ثالثا , ولا يملا جوف ابن آدم الا التراب , ويـتوب اللّه على من تاب )) اللهم أصلحنا وتب علينا أنك أنت التواب الرحيم كل الشكر لك أخوي بندر |
|||||||
|
||||||||
11 Jun 2008, 06:37 PM | [ 9 ] | ||||||||
|
حيلك حيلك يا حاتم وش فيك عليه المسكين يا خي هو قص قصص بسيطه عن المرأه التي تقول ليس لي حقوق وبين غناجتها ومستواها بطريقته الخاصه وش فيك شبيت في وجهه النار أقراء مره ثانيه يا بعدي |
||||||||
11 Jun 2008, 06:39 PM | [ 10 ] | ||||||||
زهرة المنتدى
|
اخوي بندر بالنسبة للمجتمع الي عايشة فيه تشوفنا نحسد المراة السعودية على ماتمتلكه فغيرها من نساء العالم لايملكون ثلث حقوقها او بالاحرى تجد كل حقوقهن مسلوبة وانا اتفق مع اختي هدوء بكون المطالبة بهذه الحقوق هو نتيجة غزو فكري انتقل للدول العربية من مشاهدة النساء الغربيات المطالبات بحقوقهن وانا من وجهة نظري ارى ان المراة املسلمة عموما قد حفظ الاسلام لها جميع حقوقها لذلك نحمد الله ونشكره على نعمة الاسلام مشكور اخوي بندر على الاختيار الرائع تحياتي |
||||||||
|
|||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
حقوق المرأة | فاقدة أبوها | القسم العام | 6 | 05 Feb 2009 11:23 PM |
حقوق الحيوان | حاتم الشدادي | القسم العام | 32 | 30 May 2008 05:14 AM |
حقوق الجار | ابن مهرس2008 | المنتدى الاسلامي | 12 | 07 Dec 2007 04:42 PM |
حقوق ضائعة | بسمة | الأسرة والطفل والمجتمع | 6 | 23 Nov 2006 10:28 PM |
حقوق الطبع تحفـظ | الصـــقار | قصائد مختارة | 11 | 20 Feb 2005 11:19 PM |
أدوات الموضوع | |
|